2 SAMUEL 17:14 - Cho Bible Common Language 2016

¹⁴ Absalom la Israel gui ami van naw, Hushai ah m’shüm thein nak cu Ahithophela ah m’shümthein nak ah ta bä pi ci nei” cik ci gui. Ahithophela ah m’shümthein nak cu kä ami läk en vai ah Bawipa naw k’bäi ci, cun ah kyasei leibei cu Absalom ah khan ah gawk lawk khai.

2 SAMUEL 17:14 Referans Kwoze

2 SAMUEL 15:34

Cun ung phi na na kugam nak hning cu, mang gaw ah ng’hlat ne hteit ba ne, apa ah khut na bi ah mäih ah tuhbäi ani ah khut bekhüt ne na bik khai pyen ne, Absalom am na m’thein vai. Cun kawn ah Ahithophela ah m’shüm thein nak a pek gui cu avan na hnu ng’tuk vai ah na bi vai.

ISAIAH 8:10

Bi vai ah mawngma nami pyan vai! Cun ung phi cun gui cu kä näng hlawt khai. Nami m’hni chü ah nami ng’htau vai! Cun ung phi cun gui avan cu akholä ah kyak ci, a I ah kyasei ci ung khanpughi cu mikmi awn atäng ah om ci.

NG'THU K'THUUK~ 21:30

Chang ah cüivai nak hmuhmat nak, ngaih-tüh nak, Cun gui cu Bawipa naw a hnungtuk püi ung akholä ah kyak ci.

NG'THU K'THUUK~ 19:21

Chang gui naw a hlü hlü ah pawng püi ci gui. Cun ung phi Bawipa ah ng’yak hlü naw pyi phleh ci.

2 SAMUEL 15:31

Ahithophela cu Absalom ah küknet nak ung ng’dawn tuk ci nei, cine David am m’thein u khäta, ani cu taigü ne, “Na bä ni, Bawipa, Ahithophela ah m’shüm thein nak gui cu a khawlä ah kyak sak ä” cik ci.

1 KORIN 3:19

Khomdek chang gui naw cüivai nak ah ami ngaih cu Khanpughi ah maa ah akholä ah kyak ci. Cacim ung, “Khanpughi naw hmuhmat ciah chang gui cu ami mät ah theileh nak awn pha ba gui ci” ciah om ci.

LUKA 16:8

Cun ah theileh ne a bilawh ah hmawk ah kä ng’düng cih changvai cu amang naw m’hlüngtai ci. A i ah kyasei ci ung khomdek chang gui cu, khomdek khan ah mawng bilawh nak ung akdei ah hta gui ah mä ami theileh pi ah hmawk ah kyak ci.

NG’ÄI KYAH 3:37

Bawipa ah ang yak hlü cu angtäi sei kawh chan nei.

2 SAMUEL 16:23

Ahithophela ah m’shüm thein nak phung cu Khanpughi ah thu cang ah cun yah ung dou man ci gui; David la Absalom ani nik hnih naw phi läk ci goi.

ATÜNNAK 32:28

Cun ah chang naw, “Nang cu Khanpughi awn ng’pyei ni ne, chang awn phi ng’pyei ni ne, na näng ci kyasei, na ming cu Jakob ah kä kya ba khai, Israel ah kyak khai nei” cine pyen nak ci.

AMOS 9:3

Ngami cu Kamela m’htung lai ah ami ng’thuh ung phi, shui ba gui ne ka pha ba gui khai. Ngami cu tuinu ah khui ah ami ng’thuh ung phi, tuinu phyung hlui am ka htuih sak gui khai.

SAM 9:16

Bawipa naw amät ah düng ciah am khoicha nak awn amät cu dang sak ci nei. Changshe gui cu ami mät ah shetkat nak ung ng’awk ci gui nei.

2 SHONTÄP NAK 25:20

Cun ung phi Amaziah naw kä ngai ci. Amaziah naw Edomit a gup gui cu khawihnah ci kyasei, ami tuk hnim vai ah Khanpughi naw ng’ya hlük ci.

2 SHONTÄP NAK 25:16

Amaziah naw ng’thu ba pah ne, “Keimi naw nang cu ghangpughang na m’cäi m’ä khai ah kami ning tha ne ang? Kä chiu ba ne om ä, kä cung ka ning ngawn lawk khai nei!” cik ci. Prophet naw shin ah pyen neta, kä chiu ba ne om ci. “Tuhbäi kei naw ka hmat ci, Khanpughi naw nang ning m’di khai ah k’bäi pyi ci, a i ah kyasei ci ung nang naw shin gui bi ne, kei ah m’cäi ä nak a i ah kä na ngaih ah phäh ah kyak ci.”

THULÄÄN NAK 2:30

Cun ung phi ghangpughang Sihon naw a khaw kä kaan tu sak gui ci. Bawipa nami Khanpughi naw liing sak ci, hnungtuk sak ci, cun ah kyasei ani cu hniim u ne, a khopäng kami lak ci, cun cu keimi naw kami khäm khai.

PHYAWN NAK 9:16

Cun ung phi ka huham ka ning m’dang nak ah ka ning ghin sak khai, cun ung kei ah ka m’gäi nak cu m’dek khan avan ung gawk khai.

2 SHONTÄP NAK 10:8

Cun ung phi ani naw a gham gui ah m’cäi nak cu nawng en ne, a mät tawn tängteih ci gui, angshi k’ca gui vai ah a tha gui ah a hmaw chang gui ah hteit neta,

NEHEMIAH 4:15

Na tuk gui khai ah ami pawng ah mawng keimi naw kami hmat ciah kami ga gui naw ng’zah u neta, ngami ah pawng püi cu Khanpughi naw hnim ciah hmat lawk ci gui. Cun kawn ah kami van k’paang kami co ba khai ah kami hteit ba ci.

SAM 9:15

Chang khuihei gui cu thai co u ne, a cun ung ng’kyak ci gui nei, Ami mät ah cun ung ami mät awk ci gui nei.

JOSHUA 11:20

Bawipa naw ngami am Israel gui tuk nak vai ah khüighat nak pe gui ci. Cun ah kyasei ngami ami van m’di gui vai ah am kyuk gui ah kyak ci. Ami van kä m’gein gui neami ngawn gui ah kyak ci. Shin cu Bawipa naw Moses am a thumkhän ah kyak ci.

2 SHONTÄP NAK 10:15

Shin cu Shilon ah ka prophet Ahijah ungka naw Nebat ah hta Jeroboam am a pyen nak ah Bawipa Khanpughi ah a ng’yak hlü ah kyak ci. Cun ah kyasei ghangpughang naw chang gui cu a i ah kä a tä gui ah kyak ci.

JOB 12:17

Ani naw uktu gui ah cüivai nak cu ghawt yawp ne, ang vaihta gu cu akgu ang ah mäih ah kyak sak gui ci.