2 SAMUEL 15:12 - Cho Bible Common Language 2016

¹² Khawihnah nak a dou thak yah ung Absalom naw Gilo gawnu ah Ahithophela am chang tüih ci, ani cu Ghangpughang David ah chang vai tumat ah kyak ci. Ghangpughang ceng cham hnu ng’tuk nak cu khüi ghat law ne, Absalom läk ciah chang cu da lawk ci.

2 SAMUEL 15:12 Referans Kwoze

SAM 41:9

Ka teihpüi ni pi, ka ngaih u pi bäih, ka ei vai phi k’pai ne ka ei püi, Naw phi ng’hlat ne na hnung’tuk püi ci nei.

2 SAMUEL 15:31

Ahithophela cu Absalom ah küknet nak ung ng’dawn tuk ci nei, cine David am m’thein u khäta, ani cu taigü ne, “Na bä ni, Bawipa, Ahithophela ah m’shüm thein nak gui cu a khawlä ah kyak sak ä” cik ci.

JOSHUA 15:51

Koshen, Holon, la Kiloh: mang gaw gha lei ät lawk ci, apie yung ah gawnu gui mah ah kyak ci.

2 SAMUEL 17:23

Ahithophela naw ani ah m’shüm thein gui kä ami läk cu hmu neta, ang sela ung ng’cum ne, amät ah mang gaw ah hteit ba ci. Amät ah bi vai gui cu bi neta, amät ng’awk ne sik ci. Ani cu ami kyong ah phuh hmun ung m’cim ci gui.

2 SAMUEL 17:14

Absalom la Israel gui ami van naw, Hushai ah m’shüm thein nak cu Ahithophela ah m’shümthein nak ah ta bä pi ci nei” cik ci gui. Ahithophela ah m’shümthein nak cu kä ami läk en vai ah Bawipa naw k’bäi ci, cun ah kyasei leibei cu Absalom ah khan ah gawk lawk khai.

TITUS 1:16

Ngami naw Khanpughi kami hmat ci nei ami ci ung phi ami hnün thawh naw maa na gui ci. Ngami cu thüi nak vai kya u ne, thu kä ngai u ne, akni phung api phi, kä bi tu hning ciah chang gui ah kyak ci.

JOHAN 13:18

“Nangmi nami van ka ning pyein gui ah kä kyak ci; ka ning ghü gui ah kyasei ka ning hmat gui yawp ci. Cun ung phi cacim ung, “Kei ah buh ei ci naw kei na khep ba ci nei” cicu kümbe khai nei.

NG'THU K'THUUK~ 21:27

Chang shekha gui naw khawihnah nak ami dou thak cu, Bawipa naw thüi nak ci. Aktung pi ah akshe ah m’lung ngaih cu thüi nak ci.

1 SHONTÄP NAK 27:33

Ahithophela cu ghangpughang m’cumcäi ciah kyak ci, Archit ah ka Hushai cu ghangpughang ah teihpüi la angshikthäh ah chang kyak ci.

1 GHANGPUGHANG GUI 21:12

Ngami naw ei hlawi nak ah hnüüp cu ng’shäu u neta, chang gui a täng ah khü gui ne, Naboth am m’tam nak ah hmun cu pek ci gui.

1 GHANGPUGHANG GUI 21:9

Cun ah ca ung, “Ei hlawi nak vai ah hnüüp ät k’bäi ne ng’shäu u ne, chang gui a täng ah khü gui neta, Naboth am m’tamkhah nak vai ah hmun pe vä.

KHEI NAK 23:30

Balak naw a pyen ah mäih ah law püi sei sonking päng ung vantang tumat la htome m’ca tumat ciah douthak ci gui.

KHEI NAK 23:14

Ani naw Balaam cu Zophim loma Piskah M’htung lai ung hteh püi ci. Acun ah ani naw sonkiang chih ah co neta, vantang tumat la htome m’ca tumat ci awn douthak ci.

KHEI NAK 23:1

Balaam naw Balak am, “Kei ah hmawk ah shin ung sonkiang chih ah na cawh vai. Vantang chih la htome m’ca chih naw law püi vai” ciah pyen nak ci.

2 SAMUEL 16:15

Absalom cu Israel chang avan khah püi ne Jerusalem ah lut ci, Ahithophela phi hteit tuk ci.

SAM 41:10

Bawipa, na chimgein ä, gai nak phi na yuk pe law ä, ka gaa gui phi ka m’hlan ba gui khai nei.

NG'THU K'THUUK~ 15:8

Bawipa naw changniah taigu cu ngai ci, cun ung phi chang shekha ah law pui ah khawihnah nak cu thui nak ci.

JEREMIAH 6:20

Sheba ah ka ami law püi ah tui ng’ui ah phi kia, asho nak kho ah ka tui ng’ui gui ah phi kia, kei naw a i ah kä ka ngai ci! Ngami ah douthak cu kei naw kä ka dou khai, ami khawihnah nak ah phäh ah kei kä ka zeikia khai.