2 SAMUEL 12:16 - Cho Bible Common Language 2016

¹⁶ David cu ak hmaw a gai ba vai ah Khanpughi ah taigü ci. Ani cu ei api ah phi kä ei ci, amü päng akhan kyong ah hteit ba ne, amü pum k’cigem ung ng’yän ci.

2 SAMUEL 12:16 Referans Kwoze

2 SAMUEL 13:31

Ghangpughang cu düi lawk phäi ne, thüi ne a sui k’teek ne, m’dek ung amät yung phäi ci. Acun ung om ciah ak chang gui naw phi acun ah mäih ah ami sui k’teek ci gui.

LAMKTU 9:9

Ani cu ak hnüp thum güt ung a i kä hmu teng ba ci, cun yah pum ung a i phi kä ei auk ah om ci.

JONAH 3:9

Khanpughi naw am lung m’thawng ei hman khai, am lungshe nak m’düm ei hman khai, cun ung mikmi kä mi sik khai!” cik ci gui.

ISAIAH 22:12

Uktu m’gäi ciah Bawipa naw, thüisui sui ne, nami lu k’teiu ne, nami thüi kyah vai ah ning khü gui ci nei.

SAM 69:10

Kei ei hlawi ne hnim gei ngä sei, chang gui naw na päipih ci gui;

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

ESTA 4:16

“Hteit ne Jew gui avan Susa ung k’bum gui ä. Ei hlawi ne kei ah phäh ah taigü vä. Hnüüp thum la mü thum ung ei kä nami ei, tui kä nami awk en vai nei. Kei la ka changshäm hnumi hta gui phi acun ah kami bik khai nei. Cun kawn ah shin cu thukhän awn a hnungtuk ung phi, kei cu ghangpughang ah ka hteit khai. Shin bi ah phäh ah sih vai a kyak ung phi ka sik khai nei” ciah kyak ci.

1 GHANGPUGHANG GUI 21:27

Elijah naw ng’thu a pyen yawp ung, Ahab naw a sui gui k’teek ne, suut ne, suishe gui sui ci. Ani cu ei kä ei ne, suishe awn ip ne, thüi nei ng’üüp ne hteit hton ci.

2 SAMUEL 12:22

David naw, “Ä, ani a ghin yah ung kei cu ei hlawi ne, thüi ne ka kyak ci. Bawipa naw kei cu na chimgein ne, a hmaw cu kä sih sak khai ah ka ngai ci.

ISAIAH 26:16

Nang naw na chang gui cu na m’kyuk ci nei, BAWIPA, ngami cu cümbawng ne, nang ah taigü ci gui nei.

2 SAMUEL 12:15

Cun kawn ah Nathan hteit ba ci. Bawipa naw Uriah ah chu la David ah ani hta ak hmaw cu gaw sak sei ana ah gaw lawk ci.

NEHEMIAH 1:4

Cun ng’ya neta kei cu ngo ne ka kyap ci. Kei cu khaw hnüüp akda ung thüisei ne, ei kä ka ei ci, Khanpughi ah ka taigü ci.

DANIEL 6:18

Cun kawn ah ghangpughang cu mang im ah law ba ne, amu “pum kä ip hlawt ne, a ei kaa ah a i kä ei awk ah om ci.

JOSHUA 7:6

Joshua la Israel ng’vai gui cu ami sui k’teek ne thüi u ne, Bawipa ah Thukhän M’küm ah ma ah kawp u ne, ami thüi ami m’dang nak ah m’vut awn ami lu bu u ne, mühun güt acun ung ng’yän ci gui.

DANIEL 9:3

Kei cu düng nak awn Bawipa Khanpughi ah ka taigü ci, ani ung ka ng’coi pak ci, ei ka hlawi ci, sui she sui ne m’vut ung ka ngok ci.