2 SAMUEL 13:19 - Cho Bible Common Language 2016

¹⁹ Tamar cu alu ung m’vut awn bu ne, a suinu k’teek ne, a hmai bawm ne, kyap ne dawng ba ci.

2 SAMUEL 13:19 Referans Kwoze

JEREMIAH 2:37

Nangmi cu Egypt ng’hlah ta u ne, lung aa nak awn nami lu nami m’awh khai. Nangmi naw nami ngaih gep gui cu kei naw ka hnungtuk gui ci; nangmi naw ngami ung nami gah vai a i kä om khai.”

JOSHUA 7:6

Joshua la Israel ng’vai gui cu ami sui k’teek ne thüi u ne, Bawipa ah Thukhän M’küm ah ma ah kawp u ne, ami thüi ami m’dang nak ah m’vut awn ami lu bu u ne, mühun güt acun ung ng’yän ci gui.

2 SAMUEL 1:11

David naw thüi ne a sui cu k’teek ci, ak chang gui ami van a cun ah kyak ci gui.

2 SAMUEL 1:2

A ngawi ung Saul ah phung ung ka chang nong tumat gawk lawk ci. A thüi am dang nak ah, a sui gui cu shum ne, alu ung m’dek awn bu ci. Ani cu David ah hteit ne m’dek ung bop ne chang m’sui ci.

JOB 42:6

Cun ah kyasei kei cu ka ng’thu ah phäh ah ng’a ne, ng’yu ba ne m’vut ung ka ngok ci nei.

JOB 2:12

Ngami naw Job cu ashou nak ah ka naw hmu u ne phi ka hmat ba ci gui. Ani hmu law u neta ngami cu thuikyap ci gui. Ami sui teek ne kyap u ne m’vut phyang ne ami lu bu ci gui.

ESTA 4:1

Mordekai naw cun gui avan hmat law neta, a sui gui k’teek ne cäi ng’ä ci. Cun kawn ah suishe sui ne a lu m’vut awn bu ne, kyap ne m’lau ne mang gaw kyong ah hteit shüi shüi ne,

1 SAMUEL 4:12

Benjamin pakhui ung ka chang tumat cu ng’tuk nak ah hmun ung ka Shilon ah khüt ne dawng law ba ci, a cu hnüüp gawk law ba ci. A thüi aih am dang nak ah, a sui k’teek ne, a lu khan ah m’dek tha ci.

ATÜNNAK 37:29

Reuben naw Joseph cu teng law ba sei khui ung kä om ba khäta, a sui shum ne azä ci.

2 SAMUEL 13:20

Aphäi hta Absalom naw ani cu hmu neta, “Ammon naw ning ih-om püi ne ma? Na bä ni, ka be aw, ni sei kä na thüi vai. Ani cu na phäi m’shum ah kyak ci, cun ah kyasei a u am kä na m’thein vai,” cik ci. Cun ah kyasei Tamar cu Absalom ah im ah thüi ne amät hta om ci.