2 SAMUEL 13:3 - Cho Bible Common Language 2016

³ Cun ung phi ani ung akshe ah lunglang aih ciah ateihpüi tumat om ci, ang ming cu Jonadab ah kyak ci, ani cu David ah phäi Shammah ah hta ah kyak ci.

2 SAMUEL 13:3 Referans Kwoze

1 SAMUEL 16:9

Cun kawn ah Jesse naw Shammah mä hteh püi ci. Samuel naw, “Ka, Bawipa naw a ni cu kä ghü ci nei” cik ci.

1 KORIN 3:19

Khomdek chang gui naw cüivai nak ah ami ngaih cu Khanpughi ah maa ah akholä ah kyak ci. Cacim ung, “Khanpughi naw hmuhmat ciah chang gui cu ami mät ah theileh nak awn pha ba gui ci” ciah om ci.

JAMES 3:15

Cun ah mäih cüivai nak cu khankho ah kaa ah kä kyak ci, khomdek khan ah kaa, mümcha lam ah kä kyak ciah, khoshe ah mawng ah kiak ci.

JEREMIAH 4:22

Bawipa naw pyen ci, “Kei ah ka chang gui cu anglam ci gui; ngami naw kä na hmat ci gui. Ngami cu gu ciah a hmawhta gui ah mäih ah kyak ci gui; ngami ung hmuhmat nak kä om ci. Ngami cu akshekha bi nak ung bi thei aih ci gui, cun ung phi akni bi nak ung shum ci gui.

NG'THU K'THUUK~ 19:6

A chang pang naw bawimang naw am kum vai ah k’tha nak ci, A chang pang naw m’kum nak gah ciah chang awn khawt sheng vai ah bik ci.

ESTA 6:13

Ani naw amawng ama avan cu a chu la a teihpüi gui am m’thein tu gui ci. A chu la cüivai ciah a teihpüi gui naw, “Nang ah huham cu tün ne, Mordekai ah kaa ah gawk pyi ci nei. Ani cu Jew ah kyak ci, nang naw kä na näng hlawt khai. Ani naw akcang ah ning näng khai nei” cik ci gui.

ESTA 5:14

Cun ah kyasei a chu la a teihpüi gui naw m’cäi tu u ne, “Nang naw ng’awh k’tung, metre m’ku lei goi ah hlüng ci cu, ng’lin sak gui ä. Ngawi ung khaw ngawi shin ah tung ung, Mordekai cu m’awh vai ah ghangpughang ah na k’thäh vai, cun kawn ah nang cu mang ei ei vai ah yeikyai ne na hteit khai nei” cik ci gui. Haman naw cun ah ami pyen cu bä ciah ngai neta ng’awh tung cu ng’ling ci.

ESTA 5:10

Cun ung phi am lung k’üüp ne a im ah hteit ba ci. Cun kawn ah ani naw a im ah a teihpüi gui khü gui ci, ak chu Zeresh phi atäng ah om tu sak ci.

2 SAMUEL 14:2

ani naw Tekoa ah ka lunglang ciah hnumi cu tüi ci. Ani naw cun ah hnumi cu m’cäi ne, “Nang cu na thüi kyap ciah na ng’hlawk vai; Thüi kyah ung sui na sui vai, na lu kä na huih vai. Ak shou thüi kyap ciah hnumi ah mäih ah na om ih vai.

2 SAMUEL 13:32

Cun ung phi Jonadab, David ah phäi Shammah ah hta naw, “Ka bawi mang, ngami naw na hta gui avan kä ngawn ci gui, Ammon bäng nei a sih” cik ci. Nang naw Absalom cu teng neta, na pyen hning ci, Ani cu Ammon naw abe Tamar ak pyei ge ung tün ne, a shin ah bik khai ah m’lung na tu ge ci nei.

SUKI GUI 14:20

Ani ah akchu cu, hta m’um nak ung, Samson ah akchang awn ng’khah sak ci gui.

ATÜNNAK 38:20

Judah naw a teihpüi Hirah cu mehta saw sak ne tüi ne a kyän shüt gui cu va lak ba sak ci. Cun ung phi cun ah hnumi cu Hirah naw kä hmu ba ci.

ATÜNNAK 38:1

Cun ah khin ung Judah cu a phäinau gui nawng gui shüt ne, Adullam gawnu ah ka Hirah ah pei ah hteit ne om tuk ci.

ATÜNNAK 3:1

Khanpughi ah tüisho avan ungka k’phyu cu ng’khailang pikbäih ciah kyak ci. K’phyu naw hnumi am, “Shin ah dum ung om ciah ak ghing nü ah am theih cu kä na ni ei vai ah Khanpughi naw akcang ah pyen ne ma, cine ng’shik ci.

1 SAMUEL 16:11

Cun kawn ah ani naw, “Na hta om ba mä naw” cine ng’shi ba ci. Jesse naw, “A hmaw pi om ba ci, cun ung phi ani cu htome shäm ci. Samuel naw, “Shia ah alaw vai ah va m’thein vä, Ani kä a law pha ah chuih khoihnak nak kä mi dou thak khai” cik ci.

2 SAMUEL 13:2

Ani naw cun ah hnumi cu m’hni aih neta gaw ci, a i ah kyasei ci ung, ani naw cun ah hnumi hta a chu nak vai cu kä yäi ci; ani cu ng’lami hta ah kyasei pami awn kä hmuk khai goi ah ami tha ah kyak ci.

2 SAMUEL 13:4

Jonadab naw Ammon am, “Nang cu ghangpughang ah hta ah na kyak ci, hnüüp ät, hnüüp ät ung thüi ci sei ka ning hmuk ci, Amawng a i ang a om?” cine ng’shik ci. Ani naw, “Kei naw Tamar ka m’hni ci, ani cu ka phäi m’shum Absalom ah be ah kyak ci.

2 SAMUEL 21:21

Ani naw Israel chang gui ghet gui khäta, David ah phäi ah hta Shammah naw ani cu ngawn ci.

1 SHONTÄP NAK 2:13

Jesse cu chih ah hta ci Ami Kum ah ng’läk ah tän gui ung: Eliab, Abinadab, Shammah,

1 SHONTÄP NAK 27:32

Jonathan, David ah pukhaw cu m’cumcäi thei ne, ng’langkha ciah kyak ci. Ani la Hachmoni ah hta Jehiela cu ghangpughang ah hta gui ah ca ng’thei nak vai ung tängpang ci goi.