2 SAMUEL 15:1 - Cho Bible Common Language 2016

¹ Cun kawn ah Absalom naw yatha ni, ng’se gui ni amät ah phäh ah pawng püi ne, ngäng ciah chang hma-kip tha ci.

2 SAMUEL 15:1 Referans Kwoze

1 GHANGPUGHANG GUI 1:5

Tuhbäi Absalom a sih kawn ah, David la Hakkith ah hta Adonijah cu htapami ang vaipi ah kyak ci. Ani cu ang htei ah kyom ci. Ani cu David naw a i ung phi kä am cäi ä man ah kyak ci, ani cu ghangpughang ah kya hlük ci. Ani ung amät ah hmawk ah yatha gui, ng’se gui la ani ngäng ciah ak chang hma kip om ci.

SAM 20:7

Am shah cu ng’tuk mei awn ng’tau sei, amshah cu ng’se awn ng’tau ci, cun ung phi keimi cu kami Khanpughi Bawipa ah hlüngtai nak awn kami ng’tau ci.

2 SAMUEL 12:11

Kei naw ng’gun ne ka ning pyen nak cu, na mät ah kyong chang tumat mat naw, na mät ah khan ah khüikha nak a law püi vai ah kei naw ka bik khai. Kei naw na chu gui cu la ne a hei pami am ka pek khai, cun cu na hmuk khai, ani naw ngami cu khaw dei ung ng’yaw püi gui khai.

1 SAMUEL 8:11

“Shin cu nami ghangpughang naw a ning om püi gui vai ah a mawng ah kyak ci,” cine Samuel naw pyen ci.” Ani naw na hta gui ah gakap gui cu pyang khai; amshah cu ani ah ng’se tat ung bik khai, amshah cu yatha ah ma ah dawng khai gui.

NG'THU K'THUUK~ 17:19

Katnak m’hni cu cumbawng nak pyan hlü nak ah kyak ci, Akphlütt ah khähghah cicu cumbawng nak k’thah ciah kyak ci.

NG'THU K'THUUK~ 16:18

Chang ah ng’shei nak cu di nak ah kyak ci, chang yoshe nak cu shum nak ah kyak ci.

NG'THU K'THUUK~ 11:2

Chang ah ng’shei cicu tuhbäi ge thui aa nak om khai. Cüvai pi cicu bä tu pi khai.

1 GHANGPUGHANG GUI 1:33

a pyen nak gui cu, “Ka yungbawi gui la gui ne, ka hta Solomon am ka ng’sela ng’cum sak ne, Kihon tuihta pei ah hteh püi vä,

THULÄÄN NAK 17:16

Ghangpughang naw amät ah gakap ah phäh ah ng’sela akda kä a tha vai. Ani naw Egypt khaw ah chang tüi ne sela kä ak hleih sak vai. A i ah kyasei ci ung Bawipa naw a chang gui cu acun ah khaw ah kä ami ng’hlah ba vai ah pyen ci.