2 SAMUEL 15:25 - Cho Bible Common Language 2016

²⁵ Ghangpughang naw Zadok am, “Thukhän M’küm cu la ne mang gaw ah hteh püi ba vä, Bawipa naw ana yei nak ah akiak ung hnüüp ät ung na law ba sak khai, a om nak ah hmun ung ka hmu ba khai.

2 SAMUEL 15:25 Referans Kwoze

JEREMIAH 25:30

“Nang Jeremiah naw, kei naw ka pyen phung cu na ng’shäu vai nei. Nang naw shin ah chang gui na m’thein gui vai cu, Bawipa cu khankho ah m’ngawk khai ak hlüng nak khankho ung hmum kyeek khai. Ani naw ak chang gui hnungtuk ne m’ngawk khai; ani cu sapyit neen ciah chang ah mäih ah m’lau khai. Khomdek khan ah chang nü naw ng’yak khai.

SAM 84:10

Na Pum im ung hnüüp ät om cu a hei ung ah hnüüp phia gha om ah ta bä pi ci nei. Changshe gui ah im ung om ah ta, ka Khanpughi ah Im kawt pei ah ng’düih cu ka m’hni pi ci nei.

SAM 26:8

O Bawipa, na om nak ah im la, na bämang nak ah hmun cu ka m’hni ci nei.

PHYAWN NAK 15:13

Na shaitak ung na bekhüt ci, na gun ah chang gui cu lam na m’shüm gui ci; na thamah nak awn na khaw theing ah na hteh püi gui ci.

JEREMIAH 7:4

Keimi na hun gui pyi ci! Shin cu Bawipa ah Taigüim nei, shin cu Bawipa ah Taigüim nei, shin cu Bawipa ah Taigüim nei! cine hleehlak ciah ng’thu yum nak cu nami ng’düm vai!

ISAIAH 38:22

Cun kawn ah ghangpughang hezekiah naw ng’shi ne, “Kei Taigüim ah ka hteh nak hning vai cu a m’hnüt nak awn hmat vai ang?”

SAM 122:9

Mi Khanpughi Bawipa ah a im ah hmawk ah, ka taigü ci nei, na bämang vai ah.

SAM 122:1

Ngami naw, “Bawipa ah im ah mi hteit khai nei” ami ci ung, kei ka yei ci.

2 SAMUEL 7:2

Cun kawn ah ghangpughang naw prophet Nathan am, “Shin ung cedar k’pen awn cawh ah im ung kei ka om ci, cun ung phi Khanpughi Thukhän M’küm cu phung ung gim ah kyak ci!” cik ci.

2 SAMUEL 6:17

Ngami naw Thukhän M’küm cu law püi u ne, David naw tha nak vai ah a cawh ah phung, amät ah hmun ung tha ci gui. Cun kawn ah ani naw khawihnah nak la khawtsheng-douthak nak cu Bawipa am pek ci.

PHYAWN NAK 33:12

Moses naw Bawipa ah ma ah, “Shin ah chang gui, cun ah khaw ah ka khah püi gui vai ah na na pyen nak cu akcang ah kyak ci. Cun ung phi kei awn kani hteit khai ah a u na tüih cu kä na na m’thein ci. Nang naw kei cu akni ah na na hmat ci, na na yei nak ciah na pyen ci.

PHYAWN NAK 33:13

A cun k’cang ah na kyak ung na pawng püi nak cu a tuhbäi na m’thein ä. Cun ung kei naw na khuut bi ne, k’täi ne ka ning yei nak khai nei. Nang naw shin ah pakhui cu na kaa ah na ghü cun phi na shüm ba vai nei” cik ci.