2 SAMUEL 14:11 - Cho Bible Common Language 2016

¹¹ Hnumi naw, “Ka bawi mang, na bä ni, Bawipa na Khanpughi ah taigü ä, cun ung sik ciah ka hta ah phäh ah phu tuk khai gui ah pawng ciah ka mätyah gui naw, ka hta tumat cu kä ngawn u ne, dämduh pi ciah katnak cu kä bik khai gui nei” cik ci. David naw, “Kei naw ghing ciah Bawipa ung shai ka tak ci, na hta cu a i naw phi kä plawh kheih khai nei” cik ci.

2 SAMUEL 14:11 Referans Kwoze

1 SAMUEL 14:45

Cun ung phi chang gui naw Saul am, Jonathan, Israel gui ah phäh ah dämduh ciah näng nak gah ci cu, sih sak vai ma? Ka! Kei mi naw ghing ciah Bawipa ung shai kami tak ci nei, ani ah lu ung lumu ng’ma ät phih kä maih sak vai nei. Tuhngawi ani ah bi phung cu Khanpughi ah m’htei nak awn na kyak ci ne,” cik ci gui. Cun ah kya ne, chang gui naw Jonathan cu sih nak ung hun ci gui.

MATTHE 10:30

Khanpughi naw nami lu ung lumu avan cu khei ne khän ci.

KHEI NAK 35:19

Sik ciah chang ah ang et pi bäih ah amätyah naw chang ngawn cicu sih nak a pek vai kyak ci, ani naw cun ah chang cu a hmuh ah a kyak ung, a ngawn vai.

LAMKTU 27:34

Nangmi nami ghin vai ah hmawk ah ei nami ei vai ah ka ning m’cäi gui ci. Nang mi ung chang tumat ah lu ung kaa, lumu ng’ma ät phi kä di maih khai nei.

1 GHANGPUGHANG GUI 1:52

Solomon naw m’shang ne, “Ani cu a bekhüt ah a kyak ung alumu ng’ma ät phi a i naw kä tawn khai, cun ung phi kä a bekhüt läi ung sik khai nei.”

KHEI NAK 35:21

kä cung a kut m’hnüm awn a ngawn ah a kyak ung, ani cu chang ngawn ci kyasei, ngawn vai. Sik ciah chang ah ang et pi bäih ah a mätyah naw chang ngawn cicu sih nak a pek vai kyak ci. Ani naw cun ah chang cu a hmuh ah a kyak ung, a ngawn vai.

JEREMIAH 4:2

Cun cu kei ah ming ung nami ng’khän nak vai ah nangmi ah hmawk ah ng’düng ciah kyak khai nei. Cun kawn ah changpakhui avan naw hriham pek vai ah na k’thäh khai gui, ngami naw na m’taam khai gui.”

1 SAMUEL 28:10

Saul naw thukhän ang cim ah bi ci.” Ghing ciah Bawipa ung shai ka tak ci. Shin bi ah phäh ah nang cu kä na kyuk khai,” ani naw hnumi pyen nak ci.

1 SAMUEL 20:42

Cun kawn ah Jonathan naw David am, “Khanpughi naw ning om püi sä. Nik ni naw ni bi ah theing ciah shaitak cu, nang la kei la, nang ah hta ng’shon la kei naw ng’hteicha sak khai nei,” cik ci. Cun kawn ah David hteit sei, Jonathan cu pigaw ah hteit ba ci.

KHEI NAK 35:27

Sik ciah chang ah mätyah naw hmu neta a ngawn ah a kyak ung, shin ah phu tuk nak cu chang ngawn ah kä kyak ci.

ATÜNNAK 31:50

Laban naw pyen ba mä ne, “Ka hta hnumi goi na k’shedam nak ung, a hei na chu nak tuba ung, kei naw kä ka ning hmat ung phi Khanpughi naw ning teng khai nei.

ATÜNNAK 14:22

Abram naw, “Khankho la khomdek tüisho ciah A hlüngtai Pikbäih Khanpughi Bawipa ah ma ah akni ah ka ng’kiaa pyi ci nei,

2 SAMUEL 14:10

Ghangpughang naw, “Tumat mat naw a ning cicum ah akiak ung, ani cu kei ah na law püi vai, ani naw kä ning yaica sak ba khai” cik ci.

2 SAMUEL 14:12

Hnumi naw, “Na bä ni, ka bawi mang, tumat hta bäng na pyen ba sak ä” cik ci. Ani naw, “Pyen ä” cik ci.

2 SAMUEL 14:21

Cun kawn ah ghangpughang naw Joab am, “Kei naw nang ah ng’yak hlü bi vai ah ka k’bäi pyi ci nei. Hteit ne changnong Absalom cu, shia ah law püi ba ä” cik ci.