2 SAMUEL 1:23 - Cho Bible Common Language 2016

²³ Saul la Jonathan cu cäi vai ah ng’khawt ni ne; a täng ah ghing ne, a täng ah sik ci goi; Ngani cu ghui langta ah yangkhai pi ne, phongkawng ah gai pi ci goi.

2 SAMUEL 1:23 Referans Kwoze

JEREMIAH 4:13

Teng vä, ga gui cu khongmei ah mäih ah lawk ci gui nei. Ami ng’tuk nak ah yatha gui koiphak ah mäih ah kya ne, ami ng’she gui cu hmu zong ah ta zangkhai tuba ci mikmi cu mi mäih pyi ci! Mi ng’ziin pyi ci nei!

SUKI GUI 14:18

Cun ah kyasei ak hnüüp chih hnüüp, Samson kyong ah kä ah luh bap ha ung, mang gaw ung chang gui naw ani am, “Khoi lutui ah ta tui tu ba ci a i om khai ang? Phongkawng ah ta gai tu ba ci a i ang?” ciah pyen nak ci gui. Samson naw, “Kei ah ka seipat am kä nami bi thon vai sü ung, Tuhbäi m’hlan ne kä nami hmat khai sü te” cik ci.

NG’ÄI KYAH 4:19

Hmu ah mä yaangkhai pi ne khomik ungka naw m’tawn ci gui, ngami naw na gawt gui ci gui. Ngami naw khogui gui ung na mi neh na läk gui ci gui, ngami naw cäicat vai ah khong’kiang ah na la gui ci gui.

NG'THU K'THUUK~ 30:30

phongkawng khisa avan ung gai pikbäih ci, a i phi kä kyih ci.

JOB 9:26

Ka ghin kho hnüüp gui cu gai pi bäih ciah htinpaw ah mäih la, m’hmu naw vi a lawh law ung a yawng phäi law ah mäih ah dawng ci.

1 SAMUEL 18:1

Saul la David cu ng’htau yawp ci goi. Cun kawn ah Saul ah hta Jonathan naw David cu yei na aih neta, amät naw amät am hni ah mäih ah David cu m’hni ci.

THULÄÄN NAK 28:49

Khomdek ak cawi ah ka nang mi ning hnungtuk püi gui khai ah pakhui cu Bawipa naw law püi khai. Cun ah pakhui ah ng’thu cu nangmi naw kä nami hmat khai. Ngami naw hmu kiung ah m’tawn ah mäih ah ning m’tawn gui khai gui.

1 SHONTÄP NAK 12:8

Shin gui cu Kad pakhui ungka mingthang ne hmumhat ciah gakap gui. David cu bungpuk mangpang ung a om yah ung David ah gakap ung ng’dawn lawk ci gui ah kyak ci. Ngami cu shawi la k’htei bi nak ung bi thei aih u ne, phawngkawng ah mäih ah kyih vai kya u ne, kigang ah mäih ah patyaang ci gui.

2 SAMUEL 23:20

Benaiah, Jehoiada ah hta, Kabzeela ah ka cun phi mingthang ciah gakap tumat ah kyak ci; ani naw m’gäi ne akda bik ci, cun ung dämduh ci goi ah Moabit gakap hnih a ngawn nak phi mingthang ci. Hnü ät ung khüi bawk ciah khaw ngawi ung khui ung yu lut ne phongkawng yu ngawn ci.

1 SAMUEL 20:2

Jonathan naw, “Khanpughi naw nang na sih vai cu ma nak ci! Kapa naw abi päng vai küikyang ci phi na m’thein ci, shin ah mawng ani naw kä na m’zih khai, cun cu kä hman ci nei!”

2 SAMUEL 2:18

A cu ah om ci gui ah Zeruiah ah hta thum cu: Joab, Abishai la Asahela ah kyak ci. Asahela, kigang ah mäih ah dawng m’khüt ci naw,

2 SAMUEL 1:24

“Israel hnumi gui Saul ah phäh ah thüi kyap vä! Ani naw bämang päsui, ning m’sui gui ne, ghui la pyü lung ning m’awi gui ci.

SOLOMON NG’Ä~ 5:16

Ani ah m’gawng cu ng’ui hlü vai ah tui ci; Ani ah amawng nü naw kei cu na k’pang ci. Kei ah ka m’hni cu shin ah mäih ah kyak ci nei, Jerusalem hnumi gui aw.