2 SAMUEL 14:2 - Cho Bible Common Language 2016

² ani naw Tekoa ah ka lunglang ciah hnumi cu tüi ci. Ani naw cun ah hnumi cu m’cäi ne, “Nang cu na thüi kyap ciah na ng’hlawk vai; Thüi kyah ung sui na sui vai, na lu kä na huih vai. Ak shou thüi kyap ciah hnumi ah mäih ah na om ih vai.

2 SAMUEL 14:2 Referans Kwoze

2 SHONTÄP NAK 11:6

Bethlehem, Etam, Tekoa,

AMOS 1:1

Shin cu Amos ah thu ah kyak ci, ani cu Tekoa gawnu ah ka htoshäm ah kyak ci. Shihpi kä a thüng pha kum goi yah ung Uzziah cu Judah ghangpughang ah kya ne, Jehoash ah hta Jeroboam cu Israel ghangpughang ah a kyak yah ung, Israel gui ah mawng shin gui avan cu, Khanpughi naw Amos ung a thumkhän ah kyak ci.

RUT 3:3

Cun ah kyasei tui na ng’si vai, ang ui na ng’hluk vai, aknipi na suisak vai, cun kawn ah htang am häi nak ah na hteh vai, cun ung phi kä a ei awk yawp pha ah chuih ama ah kä na ng’dang vai.

JEREMIAH 6:1

Benjamin chang gui, nami phiawn vai ah dawng vä! Jerusalem ung ka lauk vä! Tekoa ung phyungheng tum vä, Beth Hacaherem ung m’hnüt nak ah mei im co vä. Leigai la dishum nak cu a siiptäng ah ka lawk khai nei.

NEHEMIAH 3:5

Am cawt cu Tekoa chang gui naw co ci gui, cun ung phi gawnu angvai gui naw, tängpang ci gui ami k’bäi pek gui ah bi vai gui cu mak ci gui.

2 SHONTÄP NAK 20:20

A ngawi ung khaw ngawi hta chang gui cu Tekoa ah pei khawbung ah hteit ci gui. Ngami ami tün law yah ung Jehoshaphat naw shin ah ng’thu pyen na gui ci: “Judah la Jerusalem chang gui! Nami Khanpughi Bawipa cu ngaih u vä. Nangmi khäng sei nami ng’düi khai nei. Ani ah prophet naw a ning m’thein gui päng yum vä, nami näng khai nei.”

2 SAMUEL 12:20

David cu k’cigem ungka tho law ne, tui ng’si ne, alu huih ne, a sui sak ng’thong ci. Cun kawn ah ani cu Bawipa ah im ah hteit ne khawihnah ci. Mang im ah law ba ne, ei k’thäh ne ami lawh chang vai am ei ci.

MATTHE 6:17

Nangmi cu ei nami hlawi ah a kyak ung nami m’hmai m’hla ne, nami lu huih ne, nami säimai vai nei.

THUSHÄUTU 9:8

Angtäi sei yeikyai ne lünlawi ä.

SAM 104:15

Chang cu a pyan ah sing theih tui naw yei sak ne, situi naw hmai kyang sak ci, m’htut naw thagui pek ci.

NEHEMIAH 3:27

Tekoa chang gui naw a hnih vei nak ah am cawt co ci gui, Taigüim ngäng nak ah tänghän angkawm nu awn hnungtuk ciah m’hnüt nak ungka naw Ophela paang pei ung khüt ci.

2 SAMUEL 11:26

Bathsheba cu a cei ami ngawn ng’ya neta ang htei ah thüi ci.

2 SAMUEL 20:16

Mang gaw kyong ah cüivai ciah hnumi om ci, ani cu pang ungka naw m’lau ne, “Ngai vä! Ngai vä! Shiah a law vai ah Joab cu m’thein vä; kei naw ka ng’htau püi hlük ci nei” cik ci.

1 GHANGPUGHANG GUI 14:2

Jeroboam naw a chu pyen nak ci, a u naw kä a ning hmat vai ah na müi pyang neta, prophet Ahijah ah om nak Shilon ah hteit ä, ani cu kei Israel ghangpughang ah ka kyak vai ah mawng pyen ciah kyak ci.

1 GHANGPUGHANG GUI 14:5

Jeroboam ah achu law ne gaw ciah a hta ah mawng ang shi law cu Bawipa naw m’thein ci. Cun kawn ah Ahijah naw a i a pyen vai cu Bawipa naw m’thein ci. Jeroboam ah chu a gawk law sang ung chang a hei ah mäih ah kya ne lawk ci.

ATÜNNAK 38:19

Tama cu hteit ba ne a hmai a shung nak cu suut ba neta, hmeinu sui cu sui ba ci.