2 SAMUEL 15:2 - Cho Bible Common Language 2016

² Ani cu khaw ngawi hta ah let law ne hteit ne mang gaw m’kawt lam ung ng’düi ci. A i yah ung phi ang cuhcan nak om ciah chang tumat mat law ne ghangpughang am, am thein hlü ah akiak ung, Absalom naw ana khü neta, a hawi ka a law ah ng’shik ci. Cun ah chang naw ani a i pakhui ungka lawk ciah am thein kawn ah,

2 SAMUEL 15:2 Referans Kwoze

MATTHE 27:1

Kho ngawi hta sik ah taigüpa gui la ami ng’vai gui cu Bawipa Jesuh ngawn vai ah ng’ge ci gui.

NG'THU K'THUUK~ 4:16

Chang shekha gui cu cheishoh nak kä ami bi ung kä ip hlawt ci gui. Chang tumat kä ami m’di ung kä cimgang ci gui.

JOB 24:14

Chang ngawn ciah chang cu kho thai hta tho law ne dukhaih ci gui ngawn khai ah hteit ci, khomü ah ani cu m’guk ci.

2 SAMUEL 19:8

Cun kawn ah ghangpughang cu ng’düi law ne, hteit ne, mang gaw m’kawt pei ah ngok ci. A chang gui naw cu ah a om cu ng’ya u neta, ami van ng’cut ne k’bui lawk ci gui. Cun yah ung Israel chang gui ami van dawng ci gui, ami im phäh phäh ah hteit ba ci gui.

RUT 4:1

Boaz cu gawnu m’kawt pei ng’hmuh nak ahhmun ung hteit ne ngok ci. Elimelek ah mätyah ang een pi, Boaz ah pyen ah chang cu law khäta, Boaz naw khü ne, “Ka teihpüi aw, shin ung law ne ngo law ä” cik ci. Cun ah kyasei ani law ne ngo law tuk ci.

PHYAWN NAK 18:26

Ngami cu suki ah kya ne chang gui ah phäh ah aka ung bii bik ci gui. Kä ami m’khüt cu Moses ah hteh püi u ne, yäi ci gui cu ami mät naw pyi phleh ci gui.

PHYAWN NAK 18:16

Chang hnih goi naw ani ng’cuh a om law ah a kyak ung, kei ah lawk ci goi. Kei naw a u hman ciah ng’thumcha neta, Khanpughi ah thumkhän la thukhän cu ka m’thein gui ci” cik ci.

PHYAWN NAK 18:14

Jethro naw Moses ah bi gui cu hmu neta, ani am, “Chang gui ah phäh ah na bi gui cu a i ang? A i ah kyasei shin gui avan na mät bäng naw na bi ang? Khaw ngawi ah tün ne khaw mü güt ung ning ngingawi pui khi ah chang gui awn shin ung ng’düi u sei a i cu namät bäng naw na bi?” cik ci.

ATÜNNAK 34:20

Hamora la a hta Shekhem naw, ng’hmuh teng nak ah hmun, mang gaw m’kawt ung hteit ni neta, ami chang paw gui ah ma ah ng’thu ani pyen cu;

THULÄÄN NAK 17:8

“Amshah a mawngma gui cu suki gui naw kä ami pyi phleh hlawt vai ah tä aih ci phi om khai, khawhcham ng’cuh nak, phleimbai nak, ngawn sih nak gui ah mäih ah kyak ci. Cun ah mäih ah a kyak ung Bawipa nami Khanpughi naw a ghü ah khawihnah nak ah hmun tumat ung nami hteh vai.

2 SHONTÄP NAK 10:7

Ngami naw, “Shin ah chang gui cu nang naw m’gein gui ne, ami yeikyai vai ah na m’shan gui ah a kyak ung, ngami cu angtäi sei bekhüt ne, na bii bik khai gui nei” cik ci gui.

DANIEL 11:21

Khanchang naw hteit ne am thein cu, “Cun kawn ah ka Siria ghangpughang cu changshe ah kyak khai, ghangpughang ah kä khin ciah kyak khai, ani naw kä ngaih-tüh ah law ne huham khäm khai.