2 SAMUEL 13:23 - Cho Bible Common Language 2016

²³ Khaw kum goi lüng khäta Absalom cu Baala Hazora, Ephraim gawnu pei ung htomu teiu pawi bik ci. Ani naw ghangpughang ah hta gui ami van a cu ah khü gui ci.

2 SAMUEL 13:23 Referans Kwoze

1 SAMUEL 25:4

bung ah om ciah David naw cun ah a mawng cu ng’yak ci,

2 SHONTÄP NAK 26:10

Ani naw khaw ng’pyä ung khäng ciah tänghän gui cu co ne, tui k’büm gui phi akda co ci, a i ah kyasei ci ung, akiangtäng khaw gui la khawdo ung ani ah sei vuhchah gui akda om ci. Ani cu lolai bi hlük ciah kya ne, chang gui naw khogui yung ah sapyit gui ami geit vai, anglei ani nak ung ami geit kaw vai ah pyen ah gui ci.

2 GHANGPUGHANG GUI 3:4

Moab ghangpughang Mesha naw htome gui vuh ci, ani naw a kum tä sei Israel ghangpughang am htome hta 100,000 la htome 100,000 amu cu pe lawk ci.

1 GHANGPUGHANG GUI 1:25

Tuhngawi ani hteit ne seipat gui, htome gui la sei akplan hta gui awn khawihnah ne douthak ci nei. Ani naw na hta gui avan, na gakapbawi Joab la taigü Abiatha cu khü gui ci, tuhbäi chü ngami cu akshaw ghing sä!” cine m’lau ci gui nei.

1 GHANGPUGHANG GUI 1:19

Ani naw seipat gui, htome gui la plan ciah seihta gui awn khawihnah ne, douthak nak bi ne, na hta gui, taigü Abiatha, la na gakapbawi Joab cu ei awk pawi ung khü gui ci, cun ung phi na hta Solomon cu kä khü tuk ci.

1 GHANGPUGHANG GUI 1:9

Hnüüp ät ung Adonijah naw Enrokel tuihta ah pei, Phyu Lung Song ung htome, pat hta la plan ciah sei hta gui awn khawihnah ci. Ani naw a hei David ghangpughang ah hta gui la Judah ah ka ghangpughang ah bawi gui cu, cun ah khawihnah mang ei ung ami law vai ah khü gui ci,

1 SAMUEL 25:36

Abigail cu Nabala ah hteit ba ci, cun yah ung ani cu ghangpughang ah pawi ah mäih ah a im ah bik ci. Ani cu awktat ne, yei ne om ci, cun ah kyasei a chu naw a ngawi ung khaw ngawi güt a i kä m’thein ci.

1 SAMUEL 25:7

Ani naw, nang naw na hto gui amu na k’teiu cu ng’yak ci nei. Nang naw na hmat vai ang yak hlü cu nang ah htoshäm gui cu keimi awn a täng ah om ci gui, keimi naw a i ah kä kami ci gui ci. Ngami kamela ung ami om yah ah pum ngami ah ka cu a u naw kä m’guk ci.

1 SAMUEL 25:2

A cu ah Kaleb pahta ung ka Nabala ming nak ciah chang om ci, ani cu Maon gawnu ungka, karmela gawnu pei ah khawpäng ciah kyak ci. Ani cu a täng ah bühmang ci, htome phia thum kip la me phia gha tak ci. Achu Abigail cu kyom ne lulang ci, cun ung phi ani cu chang sawkshe, m’lungshe ciah chang ah kyak ci. Nabala naw Karmelaa ah a htomu k’teiu ci,

2 SAMUEL 13:24

Ani naw ghangpughang David ah hteit neta, “Ka bawi mang, kei naw htome teiu pawi ka bik ci. Nang la na bawi gui law ne, cun ah ei awk pawi ung, nami ei aw lawk khai” cik ci.

ATÜNNAK 31:19

Laban cu htawme ah mu k’teiu khai ah a hei ah a hteh yah ung Rachelah naw apa ah khanpughi a gup gui cu m’gu ne hteh püi ci.

NEHEMIAH 11:33

Hazor, Ramah, Kittaim,