Biblia Todo Logo
Bib sou entènèt

- Piblisite -




2 SAMUEL 17:10 - Cho Bible Common Language 2016

10 Phong kawng ah mäih ah kä kyi ne nget pi ciah chang gui phi kyik khai gui nei, a i ah kyasei ci ung Israel khaw ung chang avan naw, napa cu m’gäi ciah gakap, a chang gui cu ng’näng ciah ng’tuk bi gui ah hmat ci gui nei.

Gade chapit la Kopi




2 SAMUEL 17:10
17 Referans Kwoze  

M’gäi ne lawk ciah mei k’hlaw phi m’dim ci gui, khim awn ami sih nak vai ung phi phyawng ci gui. Amik tha ken pang sei phi ak thagui k’ghaat ah mäih ah kyak ci gui, ng’tuk nak ung khüi ghaat u ne a kho hei ah gakap gui phi tu ne näng ci gui.


Shin cu Egypt ah mawng thum’khäh ah kyak ci. Bawipa cu khongmei akyäpah ng cun ne Egypt ah lawk ci nei. Egypt gui ah amiagup gui cu ama ah ng’hlet ci gui, Egypt chang gui ami thagui maih ci.


Chang pang ah kut cu hnaam yawp ne, chang pang ah tha yung kyak ci nei.


Solomon cu lawk ci, amang kiang ung law püi ci gui; ani ngäng ciah gakap chihkip lawk ci, cun gui cu Israel ung akbäpi gui ah kyak ci.


Chang shekha cu a u naw kä a gawt ung phi amät dawng ci, Cun ung phi düng ciah chang cu phongkawng ah mäih ah m’gäi ci.


Benaiah, Jehoiada ah hta, Kabzeela ah ka cun phi mingthang ciah gakap tumat ah kyak ci; ani naw m’gäi ne akda bik ci, cun ung dämduh ci goi ah Moabit gakap hnih a ngawn nak phi mingthang ci. Hnü ät ung khüi bawk ciah khaw ngawi ung khui ung yu lut ne phongkawng yu ngawn ci.


Saul la Jonathan cu cäi vai ah ng’khawt ni ne; a täng ah ghing ne, a täng ah sik ci goi; Ngani cu ghui langta ah yangkhai pi ne, phongkawng ah gai pi ci goi.


Cun kawn ah Saul naw David am, “Shin cu kei ah ka hta hnumi ang vai pi Merab nei. Na chu nak vai ah ka ning pek khai. Cun cu m’gäi ne hläkhäm ciah gakap ah kya ne, ka bi na bi ah phäh la Bawipa ah ng’tuk na bi ah phäh ah kyak ci” cik ci. (Saul ah ngaih cu, cun ung Philistin gui naw David cu ngawn khai gui, ani naw a i abi vai kä hlü khai, ciah kyak ci.)


A i ah kyasei cau ah mi hteh vai ang? Keimi kami kyik ci. Mi tüih ah chang gui naw ami na m’thein law ba gui cu aca ah om ciah chang gui cu mikmi ah ta ng’gho sau pi u ne, gai pi ci gui, ngami cu khawmik han pha sei vong pang ah mang gaw gui ung om ci gui. Ngami cu chang ah pughi gui ah kyak ci gui.


Edom ah ami ng’vai gui cu cäi ng’ä ci gui. Moab gui ah chang m’gäi gui cu ng’hlet ci gui. Kanaan chang gui cu ami thagui maih ci.


Judah cu phawngkawng ah mäih ah kyak ci. Sa gui lo ne a hta gui ah law ba ci. Ng’zeet ne ng’baw ne ng’yän ci. A u naw kä aw-am ci.


Tuhbäi ani lung khui ung baw, a hei hmun ung baw ng’thup khai nei. A tuhbäi ge David naw chang gui tu ne anäng ah akiak ung, a cun ah mawng ng’yak ci naw nak chang gui ami hnim gui pyi ah pyen khai gui nei.


Caupui bekhüt ciah na chang gui am muimang ung nang naw na m’thein gui cu, “Ming thang ciah gakap cu kei naw m’theithang nak ka pek ci; ka chang gui ung ka, ka ghü tumat-am mangkiang cu ka pek ci.


Acun aw ka chang gui cu ami k’tha maih sak gui ne, kyuk ng’tät sak gui ci. Kei naw ami mang gaw lailäp ne pyü ne, ngawn nak ge vai ah kyak ci awn ka m’kyih m’kyawk khai.


Acun ung om ci gui ung ka tumat naw, “Bethlehem ah ka Jesse ung akni ah tumkhawng thei ciah a hta pami om ci. Ani cu ng’phet ne, kyom ci, gakap ni ah kyak ci, thu m’gawng thei ciah kyak ci. Ani cu Bawipa naw om püi ci.


Swiv nou:

Piblisite


Piblisite