2 SAMUEL 17:25 - Cho Bible Common Language 2016

²⁵ (Absalom naw Amasa cu Joab ah hnün ung gakap bawi ah tha ci. Amasa cu Ishmaelit chang Jether ah a hta ah kyak ci; anu cu Abigail, Nahash ah hta, Joab ah nu Zeruiah ah nau ah kyak ci.)

2 SAMUEL 17:25 Referans Kwoze

1 SHONTÄP NAK 2:13

Jesse cu chih ah hta ci Ami Kum ah ng’läk ah tän gui ung: Eliab, Abinadab, Shammah,

2 SAMUEL 19:13

David naw Amasa am ami m’thein vai ah a pyen nak gui cu, “Nang cu ka ning mätyah nei. Tuhbäi ung tün ne, Joab hnün ung, gakap ung ang vai pi ah ka ning tha ci nei. Cun ah kä ka bi ah a kyak ung Khanpughi naw na m’sih sä!” cik ci.

1 GHANGPUGHANG GUI 2:32

Joab naw kapa David ah kä hmat ah chang gui ngawn ne akat ah phäh ah ani cu Bawipa naw m’kyuk khai. Joab naw chang ni hnih ngawn ci, ngani cu amät ah ta ni tuba ci goi: ngani cu Abner, Israel gakapbawi la Amasa Judah gakapbawi ah kyak ci goi.

1 GHANGPUGHANG GUI 2:5

“A i baw om ba mä ci. Na shüm ba khai, Israel gabawi goi Ner ah hta Abner la Jether ah hta Amasa cu Joab naw ngawn goi ne kei ah khan ah bi bik ci. Ng’tuk yah ung ami ngawn tu ah phäh ah dimdeeih yah ung phu tu ne a ngawn gui cu nang naw na shüm ba ci. Ani naw chang ni gui ngawn gui ci, tuhbäi kei naw ani bi cu ka chaw nak ci, acun ah mawng cu kei naw ka yaica nak ci.

2 SAMUEL 20:4

Ghangpughang naw Amasa am, “Judah chang gui khü ne m’cut gui ne, ci tuh hnüüp a shin ung na law püi vai” cik ci.

2 SAMUEL 17:26

Absalom la ak chang gui cu Gilead ung phung tu ne om ci gui.

1 GHANGPUGHANG GUI 2:28

Cun ah mawng gui cu Joab naw ng’yak ci. (Ani naw Adonijah cu ng’düih püi ci, Absalom cu kä ng’düih püi ci.) Cun ah kyasei ani cu Bawipa ah om nak ah Phung ah dawng ne, sonkiang ah a kit gui cu k’pang ci.

2 SAMUEL 19:14

David ah ng’thu naw Judah chang gui ami van akbe ah bekhüt sak gui ci, ngami naw, a bawi gui ami van nawn ami law ba vai ah ng’thu m’khäh ci gui.

1 SHONTÄP NAK 12:19

Manasseh pakhui ungka gakap amshah gui cu David täng ah lawk ci gui, Cun sang ung David cu philistin gui awn a täng ah ghangpughang Saul tuk khai gui ah hteit ci gui. Akcang ah ani naw philistin gui cu kä bawm gui ci, ani naw a bawi mante Saul am a ap gui vai ah ami ghangpughang gui cu ng’ä u neta, ani cu Ziklak ah ami tüih ba ah kyak ci.