2 SAMUEL 15:10 - Cho Bible Common Language 2016

¹⁰ Cun ung phi ani naw Israel pakhui avan ung chang tüi ne a pyen sak gui cu, “Phyung heng ah ng’gin nami ng’yak ah akiak ung, ‘Absalom cu, Hebron ung ghangpughang ah kai ci nei’ cine nami m’lau vai!” ciah pyen ci.

2 SAMUEL 15:10 Referans Kwoze

1 SHONTÄP NAK 12:38

Shin ah gakap gui ami van cu ng’tuk ge vai ah pawng u ne, Israel khaw avan ung David cu ghangpughang ah kyak khai ah bi vai ah Hebron ah hteit ci gui. K’pawih ba ciah Israel chang ami van naw a cun mäih yawp ah ngai ci gui.

1 SHONTÄP NAK 12:23

David Hebron ung a om yah ung, ng’thei pyi ciah gakap akda ani ung ng’dawn law u ne, Bawipa ah a shaitak ah mäih ah Saul ah hnün ung ani cu ghangpughang ah tha vai ah bawm tuk ci gui. Cun gui cu khei ung shin chü ah kyak ci: Judah: Shawi la htei gui kawt ne ng’tuk nak vai akbe om ciah chang 6,800; Simeon: akni ah m’thei pyi ah chang 7,100; Levi: Chang 4, 600; Aaron ah htangshon, Jehoiada läk ciah chang 3, 700; Zadok, ng’tuk hning ciah chang nong, ani ah mätyah gui: matawn ciah chang 22; Benjamin (Saulu amät ah pakhui): 3, 000 (Benjamin chang gui akda pi cu Saul ung bekhüt lä ci gui.); Epraim: Chang 20, 800 ngami cu ami mät ah pahta ung mingthang ci gui; Akheitäng Manasseh: David cu ghangpughang ah tha khai ah ami ghügui chang 18, 000; Issakha: angvaihta 200, ngami awn a täng ah ami thumkhän ka ah om ciah chang gui. (Shin ah angvaihta gui naw Israel gui ah ami bi vai la ami bi nak vai ah a khin om pi cu hmat ci gui); Zebulun: bekhüt ne ngaih gep vai kyak ci, ng’tuk ge vai ah kyak ciah chang 50, 000 Li htei awan ami m’thei gui ah kyak ci; Naphtali: angvaihta gui 1, 000 shani la htei kawtciah gakap 37, 000 awn a täng ah om ci gui; Dan: ami m’thei gui pui chang 28, 600; Asher: ng’tuk ge vai ah om ciah chang 40, 000 Jodan akiangtäng ung om ciah pakhui gui. Reuben Kad, la Manasseh akiang ung om ciah chang gui: Chang 120, 000 cu likhim avan ami m’thei gui ah kyak ci.

1 SHONTÄP NAK 11:3

Cun ah kyasei Israel gui ah ami ng’vaihta gui ami van Hebron ung David Ghangpughang ah lawk ci gui. Ani naw ak bum gui. Ng’teng püi gui ci, ngami naw ani cu phyuh theh ci gui, ani cu Samuela ung Bawipa naw shai atak ah mäih ah Israel ghangpughang ah kya Lawk ci.

2 GHANGPUGHANG GUI 9:13

Cun vai am Jehu ah a paw gui bawi gui naw ami suinu gui hlaak ah khan ah Jehu naw angdüih nak vai ah k’phiat u ne, phyungheng tum ne, “Jehu cu Ghangpughang ah kyak ci nei” cine m’lau ci gui.

1 GHANGPUGHANG GUI 1:34

A cu ah ani cu Israel ghangpughang ah kyak khai ah Zadok la Nathan naw phyuh theh khai goi. Cun kawn ah phyungheng tum ne m’lau khai gui. “Solomon ghangpughang cu akshou ghing sä!”

2 SAMUEL 19:10

Mikmi naw Absalom cu mi ghangpughang ah mi hmoh ci nei, cun ung phi ani naw ng’tuk nak ung ngawn ci nei. A i ah kyasei Ghangpughang David cu chang gui naw tha na ne ami law püi ba ang?” cik ci gui nei.

2 SAMUEL 14:30

Cun ah kyasei Absalom naw a changshäm gui am, “Teng vä, Joab ah lo cu kei na ak tawi ci nei, cun ung htang gui tho ci. Hteit ne mei awn m’khih vä” cik ci. Cun ah kyasei ngami cu hteit ne lo cu mei awn m’khih ci gui.

2 SAMUEL 13:28

Achangshäm gui cu m’cäi gui ne, “Nami geing nak vai, Ammon naw akdäm a awk law ung, ka ning khü gui khai, nami ngawn vai, kä nami kyih vai. Kei naw ka mät ah bi vai cu ka bik khai. Nami nget vai, kä nami kut ng’gin vai!” cine m’cäi gui ci.

2 SAMUEL 5:5

Ani naw Hebron ung om ne Judah cu khaw kum chih la avang ung uk ci, Jerusalem ung om ne Israel la Judah cu khaw kum thumkip-lei thum ung uk ci.

2 SAMUEL 2:11

Ani naw Hebron ung om ne khokum chih la amcawt Judah ung uk ci.

2 SAMUEL 2:1

Cun kawn ah David naw Bawipa ah ma ah, “Kei naw hteit ne Judah gawnu tumat mat la ne ka k’pan vai ang?” cik ci. Bawipa naw, “Ä” cik ci. David naw, “A hawn ah gawnu ang?” cik ci. Bawipa naw, “Hebron” cik ci.

2 SAMUEL 15:9

Ghangpughang naw, “Ak dimgei ah hteit ä” cik ci. Cun ah kyasei Absalom cu Hebron ah hteit ci.

1 GHANGPUGHANG GUI 1:11

Cun kawn ah Nathan cu Solomon ah nu Bathsheba ah hteit neta ng’shik ci, “Hakkith ah hta Adonijah naw amät ghangpughang ah am hmoh cu kä na hmat ne ma? Ghangpughang David naw a i phi kä hmat ci!