2 SAMUEL 13:4 - Cho Bible Common Language 2016

⁴ Jonadab naw Ammon am, “Nang cu ghangpughang ah hta ah na kyak ci, hnüüp ät, hnüüp ät ung thüi ci sei ka ning hmuk ci, Amawng a i ang a om?” cine ng’shik ci. Ani naw, “Kei naw Tamar ka m’hni ci, ani cu ka phäi m’shum Absalom ah be ah kyak ci.

2 SAMUEL 13:4 Referans Kwoze

LUKA 12:32

“Htome ng’bum hta, kä kyi vä, nami Pa naw a uknak a ning peit gui vai ah, ang yak hlü om ci.

MIKHAH 7:3

Akshe bi vai ah chang van theileh ci. Bawi gui la suki gui naw m’cümhnah nak thäh ci gui. Ang vaipi naw ang yak hlü pi thäh ci, ngami naw atäng ah bum ci gui.

JEREMIAH 8:12

Ka chang gui aw, nangmi naw shin ah shemshai ci gui nami bi ah phäh ah nami ng’aa ne ang? Ka nei! Nangmi cu akcang ah kä nami ng’aa ci; nangmi naw ng’aa vai phi kä nami hmat ci! Cun ah kyasei nangmi cu a hei gui ami ng’kiak ah mäih ah nami ng’kia tuk khai nei; kei naw ka ning m’kyuk gui ah a kyak ung cun cu nangmi ah ng’pyi nak kyak khai. Kei, Bawipa naw ka pyen nei.

ISAIAH 3:9

Ami mät ah mikhmai naw amimät hungtuk püi gui ci nei. Ngami naw Sodom ung chang gui ah mäih ah katnak cu ang dang ah bik ci gui nei. Ngami cu shekha u ne, acun ah a phu ng’kheng cu ami khan ah ami mät naw law püi ci gui.

TAIGÜTHUM 20:17

Pami tumat naw a be, kä cung, abe m’shum a chu nak ah a kyak ung, ngani cu chang khli ah ng’lung ah thui ng’aa ci goi kyasei, chang bum ungka naw k’täm goi vai. Ani cu a be chu nak ciah kyasei, kya lawk ci phung ma nak khai ah kyak ci.

TAIGÜTHUM 18:9

Im tumat ung nami om ung phi, kä nami om ung phi, na be, käcung, na ng’nam be cu kä na yawpawm en vai.

1 GHANGPUGHANG GUI 21:7

Jezebela naw, “Nang cu ghangpughang ah kä na kya ne ang? Ih phak ungka tho law ne, yeikyai ne, ei ei ä, Naboth ah sapyitduum cu kei naw ka gah khai nei!” cik ci.

2 SAMUEL 13:3

Cun ung phi ani ung akshe ah lunglang aih ciah ateihpüi tumat om ci, ang ming cu Jonadab ah kyak ci, ani cu David ah phäi Shammah ah hta ah kyak ci.

2 SAMUEL 13:5

Jonadab naw ani am, “Na gaw ciah ng’shei ne ih phak ung na ih vai. Na pa naw law ne a ning teng law ung, na pyen vai, ‘Ka be Tamar naw law ne ana tu m’bei vai ah na pyen pe ä, Shin ung ka hmuh nak ung om ne, ei vai ana pyan pek vai ah ka ng’ya hlük ci nei, cun ung ani naw amät ah ngaih ah na m’htei khai” cine m’cäi ci.

1 GHANGPUGHANG GUI 21:5

Ak chu Jezebela cu ani ah hteit neta ng’shik ci, “A i ah kyasei na thüi ang? A i ah kyasei ei kä na ei ang?”