2 SAMUEL 17:11 - Cho Bible Common Language 2016

¹¹ Kei naw ka ning m’shümthein cu, nang naw Israel chang avan cu, vang khaw cawi ungka naw vang khaw cawi ung khüt khai ah m’cut gui ä, ngami cu tuikem ah lai gin chü ah da ci gui nei, cun kawn ah ng’tuk nak ung na mät naw ma tawn ä.

2 SAMUEL 17:11 Referans Kwoze

ATÜNNAK 22:17

Kei naw shai ka taak cu, khankho ah om ciah aisi chü, tuinu kem ah om ciah laigin chü ah ka ning pungpiah sak khai. Na htangshon gui naw ga avan näng khai gui.

SAM 9:16

Bawipa naw amät ah düng ciah am khoicha nak awn amät cu dang sak ci nei. Changshe gui cu ami mät ah shetkat nak ung ng’awk ci gui nei.

SUKI GUI 20:1

Israel chang gui avan, a siiptäng Dan ungka naw a htumtäng Beersheba ung khüt ci, a kyangtäng Kilead khaw ungka naw avan cu ng’khü tuk ci gui. Ngami cu Mizpah ung Bawipa ah ma ah tumat ah ng’tum ci gui.

JOSHUA 11:4

Ngami cu ami gakap avan ci awn lawk ci gui, gakap gui cu tuikem ah laigin chü ah da ci gui. Ngami ung sela gui la yatha gui phi akda om ci.

1 GHANGPUGHANG GUI 20:10

Benhadad ah ka law ba ci: “Shin ah mang gaw m’di ne akhui akpi gui ami kut awn kawt ne hteh püi hning khai ah chang gui ka law püi khai nei. Cun ah kä ka bi ung khanpughi gui naw na m’sih u sä!” cine pyen ci nei, cik ci.

1 GHANGPUGHANG GUI 4:20

Judah la Israel chang gui cu tuinu kem ah laigin chü ah da lawk ci gui: ngami cu ei ne aw ne yeikyai ci gui.

2 SAMUEL 24:2

Cun ah kyasei David naw a gabawi, Joab am, “Na bawi gui awn a täng ah, vang khaw cawi ungka naw vang khaw cawi ung khüt khai ah, Israel pakhui avan ung, chang gui na khei vai. Chang a i chü a law ah kei naw ka hmat hlük ci.

2 SAMUEL 12:28

Tuh bäih k’pawih ba ciah gakap gui m’cut neta, mang gaw cu tu ne, na mät naw la ä, kei naw cän ah mang gaw näng ne ming nak vai kä ka ng’ya hlük ci nei.

ATÜNNAK 13:16

Nang cu chang akchün ah ka ning pungpiah sak khai. M’dek khui cu chang naw kä a khei hlawt yawp ah mäih ah nang ah htangshon cu chang naw kä khei yawp hlawt khai nei.

ATÜNNAK 21:14

A ngawi ung khawngawi hta Abraham naw, Hakarah am m’htut la tui um pe ne, a hta cu mäm sak neta, a hei ah hteh sak ci. Ani cu ng’düi law ne hteit ne, Beerasheba bung ah hteit shüi shüi ci.

1 SAMUEL 3:20

Cun ah kyasei Israel chang avan, khaw tumat ah akcawi ungka naw vang ak cawi ung khüt ci naw, Samuel cu Bawipa ah prophet akcang ah hmat lawk ci gui.

1 SAMUEL 13:5

Philistin gui cu Israel gui tuk gui vai ah ng’bum ci gui; ngami ung ng’tuk nak yatha phia thum kip, ng’se kium chang phia chuk, la tuinu kem ah laigin chü vai ah da ciah gakap gui om ci. Ngami cu Bethaven ah hni kyak lam Machmash ah hteit u ne, phung tu ne om ci gui.