2 SAMUEL 16:11 - Cho Bible Common Language 2016

¹¹ David naw Abishai la a bawi gui ami van am, “Ka mät ah hta naw na ngawn khai ah tha nak ci nei; a i vai shin ah Benjamin chang gui ah phäh ah nami cäicat ang? A shai vai ah Bawipa naw am thein nei; cun ah kyasei amät nawng vä, am hni ah bi sä.

2 SAMUEL 16:11 Referans Kwoze

MATTHE 10:21

‘Chang phäi nau gui tumat la tumat sih nak ung ng’ap tuk khai gui, nupa gui naw ami hta gui sih nak ung ap khai gui, ami hta gui naw phi, ami nupa ah m’cäi kä ngai ne ngawn phak khai gui.

EZEKIEL 20:25

“Cun kawn ah kei naw kä nik ciah thukhän gui la ghin nak pek ciah thumkhän gui cu kei naw ka pe gui ci.

EZEKIEL 14:9

“Prophet tumat cu hleei hlak ne kä hman ciah m’hlan nak a pek ah a kyak ung, cun cu kei Bawipa naw k a m’hleei hlak ah kyak ci nei. Kei naw ani cu Israel Chang ungka, ka heeng khai.

2 SHONTÄP NAK 32:21

Bawipa naw khanchang tüi law sei, acun naw gakap gui la Assirian gabawi gui cu ngawn gui ci gui. Cun ah kyasei uktubawi cu thüi aa ne Assiria ah htet ba ci. Hnüp ät ung ani cu a khanpughi ah Taigüim ung a om yah ung a hta gui amshah naw ami khim awn ngawn ci gui.

2 GHANGPUGHANG GUI 19:37

Hnüüp ät ung ani cu Taigüim ung a khanpughi Nisroch a khawihnah sang ung a hta goi, Adrammelech la Sharezer naw ani khim awn ngawn ni neta, Ararat khaw ah dawng ne phyawng ci goi. Ahei a hta gui ungka Esarhaddon cu ani ah hnün ung uktubawi ah kya ba ci.

2 SAMUEL 7:2

Cun kawn ah ghangpughang naw prophet Nathan am, “Shin ung cedar k’pen awn cawh ah im ung kei ka om ci, cun ung phi Khanpughi Thukhän M’küm cu phung ung gim ah kyak ci!” cik ci.

ATÜNNAK 45:5

Kei nami na yoih ah phäh ah kä nami thüi vai, kä nami m’lungshe vai, kei a shia ah law ma ne, chang gui ah hnun-gui ka k’phiawn khai ah Khanpughi naw ana tüih law ah kyak ci nei.

ATÜNNAK 15:4

Cun kawn ah Bawipa ah ng’thu angyak bamä cu, “Shin ah changshäm naw pakhui kä m’düng khai, na mät ah na hta naw na pakhui m’düng khai nei” ci neta,

1 SAMUEL 26:19

Ka bawimang, ka pyen law vai ah thu cu ngai ä. Kei na na hnu ng’tuk püi vai ah Bawipa naw ning tüi ciah a kyak ung, ani am dou thak naw am lung thawng sak khai; chang ah bi ah a kyak läi ung ami khan ah Bawipa ah plah taam nak om sä. Ngami naw kei cu Bawipa ah khaw lei ung ka, a hei khanpughi gui khawihnah nak vai ah akhaw hei ah na k’täm ci gui nei.

SAM 109:28

Ngami naw na plah u sä, cun ung phi nang naw hriham na na pek khai. Na dukdeiu nak ci gui cu hnim gui u sä, kei, na na changshäm cu ka yei khai nei.

2 SAMUEL 20:1

Cun yah ung Gilgal gawnu ah Benjamin pakhui Bikri ah hta, Sheba ming nak ciah chang om k’she tumat om ci. Ani naw phyung puuk tum ne, khü gui ne, “David yu ng’kia sä! Mikmi naw kä mi läk khai nei! Israel chang gui, mi om ah mi hteit ba khai nei!” cik ci.