2 SAMUEL 15:21 - Cho Bible Common Language 2016

²¹ Ittai naw, “Ka bawi mang, kei naw Bawipa ah ming ung ng’gun ne ka pyen cu, kei cu na hteh nak päng ah angtäi sei ka hteit tuk khai, sih vai a kyak pui ung phi” cik ci.

2 SAMUEL 15:21 Referans Kwoze

NG'THU K'THUUK~ 17:17

Teihpüii gui naw angtai sei yumhni nak m’dang ci gui, Cumbawng nak ka ng’lung lak nak ung a i hawkcha ah ng’phai nau vai aw?

2 GHANGPUGHANG GUI 4:30

Hnumi naw Elisha am, “Kei naw ka bekhüt nak ah ghing ciah Bawipa la nang ung ka ng’khän ci nei, nang kä na hteh tu ung kei kä ka hteit ba khai!” cik ci. Cun ah kyasei ngani cu a täng ah hteit ci goi.

2 KORIN 7:3

Cun ah ka pyein cu nangmi ka ning m’kat gui ah kä kyak ci, ayan ka pyein ah mäih ah, nangmi awn sih ung phi ghin ung phi atäng ah om vai ah ka mi ning m’hni gui ah hmawk ah kyak ci.

LAMKTU 21:13

Cun ung phi Paul naw, “A i ah kyasei nang mi kyap lau u ne, kam lung nami na thüi sei sak ang? Kei cu Bawipa Jesuh ah hmawk ah, Jerusalem ung pha ne khih nak bäng ah kä kaak ciah, sih nak vai ah phi ka ng’düi ge ci nei” cine pyen na gui ci.

LAMKTU 11:23

Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.

NG'THU K'THUUK~ 18:24

Am shah ah khawtsheng nak cu tawi aih ci, Cun ung phi teihpüi amshah cu phäi nau ah ta hläkhäm pi ci.

2 GHANGPUGHANG GUI 2:6

Cun kawn ah Elijah naw Elisha pyen nak ci, “Tuhbäi shin ung om shüt ä; Jordan tuinu ah ka hteh vai ah Bawipa naw ng’thu nak bäi ci nei.” Elisha naw, “Ka bekhüt nak ah ghing ciah Bawipa la nang ah ma ah ng’taam ne ka pyen ci, kei naw kä ka ning hteh tak khai” cik ci. Cun ah kyasei ngami cu hteit u sei,

2 GHANGPUGHANG GUI 2:4

Elijah naw Elisha aw, “Tuhbäi shin ung om shüt ä; Jerikho ah ka hteh vai ah Bawipa naw thu nak bäi ci nei” pyen nak ci. Cun ung phi Elisha naw, “Ka bekhüt nak la ghing ciah Bawipa la nang ah ma ah ng’taam ne ka pyen ci, kei naw kä ka ning hteh tak khai” cik ci. Cun ah kyasei ngami cu Jerikho ah hteit ci gui.

2 GHANGPUGHANG GUI 2:2

Lam ung ani hteh sang ung Elijah naw Elisha a pyen nak cu, “Shin ung tuhbäi ana om mä; Bawipa naw Bethela ah ka hteh vai ah ng’thu nak bäi ci nei.” Cun ung phi Elisha naw, “Ka bekhüt nak ah ghing ciah Bawipa la nang ah ma ah ng’taam ne ka pyen ci, kei naw kä ka ning hteh tak khai” cik ci. Cun ah kyasei ngami cu Bethela ah hteit ci gui.

1 SAMUEL 25:26

Na ga gui ah khan ah phu tu ne, na ngawn nak gui vai ung ka, Bawipa naw ning k’pang ci nei. Ghing ciah Bawipa ung aktung ah ka pyen cu na ga gui la nang ning hnim hlük ci gui avan cu Nabala ah mäih ah m’kyuk nak gah khai gui nei.

1 SAMUEL 20:3

Cun ung phi David naw, “Nang naw kei a i hlawk ah na na m’hni cu na pa naw hmat ci, a bi vai a pawng püi cu kä na hmat tu vai ah ani naw k’bäi ci nei, a i ah kyasei ci ung nang ang htei ah na thüi khai kiasei. Ghing ciah Bawipa ung ng’tam ne ka ning pyen nak cu, kei sih nak ung ka gawk vai m’khan ät bäng nei hlü ba ci!”

2 SAMUEL 15:22

David naw, “Bä khai, kaan ne hteit vä!” cik ci. Cun ah kyasei Ittai cu achang gui ami van la ami om püi gui awn hteit ci gui.