2 SAMUEL 12:13 - Cho Bible Common Language 2016

¹³ David naw, “Kei naw Bawipa hnu ng’tuk püi ne katnak ka bik ci nei” cik ci. Nathan naw, “Bawipa ning m’gein sei ci, nang kä na sik khai.

2 SAMUEL 12:13 Referans Kwoze

NG'THU K'THUUK~ 28:13

Na hmakat nak cu k’tha na ne na thuh ah a kyak ung, na ghin nak ung ngawi ah phi ka na naing khai. Na ng’kiaa yawp vai na nawng yawp vai: cun ung Khanpughi naw ning m’gein khai.

SAM 51:4

Kei cu cheishoh ne ka ning hnu nak ci, ka ning hnu nak ci nei — Nang naw akshe ah na k’bäi cu kei naw ka bik ci nei. Cun ah kyasei nang naw düng ci nei ciah na ng’thumcha ne, nang cu kei na na m’kyuk khai ah na taga ci nei.

2 SAMUEL 24:10

David naw cun ah chang khei nak abi kawn ah am lung kyong ung yaica nak gawk lawk ci, cun ah kyasei ani naw Bawipa am, “Kei naw shin bi ne kyih aih vai ah katnak ka bik ci nei! Na bä ni na m’gein sei ä. Ak gu ang ah ka hnün tho pyi ci nei” cik ci.

ZEKHARIAH 3:4

Khanchang naw acun ung om tuk ciah a chang gui am, “Shin ah chang ah suishe cu suut ne ghawt vä” ci neta, Joshua am, “Na katnak ka ning ghawh pe pyi ci, na sui vai sui akthai ka ning pek khai” cik ci.

LUKA 15:21

A hta naw, “Kapa aw, kei cu Khanpughi la nang Kapa ah khan ah kat nak ka bi pyi ci nei. Cun ah kyasei, nang kapa ah hta ah kä ka khin ba ci nei” cik ci.

1 SAMUEL 15:30

Saul naw, “Kei ka hma ci nei” ci ba ci. Cun ung phi ka chang gui ah ami ng’vai gui la Israel chang avan ah ma ah, chang m’sui nak bawta na m’dang pe ä. Kei awn a täng ah hteit tu ba ä, cun ung kei naw Bawipa na Khanpughi cu ka khawihna hlawt khai” cik ci.

TAIGÜTHUM 20:10

Pami tumat naw a Israel paw ah chu a kat püi ah a kyak ung, hnumi la pami ani nik hnih cu ngawn goi vai.

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;

HEBRU 9:26

Akda vei lut khai ah a kyak vai sü ung Khanpughi naw kho akhan atüi pyan ung tün ne akda vei sih nak aut khai sü ah kyak ci. Tuhbäi kho a khüt law vai khin ung ang bäng ge ah hnü ät kium law ne, a hnun gui pe ne, cheishoh nak cu nawtpet yawp pyii ci.

1 JOHAN 1:7

Cun ung phi ani cu akdei ung a om ah mäih ah, mikmi cu ak dei ung mi om ah a kyak ung, mikmi cu tumat la tumat pui m’ca nak om ci. Khanpughi ah Htapa Bawi Jesuh naw asi ng’hlui awn mi kat nak nüng cu m’si ne ana theing sak gui pyi ah kyak ci.

LAMKTU 2:37

Cun ah ng’thu ng’yak ciah chang gui cu, ang htei ah ami lung khih gui khä tah, Peter lah a hei ang düihpüi gui am, “Phäi naü gui aw, a i ah mi kyak khai ang” cine ng’htau gui ci gui.

MATTHE 14:10

Cun ah kyasei Johan ah lupum cu thawng kyong ah chün sak gui netah, tawnglan ung khäp ne hnumi hta-am pek sak gui ci.

NG’ÄI KYAH 3:32

Ani naw ayä nak ung na law püi gui khai, cun ung phi ani ah na m’hni nak gui cu ng’hteicha ne khüighat ci.

ISAIAH 44:22

Kei naw nami katnak cu kho ng’mei ah mäih ah ka zon sak ci nei. Kei ah law ba vä, kei cu nangmi ning hun gui ciah ka kyak ci nei.”

ISAIAH 43:24

Kei ah hmawk ah ang ui kä nami hleih man ci, nami khisa ah a thau awn kä na mi na büh bei sak man ci. Cun nak vaisü ung nami katnak awn nami na gihgaw sak ci, nami cheishoh nak nami na phuih kawh sak ci.

ISAIAH 38:17

Kei ah ka khaa nak shi, dimdeeih nak ah ng’hlat khai nei. Kyihkyawk nak avan ung na na m’geinsei ci nei.

NG'THU K'THUUK~ 25:12

Ngai yak hlü ciah chang am hmuhmat nak om ciah chang ah pek ah m’shümthein nak cu, ghui kutcüp, kä ung, ghui akni awn pyan ah cünglung ngamä a phu küi pi ci.

SAM 51:16

Ghu tha cu nang naw kä na ng’ya hlük ci, kä cun ung kei naw ka ning pek khai sü te; mei awn m’khih ne khawihnah phi kä na m’hni ci.

JOB 33:27

Ani naw chang khli ah ma ah pyen khai, kei ka kak ci nei, kei naw ng’düng nak kä ka bik ci nei. Cun ung phi Khanpughi naw na m’htei ci nei.

2 SHONTÄP NAK 25:16

Amaziah naw ng’thu ba pah ne, “Keimi naw nang cu ghangpughang na m’cäi m’ä khai ah kami ning tha ne ang? Kä chiu ba ne om ä, kä cung ka ning ngawn lawk khai nei!” cik ci. Prophet naw shin ah pyen neta, kä chiu ba ne om ci. “Tuhbäi kei naw ka hmat ci, Khanpughi naw nang ning m’di khai ah k’bäi pyi ci, a i ah kyasei ci ung nang naw shin gui bi ne, kei ah m’cäi ä nak a i ah kä na ngaih ah phäh ah kyak ci.”

2 SHONTÄP NAK 16:10

Cun ung Asa cu prophet ah khan ah m’lungshe aih neta, ani cu m’si gui awn khit ne m’shän ci. Acun ah akhin ung tün ne, Asa naw chang amshah cu akshe ah om na gui ci.

2 GHANGPUGHANG GUI 1:9

Cun kawn ah ani naw bawi tumat la chang hmakip cu Elijah la tuk khai ah tüi law gui ci. Bawi naw ani cu m’htung khan ah ngo sei hmu neta a pyen nak cu, “Khanpughi ah chang, kyum law ä, ghangpughang naw ng’thu nik bäi ci nei.”

1 GHANGPUGHANG GUI 22:8

Ahab naw, “Tumat om ba ci nei, Imlah ah hta Mikaiah. Cun ung phi ani cu ka thüi nak ci, kei ah phäh ah a i phi akni ah kä ng’cäbang man ci; akshe ah va ang’täi sei pyen ci” cik ci. Jehoshaphat naw, “Cun ah kä na pyen vai” ciah pyen nak ci.

1 GHANGPUGHANG GUI 21:20

Ahab naw Elijah cu hmu neta, “Ka ga aw, kei na na hmu ne ma?” cik ci. Elijah naw, “Ä, ka ning hmuk ci nei, nang cu Khanpughi täng ah akshe akbe ah bi vai ah nang ap ci nei.

1 GHANGPUGHANG GUI 13:4

Ghangpughang Jeroboam naw cun cu ng’ya neta, ani cu a kut awn tawk ne, “Shin ah chang cu pha vä” cik ci. Acun vai am ghangpughang ah kut cu k’shum sei kä va saw ba hlawt ci.

1 SAMUEL 15:20

Saul naw, “Bawipa ka läk ci nei” cik ci. “Ana m’cäi ah mäih ah kei ka hteit ci, Ghangpughang Agag ka law püi ci, Amalek chang gui avan ka ngawn gui ci.

TAIGÜTHUM 24:17

“A u chang phi chang ngawn ci phung cu ngawn vai,

LUKA 18:13

Cun ung phi akhawnlook ciah chang läi cu, ani awn ang shawng ah ng’düi net, khan kä dang dat ah kawp netah, “Aw, Khanpughi aw, kat nak ka bik ciah kei chang kaa cu nam gein ä” cine ang kyang k’beeih ne taigü ci.

ATÜNNAK 39:9

Shin ah im ung kei cu ka bawi ah mäih ah huham om ci. Nang ah kawn ah a i phi kä bi vai ah ana maa nak kä om ci nei. Kei naw shin ah mäih ah akshe kä ka bik khai, katnak cu ka hnungtuk püi khai nei” cik ci.

1 SHONTÄP NAK 21:8

David naw Khanpughi ah ma ah, “Kei naw shin ah bi ne kyihkyawk vai ah katnak cu ka bi pyi ci nei! Nabä ni, na m’gein sei ä, kei cu akgu ah ka hnün tho pyi ci nei” cine pyen ci.

SAM 103:12

Hni law kho cawi la hni kyak kho cawi ah ng’shawng ah mäih ah, Ani naw mi katnak cu na ng’shawng sak gui ci.

PHYAWN NAK 9:27

Ghangpughang naw Moses la Aaron ah chang tüi ne, “Tuhbäi kei cu ka hma ci nei, Bawipa cu hman ci nei, kei la ka chang gui cu kami cheishoh ci nei.

2 SAMUEL 24:17

David naw chang gui ngawn ciah khanchang cu hmu neta, Bawipa ah ma ah, “Kei cu hma ciah ka kyak ci, kei cu cheishoh ci bi ciah chang tumat ah ka kyak ci. Shin ah chang dukhaih gui naw a i ang ami bi? Nang naw kei la ka kyong khui cu na m’kyuk hning ci nei” cik ci.

SAM 51:6

Bä nak la ng’düng nak cu na m’hni ci kya ne, Na cüivai nak awn ka m’lung na k’be ä.