2 SAMUEL 11:11 - Cho Bible Common Language 2016

¹¹ Uriah naw, “Israel la Judah chang gui cu a shaw nak ah ng’tuk bik ci gui, thukhän m’küm cu ngami awn a täng ah om ci; ka gabawi Joab la a bawi gui cu khaw häu ung om ci gui. A i hawkcha ah kei ka im ah hteit ba ne, ei ne aw ne ka chu awn ip düt ne ka om khai aw? Theing cim ciah avan awn, cun ah mäih kei naw kä ka bik khai cine ka ng’gun ci nei!” cik ci.

2 SAMUEL 11:11 Referans Kwoze

2 SAMUEL 7:2

Cun kawn ah ghangpughang naw prophet Nathan am, “Shin ung cedar k’pen awn cawh ah im ung kei ka om ci, cun ung phi Khanpughi Thukhän M’küm cu phung ung gim ah kyak ci!” cik ci.

2 SAMUEL 20:6

Cun ah kyasei ghangpughang naw Abishai am, “Sheba naw Absalom ah ta däm pi ciah yaica nak na pe goi khai nei. Ka chang gui la gui ne a hnu ah läk ä, kä cun ung ani naw khäng ciah gawnu khäm ne, mikmi ungka phyawng khai nei” cik ci.

2 SAMUEL 7:6

Israel chang gui Egypt khaw ungka, ka k’phiawn gui ungka naw tuhbäi ung khüt khai ah, kei cu pum im ung kä ka om phung ci; phung laih laih ung ng’hleh ne ka om ci.

1 SAMUEL 1:26

Hannah naw ani am, “Saya, na ngaih pe ä. Kei cu na na shüm ba ne ang? Kei cu shin ung düi ne Bawipa ah taigü ngä sei, na na hmuh ah hnumi nei.

2 TIMOTHI 2:12

Mikmi ung khüighaat nak a om ah a kyak ung, Mikmi phi ani ung uknak mi gah tuk khai.

JOHAN 13:14

Kei cu nami Bawipa la nami saya ah ka kyak ci, cun ung phi nami kho kam si pyi ci. Cun ah kyasei nami mät gui nami kho nami ng’si tu peit vai.

2 SAMUEL 14:19

Ani naw hnumi am, “Joab naw ning m’cäi naw?” cik ci. Hnumi naw, “Theing cim ci avan awn ka ng’gun ci nei, bawi mang aw, na na ng’shi kä ning m’shang ne hlawi nak vai ah lam kä om ci nei. Akcang ah a i bi vai la a i pyen vai ah na m’cäi cicu na bawi Joab ah kyak ci nei.

1 SAMUEL 25:26

Na ga gui ah khan ah phu tu ne, na ngawn nak gui vai ung ka, Bawipa naw ning k’pang ci nei. Ghing ciah Bawipa ung aktung ah ka pyen cu na ga gui la nang ning hnim hlük ci gui avan cu Nabala ah mäih ah m’kyuk nak gah khai gui nei.

1 SAMUEL 20:3

Cun ung phi David naw, “Nang naw kei a i hlawk ah na na m’hni cu na pa naw hmat ci, a bi vai a pawng püi cu kä na hmat tu vai ah ani naw k’bäi ci nei, a i ah kyasei ci ung nang ang htei ah na thüi khai kiasei. Ghing ciah Bawipa ung ng’tam ne ka ning pyen nak cu, kei sih nak ung ka gawk vai m’khan ät bäng nei hlü ba ci!”

1 SAMUEL 17:55

David naw Koliath tuk khai ah a hteh cu Saul naw hmu neta, gabawi, Abner cu ng’shik ci, “Abner, Ani a u ah hta ang?” Abner naw, “Bawi Mang, kä ka hmat ci nei” cik ci.

1 SAMUEL 14:18

Saul naw taigüpa Ahijah am, “Shawi phaw law pui ä” cik ci. (Cun hnüüp ung cun cu Ahijah naw Israel chang gui ah ma ah kawt ci.)

1 SAMUEL 4:4

Cun ah kyasei ngami naw Shilon ah ng’shä tüi u ne, Hlüngtai ciah Bawipa ah Thukhän M’küm cu lak ci gui. Tüiküi ng’phia mah gui ah khan ah mang kyang ung ngok ci. Eli ah a hta goi, Hophni la Phinehas cu Thukhän M’küm ung ng’gui ne law tuk ci goi.

2 SAMUEL 11:10

Uriah a im ah kä a hteh ba cu David naw ng’ya neta, ani naw ng’shik ci, “Nang ak shou kä na om nak ungka tuhbäi na law ba ci maw, a i ah kyasei na im ah kä na hteh ba ang?” cik ci.

KHEI NAK 32:6

Moses naw, “Nami paw gui Israel gui hteit ne ami ng’tuk yah ung nang mi shin ung nami om hlü düt ci ma?