2 SAMUEL 11:1 - Cho Bible Common Language 2016

¹ Khaw kum ung khaw cing khaw a gawk law ung ghangpughang gui cu ng’tuk nak ah hteit ci gui, cun ah kyasei David naw Joab la a bawi gui la Israel gakap gui cu tüi gui ci; ngami naw Ammonit gui cu tu hnim u ne, Rabbah mang gaw cu khaai ci gui. Cun ung phi David amät cu Jerusalem ah om ci.

2 SAMUEL 11:1 Referans Kwoze

1 SHONTÄP NAK 20:1

A cu kum khawhting khaw ah ghangpughang gui naw ng’tuk ami bi nak man ah khin ung, Joab naw a gakap gui m’thou ne Ammon khaw cu khaai ne tuk ci; cun ung phi Ghangpughang David cu Jerusalem ung om ci. Ngami naw Rabbah mang gaw cu khaai u ne, tu ne, m’di ci gui.

1 GHANGPUGHANG GUI 20:26

A cu kum khocing ung ani naw ak chang gui awn Aphek mang gaw ung Israel gui cu tu law gui ci.

1 GHANGPUGHANG GUI 20:22

Cun kawn ah prophet naw Ghangpughang Ahab ah hteit neta a pyen cu, “Hteit ba ne, na gakap cu k’taigui na be sak vai nei, gein na ne pawng htein vai nei, tawi lawk ciah khaw cing ung Siria ghangpughang naw tu law ba khai nei” cik ci.

THUSHÄUTU 3:8

Ani naw m’hnüt ci, yumhni nak ah khin om ne, thüi gen nak ah khin om ci; ng’tuk nak ah khin om ne, dimdeeih nak ah khin om ci.

2 SHONTÄP NAK 36:10

Kho hting law khäta Ghangpughang Nebukhadnezzar naw Jehoiachin cu pha ne Babilonia ah hteh püi ci, Taigüim ungka khawhcham gui phi hteh püi ci. Nebukhadnezzar naw Jehoiachin ah pukhaw Zedekiah cu Judah la Jerusalem ung ghangpughang ah tha ba ci.

THULÄÄN NAK 3:11

(Ghangpughang Og cu Rephain ung ak hnu bäih ah kyak ci. Ani ah ih phak nak cu lung awn ami pyan, ayun dawng 9, akdang dawng 4, akcang ah ami nüt nak ung lawk ci. Cun cu Ammonit mang gaw Rabbah ung tuh güt om ci.)

EZEKIEL 21:20

Tumat naw Ammonit khaw Rabbah mang gaw lam cu tawk ci, a hei tumat naw Judah khaw khäng htek ciah Jerusalem mang gaw cu tawk ci.

ZEKHARIAH 14:3

Cun kawn ah Bawipa naw hteit ne, cun ah pakhui gui cu, cau a tuk gui man ah mäih ah tu gui khai.

1 SAMUEL 18:30

Philistin gakap gui naw law ne tu lawk ci gui, cun ung phi ami ng’tuk nak päng ung Saul ah bawi gui ah ta David cu näng pi ci. Ak hnu ah David cu ang htei ah mingthang lawk ci.

2 SAMUEL 10:14

Ammonit gui naw Sirian gui ami dawng cu hmu u neta Abishai cu ng’hlah ta ne, dawng ne mang gaw kyong ah gawk ba ci gui. Cun kawn ah Joab cu Ammonit gui awn ng’tuk vai ah a hteh nak ungka, ng’hlat ne Jerusalem ah hteit ba ci.

JEREMIAH 49:2

Cun ung phi mang gaw tung Rabbah ung om ciah chang gui naw ng’tuk nak ah k’aw ami ng’yak vai ah kei naw bi nak vai ah akhin cu gawk lawk ci nei, cun cu m’di neta, pigaw hta gui cu mei awn m’khih m’deih vai nei. Cun kawn ah Israel gui naw lak pe gui te ciah chang gui ah ka ami khaw cu la ba khai gui nei.

JEREMIAH 49:3

Heshbon chang gui, kyap vä! a ih cu m’di pyi ci gui nei! Rabbah hnumi gui thüikyap vä! Sui she sui ne thüisei vä. Ng’gogan ne dawng vä. Nami khanpughi molek cu ak taigü gui la amang hta gui awn atäng ah om ktu ah hteh püi ci gui nei.

AMOS 1:14

Cun ah kyasei kei naw Rabbah mang gaw paang ah khan ah mei ka yuk chah khai, amang paang cu ka m’khih khai. Ng’tuk nak ah khaw hnüüp ung m’lau pyaan nak om khai, ami ng’tawh cu pui khokhi ah mäih ah ng’hmum khai.

SAM 60:9

O Khanpughi, a u naw kei cu mang gaw ng’ai ah na luh püi khai aw? A u naw Edom khaw ah na hteh püi khai aw?