2 SAMUEL 17:3 - Cho Bible Common Language 2016

³ ak chang gui ami van nang ah ka law püi ba gui khai, cun cu lamihta acei ah a law ba ah mäih ah kyak khai. Nang naw chang tumat bäng na ngawn hlük ci; pawih ciah chang gui cu phyawng khai gui” cik ci.

2 SAMUEL 17:3 Referans Kwoze

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

ISAIAH 57:21

Hmakak ci gui ah phäh ah phiawn nak vai kä om ci nei” cine Bawipa naw pyen ci.

ISAIAH 48:22

“Kak ciah chang gui ah phäh ah ngaih gep nak kä om ci nei” cine Bawipa naw pyen ci.

2 SAMUEL 3:21

Abner naw David am, “Kei tuhbäi hteit ba ne, Israel avan cu, näng ne, nang ka bawi ung ka ap lawk khai nei. Ngami naw ghangpughang ah ning dou khai gui, cun kawn ah nang naw na ng’yak hlü cu na gah khai, khaw avan cu na uk khai” cik ci. David naw Abner cu a phyawn htein vai ah ng’thushai ta shüüt neta, hteh ba sak ci.

2 SAMUEL 17:4

Cun cu Absalom la Israel ng’vai gui ah phäh ah nik ciah m’shümthein nak ah mäih ah kyak ci.

JEREMIAH 6:14

Ngami naw ami khei khan ng’khawk düt khai ah bo; p ci gui. Ngami naw “Avan bä ci nei” ci u sei avan kä bä ci!