2 SAMUEL 10:15 - Cho Bible Common Language 2016

¹⁵ Sirian gui naw Israel gui naw ami näng gui cu hmat law u neta, ami gakap gui avan khü ne k’bum ba ci gui.

2 SAMUEL 10:15 Referans Kwoze

SAM 2:1

A i ah kyasei changpakhui gui naw ng’tuk vai ami ng’bü ang? A i ah kyasei chang gui naw m’yihthuh ne ami bi ang?

HEBRU 11:34

M’gäi ne lawk ciah mei k’hlaw phi m’dim ci gui, khim awn ami sih nak vai ung phi phyawng ci gui. Amik tha ken pang sei phi ak thagui k’ghaat ah mäih ah kyak ci gui, ng’tuk nak ung khüi ghaat u ne a kho hei ah gakap gui phi tu ne näng ci gui.

2 SAMUEL 8:3

Syrian khawpäng Zobah ghangpughang, Rehob ah hta Hadadezer cu Euphratis khaw a siip lam tu ne uk khai ah law khäta, David naw tu ne hnim ci.

2 SAMUEL 10:14

Ammonit gui naw Sirian gui ami dawng cu hmu u neta Abishai cu ng’hlah ta ne, dawng ne mang gaw kyong ah gawk ba ci gui. Cun kawn ah Joab cu Ammonit gui awn ng’tuk vai ah a hteh nak ungka, ng’hlat ne Jerusalem ah hteit ba ci.

2 SAMUEL 10:16

Euphratis tuinu ah a kiangtäng ah om ciah Sirian gui ah Ghangpughang Hadadezer naw chang tüi sei, ngami cu Helam ah law u ne, Zobah ah Ghangpughang Hadadezer ah gakap bawi Shobach ah ka ah om ci gui.

JOSHUA 11:1

Israel gui ah näng nak ah mawng cu Hayor ghangpughang Jabin naw ng’ya neta, Madon ghangpughang Jobab, Shimron la Achshaph ghangpughang gui am ng’thu m’khäh gui ci.

JOSHUA 11:5

Ghangpughang gui ami van ng’dawn u ne, a täng ah law u ne, Merom tuihta ung phung tu u ne, Israel gui tuk gui vai ah pawng ci gui.