2 SAMUEL 15:34 - Cho Bible Common Language 2016

³⁴ Cun ung phi na na kugam nak hning cu, mang gaw ah ng’hlat ne hteit ba ne, apa ah khut na bi ah mäih ah tuhbäi ani ah khut bekhüt ne na bik khai pyen ne, Absalom am na m’thein vai. Cun kawn ah Ahithophela ah m’shüm thein nak a pek gui cu avan na hnu ng’tuk vai ah na bi vai.

2 SAMUEL 15:34 Referans Kwoze

MATTHE 10:16

‘Ngai vä! Hngei khli ah ng’lung ah htome hta chah ah mäih ah, kei naw ka ning tüi gui ci nei. Cun ah kyasei, k’phyu ah mäih ah theileh u ne, am äm kä om ciah müm kha ah mäh ah nami m’lung gei sä.

2 SAMUEL 15:20

Nang mi shin ung a shäng va nami om tuk khai, cun ah kyasei, a i vai kei naw, kei awn a täng ah nami ng’vak shüi khai ah ka ning ci gui vai ang? Kei a hawi ka hteh vai cu ka mät naw phi kä ka hmat ci. Hteit ba ne, nami khaw-chang gui cu hteh püi ba gui vä — Bawipa naw ning m’gein gui ne nangmi ung bekhüt sä” cik ci.

JOSHUA 8:2

Nangmi naw Jerikho la a ghangpughang ah khan ah nami bi ah mäih ah Ai la a ghangpughang ah khan ah nami bi vai. Cun ung phi tuhbäi ungläi ami khawh gui la ami vuhchah gui cu nami kaa vai ah nami lak vai. Mang gaw cu a hnu täng ung ma ne ang ghit ah nami tuk vai ah nami pawng vai, ciah kyak ci.