2 SAMUEL 17:23 - Cho Bible Common Language 2016

²³ Ahithophela naw ani ah m’shüm thein gui kä ami läk cu hmu neta, ang sela ung ng’cum ne, amät ah mang gaw ah hteit ba ci. Amät ah bi vai gui cu bi neta, amät ng’awk ne sik ci. Ani cu ami kyong ah phuh hmun ung m’cim ci gui.

2 SAMUEL 17:23 Referans Kwoze

MATTHE 27:5

Cun kawn ah Judas cu Pum im kyong ah tangka thumkip cu ghawt shüt netah hteit ba ci. Cun kawn ah a hei lam ah hteit netah gui awn ng’awk ne sik ci.

2 GHANGPUGHANG GUI 20:1

A cun yah ung ghangpughang Hezekiah cu si hlü ne gaw ci. Amoz ah hta prophet Isaiah naw hteit ne hmu neta a pyen nak cu, “Apäng avan na ngaih nak ge vai ah Bawipa naw ning m’thein ci, a i ah kyasei ci ung nang cu kä na gai ba khai, sih ge vai ah na om vai.”

2 SAMUEL 15:12

Khawihnah nak a dou thak yah ung Absalom naw Gilo gawnu ah Ahithophela am chang tüih ci, ani cu Ghangpughang David ah chang vai tumat ah kyak ci. Ghangpughang ceng cham hnu ng’tuk nak cu khüi ghat law ne, Absalom läk ciah chang cu da lawk ci.

SAM 5:10

O Khanpughi, m’kyuk ne m’kat gui ä; Ami mät ah ng’zihkuh nak naw ami mät chah gui ci nei. Ami katnak gui la ami ning hnu ng’tuk püi ah hmawk ah, Na ma ungka naw k’täm gui ä.

1 GHANGPUGHANG GUI 16:18

Zimri naw mang gaw angkiak cu hmu neta mangim ah akyong lungung ah lut ne, mangim cu mei awn m’khih neta mei ung lutne sik ci.

2 SAMUEL 15:31

Ahithophela cu Absalom ah küknet nak ung ng’dawn tuk ci nei, cine David am m’thein u khäta, ani cu taigü ne, “Na bä ni, Bawipa, Ahithophela ah m’shüm thein nak gui cu a khawlä ah kyak sak ä” cik ci.

NG'THU K'THUUK~ 19:3

Chang m’shah gui cu ami mat ah omshe nak awn, ami mat m’dishum u neta, Bawipa cu täitawk ci gui.

NG'THU K'THUUK~ 16:18

Chang ah ng’shei nak cu di nak ah kyak ci, chang yoshe nak cu shum nak ah kyak ci.

SAM 55:23

O Khanpughi, cun ung phi nang naw, Chang ngawn ci gui la m’gu hleei ci gui cu, ng’cim hmun ung na hteh sak gui khai, ngami cu kä chang cawih khai gui. Cun ung phi kei läi cu nang ka ning ngaih u khai nei.

JOB 31:3

Katnak bi ci gui ah leigai la nat nak tüih gui ci.

2 SAMUEL 16:23

Ahithophela ah m’shüm thein nak phung cu Khanpughi ah thu cang ah cun yah ung dou man ci gui; David la Absalom ani nik hnih naw phi läk ci goi.

2 SAMUEL 17:22

Cun ah kyasei David la a chang gui naw tuinu cu hei kat ci gui, khaw thai law sei hei kat yawp ci gui.

ISAIAH 38:1

Cun ah akhin ung Ghangpughang Hezekiah cu gaw ne si ghep ghep ci. Prophet Isaiah, Amoz ah hta naw hteit ne teng neta a pyen nak cu, “Bawipa naw na m’thein ci, nang naw a päng nü cu kyäp ge khaiah ne ci vai, nang cu kä na gai ba khai na si ge khai ah na om vai nei.”

SAM 109:20

Bawipa, ka ga gui, akshe ah ng’thu ne na hnu ng’tuk püi ci gui cu, a cun ah mäih ah m’kyuk gui ä!