2 SAMUEL 10:12 - Cho Bible Common Language 2016

¹² Khüi ghat ne nami thamah vai! Mi chang gui la mi Khanpughi ah mang gaw gui ah phäh ah k’tha na ne mi ng’tuk khai nei. Bawipa naw ang yak hlü ah bi bik khai nei!” cine m’cäi gui ci.

2 SAMUEL 10:12 Referans Kwoze

1 KORIN 16:13

Nami cüivai vai, nami yum nak ung khäng htek sei nami ng’düih vai, nami hlui cang vai, nami k’thamah vai.

THULÄÄN NAK 31:6

Nami m’hnüt bäi vai, nami ngaih gep vai, kä namikyih en gui vai. Nami Khanpughi Bawipa amät cu nangmi awn a täng ah om khai. Ani naw kä ning shum sak gui khai. Kä ning nawng gui khai.”

1 SAMUEL 3:18

Cun ah kyasei Samuel naw a päng m’thein ci; a i hta phi kä m’zih ci. Eli naw, “Ani cu Bawipa nei; ani ung om ciah aknipi phung cu ani naw bik khai nei” cik ci.

HEBRU 13:6

Cun ah kyasei, “Bawipa cu kei nam htei ciah Bawi ah kyak ci, Kei cu kä ka kyikyawk khai. A u naw kei ah khan ah a i bi hlawt khai ang?

NEHEMIAH 4:14

Kei naw chang gui cu ng’ä ai u sei, ka hmu gui ci, cun ah kyasei kei naw ngami, ami ng’vai gui la ami bawi gui ka pyen nak gui cu, “Mi ga gui kä nami kyih en gui vai, bawi cu a i hlawk ah dämduh ne kyih vai kyak ci cicu nami shüm ba vai nei, Nami chang paw gui, nami htanau gui, nami chu gui la nami im gui ah phäh ah nami tuk vai nei.

1 SAMUEL 4:9

M’gäi vä, Philistin chang gui! Chang na ne ng’tuk bi vä, kä cun ung Hebrew gui ah changshäm ah mi kya khai nei, ngami mi changshäm ah ami kyak ah mäih ah. Cun ah kyasei chang na ne ng’tuk bi vä!”

SUKI GUI 10:15

Cun ung phi Israel gui naw Bawipa ah ma ah, “Keimi kami shekak ci nei. Na m’hni ah na ci gui ä, cun ung phi tuhngawi, na bä ni, nah un gui ä” cik ci gui.

1 SHONTÄP NAK 19:13

Khüighat ne k’thamah vai! Mi chang gui la mi Khanpughi ah mang gaw gui ah phäh ah aktung ah mi ng’tuk khai nei. Bawipa naw angyak hlü ah kya sä” cik ci.

JOB 1:21

Ani naw, “Kei cu a i kä law püi ah ka lawk ci, a i kä hteh püi ne ka sik khai. Bawipa Naw na pek ci, tuhbäi ani naw la ba ci nei. Ani ah ming cu m’tamkhah nak om sä!” cik ci.

1 SAMUEL 17:32

David naw Saul am, “Bawi mang aw, “A u naw shin ah Philistin chang kä kyih en sä! Kei naw hteit ne ka tuk khai nei” cik ci.

1 SAMUEL 14:12

Ngami naw Jonathan la chang nong cu khü goi u neta, “Sha law ni ä! Kami ning m’thein goi vai om ci nei” cik ci gui. Jonathan naw chang nong am, “Na läk ä, Bawipa naw Israel gui am ngami ah khan ah näng nak vai pe pyi ci nei” cik ci.

1 SAMUEL 14:6

Jonathan naw chang nong am, “Philistin chang hei gui ah phung ah ni va ng’kat khai. Bawipa naw na m’htei goi hman khai; ana m’htei goi ah a kyak ung kä ma ne, näng nak na pe goi khai, mi ken ung phi a i kä kyak khai” cik ci.

JOSHUA 1:18

Nang ah na huham ng’shithäh ne, na ng’thukbäi api phi kä läk ci phung cu, ngawn vai nei. Khüighat ä, thamah ä!”

JOSHUA 1:9

Na shüm ba vai, kei naw ka ning thumkhän cu, Na khüghat vai, na thamah vai! Kä na kyih vai, na k’tha kä a ken vai, Kei, Bawipa na Khanpughi naw na hteh nak päng ah ka ning om püi ci nei.”

KHEI NAK 13:20

Khonglei ani la singkhu bäng ah a kyak nami teng vai. Ngaih na ne acu ah phung ghing ciah sing ah am theih nami law püi vai.” (Cun sang cu sing theih gui tün ne a up law nak ah a khin ah kyak ci.)

2 SHONTÄP NAK 32:7

“K’thamah ne, nami m’gäi vai, Assirian uktubawi la a gakap cu kä nami kyin en vai. Ani ah huaham ah tah bä pi ciah huham mikmi ung om ci nei.

HEBRU 11:33

Ngami cu ami yum nak awn kho ak khan avan ung tuk bi u ne, näng nak gah ci gui. Ngami cu düng nak awn om u ne, Khanpughi ah a shaitaak cu gah ci gui, kawng hlui ah shai phi m’ghu ci gui.

2 SAMUEL 10:11

Joab naw ani am, “Sirian gui naw na hnim u sei na hmuh ah akiak ung dawng law ne na na gun law vai, Ammonit gui naw ami ning hnim ah akiak ung kei naw law ne ka ning gung lawk khai.

THULÄÄN NAK 31:7

Cun kawn ah Moses naw Joshua cu khü neta, Israel chang gui ami van ah om nak ung a pyen nak cu, “Na m’hnüt bäi vai nei, na ngaih gep vai nei, nang cu shin ah chang gui ah ng’vaihta ah na kyak ci. Shin gui naw cun ah khaw ami khäm vai ah ami pupa gui am Bawipa naw shai tak ci.

2 SAMUEL 15:26

Cun ung phi kei kä ana yei nak ah akiak ung — bäi khaai, ani naw am hni ah kei ah khan ah bi sä” cik ci.

NEHEMIAH 4:8

Cun ah kyasei ngami ami van law ne tu vai, Jerusalem cu tu ne, ng’go gaam khai ci vai ah k’bäi ci gui,

ESTA 4:16

“Hteit ne Jew gui avan Susa ung k’bum gui ä. Ei hlawi ne kei ah phäh ah taigü vä. Hnüüp thum la mü thum ung ei kä nami ei, tui kä nami awk en vai nei. Kei la ka changshäm hnumi hta gui phi acun ah kami bik khai nei. Cun kawn ah shin cu thukhän awn a hnungtuk ung phi, kei cu ghangpughang ah ka hteit khai. Shin bi ah phäh ah sih vai a kyak ung phi ka sik khai nei” ciah kyak ci.