2 SAMUEL 16:21 - Cho Bible Common Language 2016

²¹ Ahithophela naw, “Mang im m’htei khai gui ah ami nawng shüt gui ah napa ah chuba gui cu, hteit ne yaw gui ä. Cun ung napa naw a ga ah a ning k’bäi cu Israel chang avan naw hmat khai gui, ning läk ci gui phi akdäm ah thamah khai gui nei” cik ci.

2 SAMUEL 16:21 Referans Kwoze

2 SAMUEL 20:3

David cu Jerusalem amang im ung gawk law ba neta, mang im m’htei khai ah a nawng shüt gui chubawk sing gha cu la gui ne, im ung chum gui ci. Ani naw ami ng’yak hlü pe gui ci, cun ung phi kä ng’yaw koh püi gui ci. Ngami cu ami ghin ah chüih chum ne tha gui ci, hmeinu ah mäih ah om ci gui.

2 SAMUEL 15:16

Cun ah kyasei ghangpughang cu a kyongchang gui avan la a bawi gui awn dawng ci gui. Mang im m’htei khai ah a chutuba hnumi gha bä nawng shüt ci.

ZEKHARIAH 8:13

Judah la Israel chang gui! Yanä ung, a khawhei chang gui ami mät ng’plah tu u ne, “Judah la Israel ah khan ah gawk ciah leigai cu nami khan ah gawk sä!” ci man ci gui. Cun ung phi kei naw ka ning hun gui khai nei, Cun ung a khawhei chang gui cu ami mät gui, ‘Judah la Israel chang gui ah gah ah mäih ah hriham cu gah vä! Cik khai gui nei!’ Cun ah kyasei k’thamah vä, kä kyi en vä!”

2 SAMUEL 2:7

Khüi ghat vä! M’gäi vä! Nami ghangpughang Saul cu si pyi ci, Judah chang gui naw ami ghangpughang ah kei cu na hmoh pyi ci gui nei” cik ci.

TAIGÜTHUM 18:8

Na pa ah a chu hei gui phi yawpawm pe ne, na pa kä na m’thüi en vai.

1 KORIN 5:1

Khritha ah kä kyak ci gui hngaw naw shetkat ciah ami ngaih ah ng’yaw ng’pawm pletbeng nak cu nang mi ung om ciah ka ng’yak ci. Chang tumat cu anu chui awn ng’yaw ne ip ci goi ciah ka ng’yak ci nei.

1 GHANGPUGHANG GUI 2:22

Ghangpughang naw, “A i ah kyasei Abishag cu ani am ka pek vai ah kei na nak thäh ang? Kei naw mangkiang mä ani am ka pek vai ah na nak thäh khai ang! Cun kawn ah ani cu ka phäi ng’vai ah kyak ci, taigü Abiatha la Joab cu ani täng ah kyak ci goi!”

1 GHANGPUGHANG GUI 2:17

Ani naw, “Solomon ghangpughang ah na k’thäh pe ä — ani naw kä ning ma nak khai ah ka hmat ci nei — Shunem ah ka hnumi hta Abishag cu kei naw ka chu nak khai nei.”

2 SAMUEL 12:11

Kei naw ng’gun ne ka ning pyen nak cu, na mät ah kyong chang tumat mat naw, na mät ah khan ah khüikha nak a law püi vai ah kei naw ka bik khai. Kei naw na chu gui cu la ne a hei pami am ka pek khai, cun cu na hmuk khai, ani naw ngami cu khaw dei ung ng’yaw püi gui khai.

1 SAMUEL 27:12

Achish naw David cu ngaih gep neta, “Ani cu amät ah chang Israel gui naw ang htei ah ami thüi nak ah kyak ci, cun ah kyasei ani naw a ghin ah chuih kei ah bi bik khai” cine amät ng’htau ci.

1 SAMUEL 13:4

Israel gui ami m’thein gui cu, Saul naw philistin gabawi ngawn pyi ci, cun ah kyasei philistin gui naw thüi na gui ci gui. Cun ah kyasei Gilgal ung Saul ung ng’dawn tu vai ah chang gui naw Saul ah ng’khü cu m’shang ci gui.

TAIGÜTHUM 20:11

Chang tumat cu apa ah chu tumat mat awn ng’yawpawm nine, apa am thüi ah a kyak ung, hnumi la pami ani nik hnih cu ngawn goi vai. Ngani cu ani mät ah sih nak vai ma nak ci goi ah kyak ci.

ATÜNNAK 38:16

Judah cu cun ah hnumi ah pei lam ung hteit neta, “Kei awn ni ip khai aw?” cine pyen nak ci. (Ani naw cun ah hnumi cu a hta ah chu te ah kä hmat ci.) Hnumi naw, “A i na na pek khai ang?” cik ci.

ATÜNNAK 35:22

Jakob cu cun ah khaw ung a om yah ung a hta Reuben la ak chuba Bilhah cu ng’yaw ci goi, cun cu Jakob naw hmat ci. Jakob cu gha lei goi ah hta ci.

ATÜNNAK 34:30

Jakob naw Simeon la Levi am, “Kei cu nami na yaica sak ci nei. Kanaanit chang gui la Perizzit chang gui ni, shin ah khaw ung chang avan naw na gen lawk khai gui nei. Mikmi cu mi ken ci, ngami chang akda naw ng’lung na ne ami na tuk gui ah a kyak ung, mi im bung ah mi di khai nei” cik ci.

ATÜNNAK 6:4

Cun sangung khomdek khan ah chang angghaw angsau gui om man ci gui. Cun gui cu chang hnumi gui la khanchang gui ah hta gui ah kyak ci. Ngami cu gaigawng mingthang ne om man ci gui.

2 SAMUEL 16:20

Cun kawn ah Absalom naw Ahithophela täng ah ng’hlat neta, “Tuhbäi shin ung mi om pyi ci, a i kami bi vai ah na na m’shüm thein gui khai ang?” cik ci.

2 SAMUEL 17:7

Hushai naw, “Tuhbäi Ahithophela ah m’shümthein nak, ana pek gui cu kä nik ci nei.

2 SAMUEL 10:6

Ammonit chang gui naw David cu ami ga ah kyak khai ah ci pyi ci gui ah hmat u neta, Bethrehob la Zobah ungka Sirian gakap phia phia goi, Tob ungka chang phia phia la m’ku, Maakah ghangpughang la a chang phia gha cu ng’vat ci gui.

2 SAMUEL 13:5

Jonadab naw ani am, “Na gaw ciah ng’shei ne ih phak ung na ih vai. Na pa naw law ne a ning teng law ung, na pyen vai, ‘Ka be Tamar naw law ne ana tu m’bei vai ah na pyen pe ä, Shin ung ka hmuh nak ung om ne, ei vai ana pyan pek vai ah ka ng’ya hlük ci nei, cun ung ani naw amät ah ngaih ah na m’htei khai” cine m’cäi ci.

1 GHANGPUGHANG GUI 11:25

Ani cu Solomon a ghin ah chuih Israel gui ah ga ah kyak ci.