2 SAMUEL 16:5 - Cho Bible Common Language 2016

⁵ David cu Bahurim ung gawk khäta, Saul ah mätyah ah kyak ciah Rera ah hta Shimei naw law ne hmu lawk ci. Ani cu alaw vai am nawm shai lawk ci.

2 SAMUEL 16:5 Referans Kwoze

2 SAMUEL 3:16

Paltiela naw Michala cu Bahurim gawnu ah khüt ne kyap ne läk lawk ci. Cun ung phi Abner naw, “Na im ah hteit ba ä” ci sei, hteit ba ci.

1 SAMUEL 17:43

Ani naw David am, “Cän ah htung a i na haw nak vai ang? Kei ui ah na na ngai ne ma?” ci nak ci. Ani naw amät ah Khanpughi khü ne David cu taam ci.

PHYAWN NAK 22:28

“Khanpughi ah mawng akshe ah kä nami pyen vai. Nami chang gui ah bawi ng’vai kä nami plah taam vai.

2 SAMUEL 17:18

Cun ung phi hnüüp ät ung pami hta tumat naw hmuh gui ne, Absalom ah m’thein ba ci; cun ah kyasei ngami cu, ang ghit ah, Bahurim ung chang tumat ah im ah ng’thup ci goi. Ani ah im pei ah tuishawk om ci, acun ung lut ci goi.

ISAIAH 8:21

Chang gui cu khaw ung ami m’lung thüi sei, ei cawi u ne ng’vaak khai gui. Ei ami cawi nak la ami m’lung ah shet nak awn, ami ghangpughang la ami khanpughi cu plah taam khai gui. Ngami naw khawmik cu k’dang khai guk.

THUSHÄUTU 10:20

Ghangpughang cu kä na pyen sak vai, adüm ah phi kä na pyen sak vai, bühmang cicu kä na pyen sak vai, na mät ah ih nak kyong ung phi kä na pyen sak vai, cun ah ng’thu cu kha naw hteh püi ne, nang ah pyen cu ngami am m’thein ba gui hngaw khai nei.

NG'THU K'THUUK~ 26:2

Plahtaam naw kä ning kyuk khai, ngami awn kä na khinkha ung. Ngami cu kä ngo phung ne yong ciah kha awn täng ci gui.

SAM 109:28

Ngami naw na plah u sä, cun ung phi nang naw hriham na na pek khai. Na dukdeiu nak ci gui cu hnim gui u sä, kei, na na changshäm cu ka yei khai nei.

SAM 69:26

Nang naw na m’kyuk cu ngami naw dukdeiu na tu ba ci gui; nang naw na leim bai sak nak gui awn geinvai sak ci gui ah mawng cu, ngami naw pyen ci gui.

2 SAMUEL 16:14

David la a chang gui cu bawngbai u ne, Jordan ung gawk neta ng’düm ci gui.

2 SAMUEL 16:4

Ghangpughang naw Ziba am, “Mephibosheth ah ka phung phung cu nang ah ka ah kyak ci nei” cik ci. Ziba naw, “Kei cu nang ah changshäm nei, kei naw nang bawi mang cu angtäi sei ka ning yei nak khai nei” cik ci.

2 SAMUEL 16:6

Shimei naw David la a bawi gui cu lung awn vawi gui ci, David cu a chang gui la ngäng ci gui naw koi läi ah koi te ci gui.

SAM 102:8

Ak hnüüp pum ung ka ga gui naw nak shedam nak ci gui; Na züigen ciah chang gui naw ka ming mang ne ng’plah ng’taam ci gui.

PHYAWN NAK 22:27

A i ah kyasei ci ung, ani ung oh sei ang khuih vai a cun bäng om ciah kyak ci. A i ng’khuih ne ani ip hlawt khai aw? Ani naw ka m’htei vai ah a kyah ah a kyak ung, kei naw ka m’shang khai, a i ah kyasei ci ung kei cu m’gein ciah ka kyak ci.

ESTA 2:5

Susa mang gaw ung Mordekai ming nak ciah Jew chang tumat om ci, ani cu Jaira ah hta ah kyak ci, Benjamin pakhui, Kish la Shimei ah htangshon ah kyak ci.

JOB 30:11

A i ah kyasei ci ung Khanpughi naw kei cu am gein kaa, akthagui ken ah na pyang ci, Ngami naw kei cu m’lungso ne na ng’hlah tak ci gui.