2 SAMUEL 12:9 - Cho Bible Common Language 2016

⁹ A i ah kyasei kei ah thumkhän kä na läk ang? A i ah kyasei shin ah akshe na bi ang? Nang naw Uriah cu ng’tuk nak ung na ngawn ci; Ammonit gui am na ngawn sak gui ci, cun kawn ah ak chu nak chu nak ci!

2 SAMUEL 12:9 Referans Kwoze

1 SAMUEL 15:19

I i ah kyasei cun cu kä na läk ang? A i ah kyasei chang ah khawh gut ne na lak ang? Acun naw Bawipa kä yei sak ci.

AMOS 2:4

Bawipa naw, “Judah chang gui cu leng ba ba ne shekak ci gui, acu ah phäh ah kei naw akcang ah ka m’kyuk gui khai. Ngami naw kei ah m’theithang cu päipih ci gui, kei ah thumkhän cu kä kutshum ci gui. Ngami cu ami pupa gui ah khawihnah ah khanpughi she gui läk u ne, lam hma ci gui.

JEREMIAH 18:10

Cun ah pakhui khaw naw ka pyen kä ngai ne, akshe ami bi ah a kyak ung, kei naw ka bik khai ah ka pyen cu kä ka bik khai.

SAM 90:8

Nang naw kami katnak cu na ma ah bum ne, m’zih ne kami katnak cu na hmuh nak vai ung na tha ci.

1 SAMUEL 15:23

Ani hnu ng’tuk püi cu khawshe m’bei ah mäih ah shek ci, lingkeng aih cu agup khawihnah ah mäih ah katnak ah kyak ci. A i ah kyasei ci ung nang naw Bawipa ah thumkhän na hnu ng’tuk püi ci, ani naw na ghangpughang nak cu ning hnu ng’tuk püi ci” cik ci.

ISAIAH 5:24

Cun ah kyasei tuhbäi, htang gong la khu m’gho chawng ng’vet sei mei naw a vih ah mäih ah nami zungpya cu thu ne nami m’guhpai cu chawng ne zong yawp khai nei, a i ah kyasei ci ung, nangmi naw m’gäi ciah Bawipa, theing cüm ciah Israel khanpughi ah ana m’theithang gui cu nami hnung’tuk püi ah phäh ah kyak ci.

2 SAMUEL 11:4

David naw chang tüi ne ani cu law püi sak gui ci; ngami naw law püi u khäta ani naw m’hni ne ih püi ci. (Ani naw a cha shui cu a tuhbäi hta theing sak ciah kyak ci.) Cun kawn ah ani cu im ah hteit ba ci.

SAM 51:4

Kei cu cheishoh ne ka ning hnu nak ci, ka ning hnu nak ci nei — Nang naw akshe ah na k’bäi cu kei naw ka bik ci nei. Cun ah kyasei nang naw düng ci nei ciah na ng’thumcha ne, nang cu kei na na m’kyuk khai ah na taga ci nei.

2 SHONTÄP NAK 33:6

Ani naw Hinnom khongnawi ung a hta gui awn m’khih ne douthak ne khawihnah ci. Ani naw kho cuun la khokce ah bi cu bi ne, ng’cängbang ci gui la khogam ah kai gui cu ng’shi k’thäh gui ci. Ani naw akdämduh ah Bawipa hnungtuk püi ne katnak bi ne, ak tung ah m’lungshe sak ci.

2 SAMUEL 12:10

Tuhbäi, ang shon päng ung, na hta ng’shon amshah cu ng’sai ung sik khai, a i ah kyasei ci ung nang naw ka ng’thu kä na ngai ci. Uriah ah chu phi na gut ci.

1 SAMUEL 15:26

Samuela naw, “Nang awn a täng ah kä ka hteit tu ba khai, nang naw Bawipa ah thumkhän na hnu ng’tuk püi ci, ani naw Israel ghangpughang ung ka ning hnu ng’tuk püi ci.

2 SAMUEL 16:7

Shimei naw ani taam ne a pyen cu, “Hteit ä! Hteit ä! Chang ngawn ci! Cawi m’sa ci!

1 GHANGPUGHANG GUI 15:5

Cun ah Bawipa naw abi cu a i ah kyasei ci ung David naw ani ah yeikyai nak vai bi ne, Hittite chang Uriah chang ah mawng ah kawn ah, ani ah ah thumkhän kä läk nak api phi kä a om ah hmawk ah kyak ci.

1 GHANGPUGHANG GUI 21:19

Kei Bawipa naw ka pyen cu na m’thein vai nei, “Chang ngawn neta ani ah khawcham cu na lak khai ma? Shin ah kei naw ka pyen cu na m’thein vai nei: Naboth ah si ui gui naw ami m’leih nak ah hmun bä bä ung nang ah si cu m’leik khai gui nei!”

SAM 51:14

O Khanpughi, ka ghin nak cu na pyang pe ne, na hun ä, kei naw yeikyai ne nang düng nak ka shüm khai nei.

SAM 51:16

Ghu tha cu nang naw kä na ng’ya hlük ci, kä cun ung kei naw ka ning pek khai sü te; mei awn m’khih ne khawihnah phi kä na m’hni ci.

NG'THU K'THUUK~ 14:2

Nami htingling vai. Htingling ci naw Bawipa a kyih aa nak dang sak ci. Kä nami htingling ung kä nami kyih aa ciah kyak ci.