2 SAMUEL 11:8 - Cho Bible Common Language 2016

⁸ Cun kawn ah ani naw Uriah am, “Na im ah hteit ba ne a shäng na ng’düm vai” cine pyen nak ci. Uriah hteit ba sei, David naw a im ah phäh ah pe tak ci.

2 SAMUEL 11:8 Referans Kwoze

ATÜNNAK 18:4

Nami khawpha nami m’si nak vai tui ka law püi khai nei, shin ah sing ghing ah kaa ah ng’düm cang vä.

HEBRU 4:13

Khanpughi ah ng’thuh haih ci a i kä om ci a tüi sho phung phung cu a mik ah hmuh ah dang yawp ci. Acun ah kyasei mi bilawh, ngaih tüh gui phung cu Khanpughi-am mi ap khai nei.

LUKA 12:2

Küp phung ng’hmawng khai, m’yih phung ng’phleh khai nei.

LUKA 7:44

Bawipa Jesuh naw, “Nang ah ngaih cu hman ci nei,” ci nak ci. Cun kawn ah hnumi lam ah ng’hlat netah, Simon-am, “Shin ah hnumi na hmuk ci ang? Kei cu na im kyong ah ka luh law yah ung khaw m’si nak vai kä na na pek ci. Cun ung shin ah hnumi naw ang phli tui awn ka khaw nam si ne, alusam awn ghu pyi ci nei.

ISAIAH 29:15

Bi vai ami k’bäi Bawipa ah ma ah m’zih vai ah k’tha nak ci gui cu ng’ziin nak gah ci gui! Ngami naw ami k’bäi cu adüm ah bi neta, a u naw kä hmu gui khai abi cu a u naw bi u neta, a u naw kä hmu gui khai abi cu a u naw hmat gui khai ah ngai ci gui.

SAM 55:21

Ani ah ang thu cu suuktui ah hnip pi ci, cun ung phi am lung kyong ah thüi nak om ci; Ani ah angthu cu situi mäih ah a dän ung phi, chim ah mäih ah ghat ci.

SAM 44:21

nang naw akcang ah na hmuk khai sü te, a i ah kyasei ci ung keimi naw düm ah kami ngaih cu nang naw na hmat ci.

SAM 12:2

Chang gui cu tumat naw tumat m’hleei sei; Ami thu a hei, ami ngaih a hei ah kyak ci gui nei.

ATÜNNAK 43:34

Buh cu Joseph ah tawnglang ungka lawh gui ci gui. Benjamin cu a phäi gui ah ta a hma ah däm pi khai ah pek ci gui. Ngami cu Joseph awn a täng ah ei aw ne yeikyai ci gui.

ATÜNNAK 43:24

Changshäm naw ngami cu kyong ah luh püi gui ci. Ani naw tui pe gui sei ami khaw m’si ci gui. Ani naw ami laa phi vuh pe gui ci.

ATÜNNAK 19:2

“Saya goi aw, ka im ah law niä, ka ning khin ah goi khai nei. Na ni khaw m’si niä, a shi ah mü ip neta, angdawt ah tho ne khawngawi ah hteit ba niä” cik ci. Ngani naw, “Ka, kei ni amü pum ung mang gaw ng’lung ung kani om khai nei” cik ci goi.