2 SAMUEL 11:16 - Cho Bible Common Language 2016

¹⁶ Cun ah kyasei Joab naw mang gaw ak haai yah ung, ani naw ga da pi k’bäih ciah a hmat nak täng ah Uriah cu tüi ci. Ga gakap gui cu mang gaw ungka lut law ne, Joab ah gakap gui cu tu lawk ci gui. David ah bawi amshah gui cu ngawn gui ci gui, Uriah phi ngawn ci gui.

2 SAMUEL 11:16 Referans Kwoze

LAMKTU 5:29

Peter la apaw gui naw, “Keimi ah ngaih vai cu Khanpughi ah kiak ci, chang ah kä kyak ci.

HOSEA 5:11

Israel cu shedam nak gah ci. Aini naw amät ah ka tu k’cang ah a khaw cu chah ci. A i ah kyasei ci ung ani naw ani am kä pe hning khai ah om nak ah hteit ne m’hteihtang nak cu k’thäh ci.

NG'THU K'THUUK~ 29:12

Uktu naw kä hman ci m’cumcäi nak aläk ah akyak ung bawi gui ami van cu hleeihlak ciah kya yawp ci gui.

2 GHANGPUGHANG GUI 10:6

Jehu naw ca a hei guk ba gui ci: “Nangmi cu kei awn a täng ah nami om ciah a kyak ung, ka ng’thu k’bäi cu nami läk ge khai ah a kyak ung, ngawi ung a shin ah khin ung, Jezreelaa ung, ghangpughang Ahab ah htangshon gui ah lu gui nami na thak law vai nei” cik ci. Ghangpughang Ahab ah htangshon chihkip cu Samaria gawmah gui naw m’htei ne ami om püi gui ah kyak ci.

1 GHANGPUGHANG GUI 2:5

“A i baw om ba mä ci. Na shüm ba khai, Israel gabawi goi Ner ah hta Abner la Jether ah hta Amasa cu Joab naw ngawn goi ne kei ah khan ah bi bik ci. Ng’tuk yah ung ami ngawn tu ah phäh ah dimdeeih yah ung phu tu ne a ngawn gui cu nang naw na shüm ba ci. Ani naw chang ni gui ngawn gui ci, tuhbäi kei naw ani bi cu ka chaw nak ci, acun ah mawng cu kei naw ka yaica nak ci.

2 SAMUEL 11:21

Gideon ah hta Abimelek ami ngawn cu kä nami shüm ba ne ma? Thebez pigaw ung hnumi tumat naw k’pang khan ah kai neta sum lung awn vawi ne a ngawn ah kyak ci nei. A i ah kyasei k’pang nami k’et aih ang? Cun ah ghangpughang naw a ning shi ah akiak ung “Na bawi Uriah phi ngawn ci gui nei, cine na m’thein vai” ciah kyak ci.

2 SAMUEL 3:27

Abner cu Hebron ah gawk law ba khäta, Joab naw amät m’kawt law pei ah khü neta, amät a düm ah ng’htau püi hlük ciah pyen ci, acu ah ani naw a poi ung htei awn shun ci. Cun ah Abner cu ami ngawn, cun cu Joab ah phäi a ngawn ah phäh ah kyak ci.

2 SAMUEL 11:15

Cun ah ca ung, “Uriah cu aktung ah ng’tuk nak pi k’bäih ung hma ne na tüih vai, cun kawn ah gakap gui na ng’hlah sak gui vai, ani ami ngawn vai ah na bi vai” ciah guk ci.

2 SAMUEL 11:17

Ga gakap gui cu mang gaw ungka lut law ne, Joab ah gakap gui cu tu lawk ci gui: David ah bawi amshah gui cu ngawn gui ci gui, Uriah phi ngawn ci gui.