2 SAMUEL 11:2 - Cho Bible Common Language 2016

² Hnüüp ät ung khaw k’awi nu ung; David cu ang yän nak ungka tho law ne, mang im k’cih khan ah hang kai ci. Ani cu hteit shüi neta tui ng’si ciah hnumi cu hmuk ci. Ani cu ang htei ah kyom ci.

2 SAMUEL 11:2 Referans Kwoze

MATTHE 5:28

Cun ung phi tuhbäi kei ah pyein cu, “Ng’yak nak hlü ah m’lung awn hnumi tumat cu nami teng ah a kyak ung, nami m’lung kyong ah acun ah hnumi awn katnak nami bi pyii ci.

SAM 119:37

A kholä maih ah kyak ci ma nak ungka, na k’pang ne; Na shaitak ah mäih ah na ni kyom püi ä.

1 JOHAN 2:16

M’dek khan ng’yak hlü gui ah kyak ciah shetkat nak awn ng’yak hlü nak, mik awn hmu ne yak hlü nak, khähghah läma nak gui cu Pa Khanpughi ung ka lawk ciah kä kyak ci, khomdek khan ungka lawk ciah kyak ci.

LAMKTU 10:9

Ngami cu hteit gäk gäk u ne, a ngawi ung Joppa gawnu pei ah gawk law ci gui. Cun yah cu kho hnüüp lung yah ah kya sei Peter cu taigü khai ah im kiungah hang kai ci.

NG'THU K'THUUK~ 6:25

Ngami ah kyom nak naw kä ning tüihtok en gui sä, phüvüih ciah ami mik naw kä ning pha en gui sä.

JOB 31:1

Kei naw a i yah ung phi hnumi hta cu ng’yak hlü nak awn kä ka teng khai ah shaitak ka bik ci nei.

1 PETER 4:7

Kho ah khüt nak vai ng’et lawk ci. Nami taigü nak hning vai ah htingling ne cüivai ne nami om vai.

NG'THU K'THUUK~ 31:30

M’däk nak cu lam hma nak ah kyak ci, kyom nak cu ng’kawn khai, cun ung phi Bawipa m’tamkhah ciah hnumi cu m’hlüngtai nak om khai.

THULÄÄN NAK 22:8

“Im thai na cawh ah a kyak ung khan khuih nak ak pei avan ung ng’hteicha khai ah shung ne na pyan vai. Cun ung chang ng’kya ne a sih ung phi nang ah om ah kä kyak khai.

ATÜNNAK 3:6

Cun ah am theih cu kyom ne, ei hlü vai kya ne, cüivai nak vai kyak ciah hnumi naw hmu neta, k’bit ne ei ci, a cei am phi m’bei tu sei, a cei naw phi ei tuk ci.

MATTHE 10:27

Hmüp khui ung ka ning m’thein gui ah ng’thu cu khodei ung nami pyein ba vai. Adüm ah nami ng’yak ah ng’thu cu m’kiung khan ah kai ne nami shäü vai.

JEREMIAH 19:13

Jerusalem ung im gui, Judah ghangpughang gui ah im gui, akcih khan ah aisi gui am ang ui gui m’khih pek nak ah im gui la ahei khanpughi gui sapyit tui kei ne douthak nak gui — cun gui avan cu Topheth mäih ah kä theingthap khai gui.”

NG'THU K'THUUK~ 19:15

Na yum ung dam ne om a, ip a, Cun ung phi ei ah na cawi khai nei.

2 SAMUEL 4:7

Vangtäng ah ngani cu Ishbosheth ah ih khan ah lut ci goi, acu ah ani cu hniim ne ip sei ngawn ci goi. Ngani naw alu m’chün ne, hteh püi ni ne, amü pum hteit ne Jordan khaw nawi kaan ci goi.

ATÜNNAK 34:2

Cun ah khaw uk ciah Hivit pakhui Hamora ah hta Shekhem ami ng’vaipi naw ani cu hmu neta phye ne k’pyei ci.

ATÜNNAK 6:2

Khanchang gui amshah naw cun ah hnumi hta gui kyom u sei hmu gui u neta, ami m’hni phäh phäh chu na ne om püi ci gui.

2 SAMUEL 4:5

Rechab la Baanah cu Ishbosheth ah im ah hteit ne, hnüüp lung ung gawk ci goi, cun yah ung ani cu ng’düm ne ip ci.

1 SAMUEL 9:25

Ngami cu khawihnah nak ungka naw gawnu ah ami yu kyum ba kawn ah ngami naw Saul ah ih

ATÜNNAK 39:6

Potipha naw a khawh avan Joseph am a ap kawn ah, a ei awk ah kawn ah, a khawh a i chü a om ba cu kä hmat ba ci. Joseph cu khüighaat ne a müi phi kyom ci.

MATTHE 24:17

Im kiung khan ah om ciah chang cu im kyong ah khawh la ba khai ah kä lut-en ba sä.

ATÜNNAK 12:11

Egypt khaw ah gawk law vai u neta, Abram naw a chu Sairai am, “Nang cu hnumi kyom ah na kyak ci,

THULÄÄN NAK 5:21

“Chang ah chu, chang ah im, chang ah khaw, chang ah changshäm, chang ah sei me la chang ah khawh, a i phi alä ah kä na ng’yak hlü düt vai.

2 SAMUEL 13:1

David ah hta Absalom ung kä ceimah ciah abe akiom om ci, aming cu Tamar. Ammon, David ah hta a hei tumat naw ani cu m’hni ci.

2 SAMUEL 14:27

Absalom ung a htapa thum la a hta hnumi tumat om ci, aming cu Tamar ah kyak ci, ani cu ang htei ah kyom ciah hnumi ah kyak ci.

NG'THU K'THUUK~ 7:8

Ani cu lam k’täi ung law ne, cun ah mäih hnumi ah om nak m’kawt pei ah gawk lawk ci.