2 SAMUEL 1:8 - Cho Bible Common Language 2016

⁸ Ani naw nang a u ang cine, na ng’shi sei, kei Amalek chang nei cine ka m’thein ci.

2 SAMUEL 1:8 Referans Kwoze

1 SAMUEL 30:17

A ngawi ung khaw ngawi David naw tu gui ne, mühun güt ung ng’tawh püi gui ci. Kalauk ng’cum ne dawng ciah chang nong phia phli kawn ah a u phyawng ci kä om ci.

1 SAMUEL 30:13

David naw ani cu, “Na bawi a u ang? A hawi ka na lawk ci ang?” cine ng’shik ci. Ani naw, “Kei cu Egypt chang, Amalek chang gui ah changshäm nei. Gaw ngäta ka bawi naw ana nawng nak hnüüp thum law lawk ci nei.

1 SAMUEL 30:1

Hnüüp goi alüng kawn ah David la a chang gui cu Ziklak ah law ba ci gui. Amalek gui naw Judah a htum lam cu ang ghit ah tu u ne, Ziklak cu tu nim ci gui. Ngami naw gawnu cu mei awn m’khih u ne,

1 SAMUEL 15:3

Amalek chang gui cu hteit ne tu gui vä, ngami ung om ci phung m’di yawp vä. A i phi kä nami k’pawih nak vai; chang avan pami, hnumi, akhmaw, nau sen; htome, kala uk la ng’sela avan nami ngawn vai.”

1 SAMUEL 27:8

Cun yah ung David la a chang gui naw, cau ä tün ne cun ah khaw ung ana om ci gui ah Keshura, Kirzi la Amalek chang gui cu tu ne näng ci gui. Ani naw ami khaw cu ang ghit ah tu ne, Shura ah khüt ne Egypt ah hteh nak avan cu khäm ne;

KHEI NAK 24:20

Cun kawn ah Balaam naw ang muimang ung Amalekit gui cu hmu gui neta, shin ah ng’cängbang ci: Amalek cu pakhui avan ung hlüngtai pikbäih ci, cun ung phi ak hnu ah angtäi sei m’di nak gah khai.

ATÜNNAK 14:7

Cun kawn ah ng’hlat law ba u ne, Kadesh (Enmishphat ah phi ami pyen) ung gawk law ba u neta, Amalek chang gui ah khaw la Hazazon Tamar ung om ci gui ah Amorit chang gui cu tu ne khäm gui ci gui.

2 SAMUEL 1:7

Ani cu ng’hlat law ne, na hmu neta, na khü sei, ka äi ci.

2 SAMUEL 1:9

Cun kawn ah ani naw, “Law ne na ngawn law ä! Kei cu aktung ah ka leim ci, ka sik khai ah kyak ci” cik ci.

2 SAMUEL 1:13

David naw cun ah thu pyen lawk ciah chang nong cu ng’shik ci, “Nang a hawi ka ang?” Ani naw, “Kei cu Amalek chang nei, cun ung phi nang ah khopäng ung ka om ci” cik ci.