2 SAMUEL 12:7 - Cho Bible Common Language 2016

⁷ Nathan naw David am, “Nang cu cun ah chang nei. Shin cu Israel ah Bawipa Khanpughi ah ng’thu nei: “Kei naw nang cu Israel ghangpughang ah ka ning hmoh ci, Saul ah kut ungka, ka ning gung ci.

2 SAMUEL 12:7 Referans Kwoze

MATTHE 14:14

Bawipa Jesuh naw hleiko ung a kai kawn ah chang gui cu teng gui ne m’gein gui netah gawpai ci gui cu gai sak gui ci.

1 SAMUEL 16:13

Samuela naw olive-situi cu la neta, David cu aphäi gui ah ma ung phyuh theh ci. Ang ghit ah Bawipa ah mümcha naw David cu k’pang ci, cu hnüüp ung tüi ne ani cu om püi ci. Cun kawn ah Samuel cu Ramah ah hteit ba ci.

2 SAMUEL 22:1

Bawipa naw David cu Saul la a hei ga gu ah kut ung hun khäta, David naw shin ah ng’äi awn Bawipa ng’äi ci;

1 GHANGPUGHANG GUI 20:42

Prophet naw ghangpughang pyen nak ci, “Shin cu Bawipa ah ng’thu nei: ‘Kei naw ngawn vai ah ka k’bäi pyi ah chang cu nang naw na luat sak ci, acun ah hnün ung nang naw na hnun gui na pek khai, ani ah gakap na luat sak ah phäh ah na gakap cu m’di vai nei.

1 GHANGPUGHANG GUI 18:18

Elijah naw, “Kei cu khüikha nak bik ciah kä ka kyak ci, nang — nang la na pa nei. Nang cu Bawipa ah thumkhän gui kä läk ne, Baala ah a gup gui na khawihnah ci.

2 SAMUEL 22:49

Ani naw ka ga gui ung na hun ci. O Bawipa, nang naw ka ga gui ah khan ah näng nak na na pek ci, Sohai ciah chang gui ung na na shungvong ci.

2 SAMUEL 7:8

Kei A hlüngtai Bawipa naw ka pyen nak cu, ka changshäm David am m’thein ä, “Lo ah hto na shäm nak ungka kei naw ka ning lak ci, ka chang Israel gui uktu ah ka ning pyang ci.

1 SAMUEL 23:14

David cu khaw ng’yung bung ah ng’thup ne om ci, cun cu ziph ah pei bungpuk ah kyak ci. Saul naw ani a hmuh vai ah angtäi sei k’tha nak ci, cun ung phi Khanpughi naw David cu ani ah kut ung kä ap ci.

1 SAMUEL 23:7

David keilah ah a hteh ah mawng cu Saul am m’thein ci gui. Ani naw, “Khanpughi naw ani cu kei ah huham kyong ah tha ci nei. Akhäng ah m’kawt pyang ne, k’pang ah gawnu ung hteit ciah David cu amät naw amät pha pyi ci nei,” cik ci.

1 SAMUEL 18:21

Ani amät ng’htau ci, “Kei naw Michala cu David am ka pek khai; ka hta hnumi cu ani pha nak vai ah ka mang khai, cun ung ani cu Philistin gui naw ngawn khai gui.” Cun ah kyasei Saul naw a hnih vei nak ah David am, “Nang cu ka kawi ah na kyak khai” cik ci.

1 SAMUEL 15:17

Samuela naw, “Namät naw namät kä küikyang ciah na ngaih ung phi, nang cu Israel pakhui ah ng’vai pi ah na kyak ci,

1 SAMUEL 13:13

Samuel naw, “Cun cu ak ang ah ngaih-tüh ne bi ah kyak ci,” cik ci. Bawipa nami Khanpughi ah ning pek ah thumkhän cu kä na läk ci. Na läk vai sü ung, nang la na hta ng’shon gui cu ngawi yä Israel nami uk khai ah ning chuiso gui khai sü te.

SAM 18:1

Ka ning m’hni aih ci nei, Bawipa! Nang cu ka thagui ah na kyak ci.

1 SAMUEL 18:11

“Pang ung m’khän ne ka hei vawi khai” ci nei Saul cu amät ng’htau neta, k’htei awn hnih vei vawi ci: cun ung phi David naw ana ng’shawn ghäm ghäm ci.

2 SAMUEL 14:13

Hnumi naw ani am, “A i ah kyasei nang naw shin ah mäih ah chei shoh nak cu Khanpughi ah chang ah khan ah na bi ang? Nang naw na mät ah hta cu omk’tu khaw ah kaa, a law ba vai ah kä na ng’kiaa ci, cun ah kyasei nang cu tuhbäi na ng’thu awn na mät naw na mät na m’kyuk ci.

1 GHANGPUGHANG GUI 14:7

Hteit ne Jeroboam am m’thein ä, shin cu Israel Khanpughi, Bawipa naw ani a pyen nak nei: “Kei naw chang akda ungka, nang cu ning ghü ne, Israel chang gui uktu ah ka ning pyang ci.

DANIEL 4:22

Ghangpughang aw, nang cu ng’shäi ne m’htungkhong ciah sing ghing ah na kyak ci. Nang dämduh ng’ghawtai ne khankho mik na han pha ci, nang ah huham naw khomdek khan avan küm ci nei.

1 GHANGPUGHANG GUI 20:40

Cun ung phi a hei bii bi ne ka tawt ei sang ung, cun ah chang cu phyawng ci.” Ghangpughang naw, “Nang naw na mät ah kyuk nak vai na ng’shäu ci, nang cu acun na khan bä khai” cik ci.

JEREMIAH 34:6

Kei naw shin ah ng’thu cu Jerusalem ah Ghangpughang zedelciah am ka pek ci,