2 SAMUEL 16:8 - Cho Bible Common Language 2016

⁸ Nang naw Saul ah uknak khaw na gut ci, Saul ah kyong chang akda na ngawn ah phäh ah Bawipa naw tuhbäi ning m’kyuk ci nei. Bawipa naw uknak khaw cu na hta Absalom am pe pyi ci nei, nang na dishum ci, chang ngawn ciah chang!” cik ci.

2 SAMUEL 16:8 Referans Kwoze

2 SAMUEL 1:16

David naw, Amalek chang am, “Shin ah na kyak vai cu na mät naw na law püi nei. Bawipa naw ghangpughang ah a ghü ah chang, na ngawn ciah pyen ne, na ng’kia cu na mät naw na mät na m’kyuk ah kyak ci nei” ci nak ci.

SUKI GUI 9:24

Shin ah a kyak cu, Abimelek la Kideon ah hta chih-kip ngawn vai ah k’tha pek ciah Shekhem chang gui naw ami hmakat nak ami chaw nak ah kyak ci.

THU PHLAAN 16:6

Ngami naw Khanpughi ah chang gui la purofet gui ah si cu huk sak ci gui nei, cun ah kyasei ami awk vai ah si cu na peit gui ah kyak ci nei. Ngami cu ami bi ah mäih ah gah ba ci gui ah kyak ci nei” cine a pyein cu ka ng’yak ci.

SAM 4:2

Ngami chang gui, a i güt kei nami na shukchak khai ang? A i güt a phu kaa cu m’hni ne, hleei hlak nak cu nami shui khai ang?

SAM 3:2

Ngami naw kei ah mawng pyen ne ng’htau u ne, “Khanpughi naw kä m’htei khai nei” cik ci gui.

2 SAMUEL 21:9

David naw cun gui cu Gibeon chang gui am ap gui sei, ngami naw Bawipa ah ma ah m’htung ung m’awh gui ci gui — cun ah chih cu a täng ah sik ci gui. Cun ah ami ngawn gui cu kho hting ah ng’pyi law htang m’guh bi ami tün yah ung ah kyak ci.

2 SAMUEL 19:21

Zeruiah ah hta Abishai naw thu pyen ne, “Shimei cu sih nak pek vai kyak ci nei, a i ah kyasei ci ung, ani cu Bawipa naw ghangpughang ah a ghü ah chang a plah tam ah phäh ah kyak ci” cik ci.

2 SAMUEL 21:1

David naw a uk yah ung khaw kum thum ung ei khaw yaw ci. Cun ah kyasei David naw a cun ah mawng cu Bawipa am m’thein ci, Bawipa naw, “Saul la akyong chang gui naw chang ngawn ci gui; Ani naw Gibeon chang gui cu sih nak ung tüi gui ci.”

SAM 55:3

Ka gaa gui ah k’aw ng’ya ne, ka kyik ci nei, Changshe gui naw na hnim u sei, ka yai ci nei. Ngami naw na geinvai sak ci gui, Na m’lung she na u ne, na gen ci gui.

2 SAMUEL 19:19

a pyen cu, “Bawi mang aw, na bä ni, Jerusalem na nawng shüt hnüüp kei naw ka bi ah hma cu na m’hnih pe ä. Cun k’pang ne kä na hnu en na ä, cun cu kä ngaih-tüh en ba ä.

1 GHANGPUGHANG GUI 2:8

Benjamin khaw Bahurim gawnu ungka Kera ah hta Shimei phi om ci. Kei Mahanaim ah ka hteh yah ung ani naw akshe ah na plah tam ci, cun ung phi Jordan Tuinu ung kani ng’hmuh sangung, ani kä ka ngawn khai ah Bawipa ah ang ming ung kei naw shaitak ka pek ci.

SAM 7:4

ka püipaw cu kat na ne, amawngma kä om ciah guttep ci ka kyak ung,

NG'THU K'THUUK~ 26:2

Plahtaam naw kä ning kyuk khai, ngami awn kä na khinkha ung. Ngami cu kä ngo phung ne yong ciah kha awn täng ci gui.