2 SAMUEL 17:8 - Cho Bible Common Language 2016

⁸ Na pa David la a chang gui cu ng’tuk m’khüt ciah chang gui, a hta ami guh ung nget ciah khawm ah mäih ah nget ciah chang gui ah kyak ciah na hmat ci. Napa cu ng’tuk bi chüm ciah gakap ah kyak ci, ak chang gui awn a täng ah mü ah kä ip ci.

2 SAMUEL 17:8 Referans Kwoze

HOSEA 13:8

Ahta maih ciah khawm ah mäih ah kya ne nang cu ning tu ne, ka ning phyit khai. Phongkawng ah mäih ah kya ne ka ning hmuh nak ung ning lo ne, acun ung sak kyung ah mäih ah kya ne akhui akpi ah ka ning k’teek khai.

1 SAMUEL 16:18

Acun ung om ci gui ung ka tumat naw, “Bethlehem ah ka Jesse ung akni ah tumkhawng thei ciah a hta pami om ci. Ani cu ng’phet ne, kyom ci, gakap ni ah kyak ci, thu m’gawng thei ciah kyak ci. Ani cu Bawipa naw om püi ci.

DANIEL 7:5

A hnih nak ah khiküi cu a hnu khaw awn ng’düi ciah khawm ah ma’ih ah kyak ci. Ani naw gangguh phe thum a haa ung m’kiam ci. K’aw tumat naw ani cu pyen nak ci, “Asa cu na ei hning hlawk ah na ei vai nei.”

NG'THU K'THUUK~ 17:12

A hta maih ciah khawm anu awn ng’hmuh cu akshe bi vai laih laih ah tawt ciah changshe awn ng’hmuh ah ta ba tuba ci.

NG'THU K'THUUK~ 28:15

Dukhaih ci gui cu uktu gi naw hnu na gui u sei amgein kaa ah kyak ci gui. Ani cu m’ngawk ciah kawng la khawm ah maih ah kyih vai ah kyak ci.

2 GHANGPUGHANG GUI 2:24

Elisha naw ng’hlah shi gui ne, angküi ah teng gui neta, Bawipa ah ang ming ung taam gui ci. Cun kawn ah sing ghing hmu ah ka khawm anu goi lut law ni ne a hmaw phlikip-lei goi cu phyit ne htui gui ci.

2 SAMUEL 23:18

Joab ah phäi Abishai (ani nu Zeruiah) cu “Mingthang ciah thum kip ung ang vai pi ah kyak ci.” Ani naw ak htei awn chang phia thum cu ng’tuk püi gui ne, ngawn gui neta “Thum Kip” ung ang mingthang pi ah kya lawk ci.

2 SAMUEL 23:16

Mingthang ciah gakap thum naw ng’güt ne, Philistin phung güt ah hteit u ne, tui shawk ungka tui than u ne, David am thak lawk ci gui. Cun ung phi ani naw kä awk ci, ani naw cun ah tui cu Bawipa am douthak ah k’phyuh neta,

2 SAMUEL 15:18

Abawi avan cu ani tawi ne ng’düi ci gui, bekhüt ne ani ngäng ciah chang gui cu ma ne, ama ung hteit ci gui. Gath ungka ani läk lawk ciah gakap phia chuk phi ma ne hteit ci gui.

1 SAMUEL 23:23

Ani ang thuh nak ah hmun cu ang kheing ah nami teng vai. Cun ung ka, ang düng ah law ba ne, a mawng nami na m’thein law ba vai. Cun kawn ah nangmi awn a täng ah ka hteit tuk khai, cun ah khaw ung ani om lä ciah a kyak ung, ani ka züh khai, Judah khaw avan ung ka shui khai,” cik ci.

1 SAMUEL 17:50

Cun ah David naw Koliath cu khim kä bi ah yaili la lung awn hnim ne ngawn ci!

SUKI GUI 18:25

Dan ung ka chang gui naw, “Shin ah chang gui m’lungshe u neta, ami ning tuk law gui vai, kä nami m’hni ah a kyak ung thu a i phi kä pyen ne nami om ung bä tu ba khai nei. Nang la na kyong chang gui nami sik khai nei” cik ci gui.

2 SAMUEL 17:9

Tuhbäi ani lung khui ung baw, a hei hmun ung baw ng’thup khai nei. A tuhbäi ge David naw chang gui tu ne anäng ah akiak ung, a cun ah mawng ng’yak ci naw nak chang gui ami hnim gui pyi ah pyen khai gui nei.

EZEKIEL 19:2

Nangh ah na nu cu phong kawng anu acang ah kyak ci nei! Ani naw a hta gui cu kyih vai phong kawng ak hla gui ah ng’lung ah m’ghin gui ci nei.