2 SAMUEL 12:14 - Cho Bible Common Language 2016

¹⁴ Cun ung phi, a i ah kyasei ci ung, nang naw shin ah mäih bi ne Bawipa na thui ng’a sak ah phäh ah na hta sik khai” cik ci.

2 SAMUEL 12:14 Referans Kwoze

ROMAN 2:24

Cacim ung, “Jew chang gui ah om ah chang khui hei gui naw, Khanpughi ah ming cu päipih ci gui nei,” cine om ciah mäih ah kya lawk ci nei.

ISAIAH 52:5

Tuhbäi Babilon ung phi acun bä ah kya law ba ci; nangmi ning pha gui ci gui, nang mi ah phäh ah a u naw a i kä pek ci. Ning uk gui cicu khä hghah u ne, chang ah ng’shei u ne, ang däih ah kei a i ah kä ami na sui nak cu m’dang ci gi.

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

HEBRU 12:6

A i ah kyasei ci ung, Bawipa naw am hni ah Chang phung cu m’düng ne, A hta ah k’bäi ne a dou phung cu M’kyuk ci nei,” ciah kyak ci.

SAM 94:12

Bawipa, nang naw na m’shüm thein ah chang, na thumkhän na m’thei ah chang cu yeikyai nak om ci nei!

1 KORIN 11:32

Cun ah Bawipa naw nam khoicha gui ne a na m’kat nak gui cu, khomdek chang awn a täng ah m’kat nak kä mi gah tu vai ah hmawk ah kyak ci.

MATTHE 18:7

Chang gui ah yum nak dimaih sak ciah a mawng ama gui om sei, chang gui ung thüi sei nak om ci. Zum nak dimaih sak cicu akcang ah om khai, cun ung phi yum nak dimaih sak ciah chang cu ang htei ah thüi sei nak om khai.

AMOS 3:2

“M’dek khan pakhui avan ungka nang tumat bäng cu kei naw ka ning hmat, ka ning m’htei ah kyak ci. Cun cu nam katnak kyih aih vai ah kyak sak ci la ngami ah hmawk ah kei naw ka ning m’kyuk gui vai ah mawng ah kyak ci.”

SAM 74:10

O Khanpughi, kami ga gui naw a i güt ning gaih m’gin khai gui ang? Ngami naw na ming cu päipih lä khai gui ma?

NEHEMIAH 5:9

Cun kawn ah kei naw ka pyen cu, “Nang naw na bi cu chei ci nei! Nang naw Khanpughi na ngaih vai, düng ci na bi vai. Kami ga gui la khuihei chang gui naw ami na gaih m’gin vai ah amawng, nangmi naw a i kä nami pek en gui vai.

2 SAMUEL 12:15

Cun kawn ah Nathan hteit ba ci. Bawipa naw Uriah ah chu la David ah ani hta ak hmaw cu gaw sak sei ana ah gaw lawk ci.

SAM 69:6

Hlüngtai ne uk ciah Bawipa, nang ung ap ci gui ah hmawk ah kei kä na ng’aa en sak ä. O Israel Khanpughi! Kei ah hmawk ah nang ning khawihnah ci gui kä thui sei sak-en gui ä.

SAM 99:8

O Bawipa, kami Khanpughi, Na chang gui cu na m’shang gui ci nei; Ami katnak na m’kyuk gui ung phi, m’geinsei ciah Khanpughi ah na kyak cu na m’dang gui ci.