2 SAMUEL 10:16 - Cho Bible Common Language 2016

¹⁶ Euphratis tuinu ah a kiangtäng ah om ciah Sirian gui ah Ghangpughang Hadadezer naw chang tüi sei, ngami cu Helam ah law u ne, Zobah ah Ghangpughang Hadadezer ah gakap bawi Shobach ah ka ah om ci gui.

2 SAMUEL 10:16 Referans Kwoze

1 SHONTÄP NAK 19:16

Sirian gui naw Israel gui naw ami hnim gui vai cu hmat law u neta, Sirian khopäng Tuinu Euphratis ah a kiangtäng ungka gakap gui cu khü gui ne, Zobah Ghangpughang Hadadezer ah gakap ah gakapbawi Shobak ah ka ah tha ci gui.

1 SHONTÄP NAK 18:5

Damaskas ungka Sirian gui naw gakap gui tüi law ne Ghangpughang Hadadezer cu bawm lawk ci gui, cun gui cu David naw tu gui ne chang 22,000 cu ngawn gui ci.

1 SHONTÄP NAK 18:3

Cun kawn ah David naw Hamath kho ah pei Zobah khopäng, Sirian ghangpughang Hadadezer cu tuk ci, a i ah kyasei ci ung Hadadezer naw Euphratis apäng kho cu khäm khai ah ak tha nak ah phäh ah kyak ci.

2 SAMUEL 10:15

Sirian gui naw Israel gui naw ami näng gui cu hmat law u neta, ami gakap gui avan khü ne k’bum ba ci gui.

2 SAMUEL 10:17

David naw cun cu ng’ya neta, Israel gakap gui cu k’bum gui ne, Jordan tuinu hei kat ne, Sirian gui naw ani hmai na ne, ami ng’mah nak Helam ah gawk ci gui. Cun ung tün ne ng’tuk ci gui.

1 GHANGPUGHANG GUI 11:23

Khanpughi naw Eliada ah hta Rezon am phi Solomon cu hnungtuk püi sak ci. Rezon cu amät ah bawi Zobah ghangpughang Hadadezer ungka dawng neta,