2 SAMUEL 13:31 - Cho Bible Common Language 2016

³¹ Ghangpughang cu düi lawk phäi ne, thüi ne a sui k’teek ne, m’dek ung amät yung phäi ci. Acun ung om ciah ak chang gui naw phi acun ah mäih ah ami sui k’teek ci gui.

2 SAMUEL 13:31 Referans Kwoze

2 SAMUEL 12:16

David cu ak hmaw a gai ba vai ah Khanpughi ah taigü ci. Ani cu ei api ah phi kä ei ci, amü päng akhan kyong ah hteit ba ne, amü pum k’cigem ung ng’yän ci.

2 SAMUEL 1:11

David naw thüi ne a sui cu k’teek ci, ak chang gui ami van a cun ah kyak ci gui.

JOB 1:20

Cun ung Joba cu ng’düi law ne a sui k’teek ci. Ani cu alu teiu ne m’dek ung a hmai gawk khai ah kyu ne ng’baup ci.

2 SAMUEL 3:31

Cun kawn ah David naw Joab la achang gui cu, ami sui k’teek ne, ng’yu nak sui sui ne, Abner ah phäh ah ami thüi kyah vai ah k’bäi gui ci. Gook ami htüm nak ung David amät phi gook tom nak pei ah hteit shüi ci.

JOSHUA 7:6

Joshua la Israel ng’vai gui cu ami sui k’teek ne thüi u ne, Bawipa ah Thukhän M’küm ah ma ah kawp u ne, ami thüi ami m’dang nak ah m’vut awn ami lu bu u ne, mühun güt acun ung ng’yän ci gui.

ATÜNNAK 37:34

Jakob cu a sui suut ne, ng’yuu sui sui ne, a hta ah phäh ah thüi kyap ci.

ATÜNNAK 37:29

Reuben naw Joseph cu teng law ba sei khui ung kä om ba khäta, a sui shum ne azä ci.

2 SAMUEL 13:30

Ngami ami im lam ah ami hteh ba yah ung, David am ng’thu ami m’thein law cu; “Absalom naw na hta gui avan ngawn ci nei — tumat phi kä pawih ba ci nei!”