2 SAMUEL 1:26 - Cho Bible Common Language 2016

²⁶ “Nang ah phäh ah ka thüi ci nei, ka phäi Jonathan; Nang naw a i hlawk ah na na m’hni ci ang? Nang ah na m’hni cu i hlawk ah cäi vai ah kyak ci ang, Cun cu hnumi ah m’hni ah ta bä pi ci nei.

2 SAMUEL 1:26 Referans Kwoze

1 SAMUEL 20:17

Jonathan naw David cu m’hni ne shaitak nak bi ci. Jonathan naw David cu amät am’hni ah mäih ah m’hni ci.

1 SAMUEL 23:16

Jonathan cu a cu ah hteit neta, Khanpughi ah ngäng m’htei nak ah mawng a ngaih gep vai ah k’thamah nak pek ci.

1 SAMUEL 20:41

Ak hmaw a hteh ba kawn ah, David cu lung pum gui ah hnu ung ka tho law ba ne, m’khukdong ne, m’dek ung thum vei kawp ne khawihnah ci. Ani ni hnih cu kyap ni ne, ng’ui tuk ci goi; David ah thüi cu Jonathan ah ta tä pi ci.

1 SAMUEL 19:2

ci, cun ah kyasei ani am, “Kapa naw ning ngawn khai ah tha nak ci nei. Ngawi ung khaw ngawi na geing nak vai nei; ang shut nak ah ng’thup neta, a cu ah na om cang vai nei.

2 SAMUEL 1:27

“M’gäi ciah gakap gui cu kyuk ci gui, ami li khim cu nawng shüt u sei, akholä ah kyak ci nei.

NG'THU K'THUUK~ 18:24

Am shah ah khawtsheng nak cu tawi aih ci, Cun ung phi teihpüi amshah cu phäi nau ah ta hläkhäm pi ci.