2 SAMUEL 13:22 - Cho Bible Common Language 2016

²² Absalom naw Ammon cu abe Tamar ak pyei ah phäh ah thüi nak ci, ani naw ng’htau ah phi kä ng’htau püi ci.

2 SAMUEL 13:22 Referans Kwoze

ATÜNNAK 31:24

A cun ah mü ung Khanpughi cu Laban ah ih mang ung law neta, “Na geing nak vai nei, Jakob cu a i ah kä na ci en vai nei” cine pyen nak ci.

1 JOHAN 3:15

A phäi nau thüi nak ciah chang cu chang ngawn ciah kyak ci, Chang ngawn ciah chang naw angtäi ghin nak kä gah hlawt khai cicu nami hmat ci.

ATÜNNAK 24:50

Laban la Bethuela naw, “Shin cu Bawipa ungka lawk ciah kyak ci. Keimi naw kami pyen vai a i kä om ci.

1 JOHAN 2:11

Cun ung phi a phäi nau thüi nak ciah chang cu hmüp khui ung om ciah kyak ci; ani cu hmüp khui ung lula ci, cun ung phi a hawi lam a hteh kä hmat ci, a i ah kyasei ci ung hmüp nak naw ani ah mik cu m’dauh sak ci.

1 JOHAN 2:9

Akdei ung ka om ci nei ci netah, a phäi nau gen ciah chang cu, a tuhchü hmüp khui ung om ciah kyak ci.

EPHESIAN 4:31

Thüisei nak, ngetngawng nak, m’lungshe nak gui cu nawng ge vä. Käng li ng’lai kä ng’plah ng’taang ba vä, käm thüikhang kä ng’gen hteet ba vä.

EPHESIAN 4:26

Nami m’lung a shet law ah a kyak ung phi, nami m’lung she nak cu cheishoh nak ung kä gawk en sä, nami m’lung she nak cu hni naw kä luh-en püi sä.

MATTHE 18:15

Na phäi nau naw a ning katnak ung, katnak am dang thei vai ah a om nak ah na hteh vai. Nani mät ng’hmu ni ne na ning lak mah nak cu naning ge nak vai. Na thu ang ngaih ung naning gei ba khai.

THUSHÄUTU 7:9

Nami m’lung nami k’üüp vai; ng’u hneit nak cu guktaak nak ah kyak ci.

NG'THU K'THUUK~ 26:24

Thuvi ciah chang naw a thüi nak cu kä düng ciah ng’thu ah hnu ah ng’thup ci.

NG'THU K'THUUK~ 25:9

Nang la na im ng’phei ung ngaih kä ng’hmat ci a om ung na ni mät naw nani m’dim vai. M’yih thuh gui phung api phi kä nami m’thawh en vai.

NG'THU K'THUUK~ 10:18

A thüigen nak thup ciah chang cu hleei ciah kyak ci, ng’pyen sak ciah chang cu gu ang ciah kyak ci.

ATÜNNAK 31:29

Kei naw nang cu ka ning m’di hning ci, cun ung phi zan mü napa ah Khanpughi law ne, a i ah kä ka ning bi en vai ah pyen sei, ka ning nawng nei.

1 JOHAN 3:10

Ashin ah mawng awn Khanpughi ah htanau la Khoshe ah htanau ah ng’lakmah nak cu ng’htei ne dang ci. Ng’düng nak kä om ciah chang, a phäinau kä m’hni ciah chang cu Khanpughi ah htanau ah kä kyak ci.

1 JOHAN 3:12

Mikmi cu Kain ah mäih ah kä mi kya en vai nei. Ani ung khoshe om sei, a nau Abel cu ngawn ci nei. Kain naw a i ah kyasei a ngawn ang? Ani ah bilawh gui cu cheishoh ne a nau ah bilawh gui cu ang düng ah hmawk ah kyak ci.

2 SAMUEL 13:21

Cun ah a mawng gui cu ghangpughang David naw ng’ya neta, m’lung she ci.

NG'THU K'THUUK~ 26:26

Ani naw a thüigen nak cu m’yih ci, Cun ung phi ani naw akshe a bi gui cu, päng naw hmuk ci.