2 SAMUEL 1:21 - Cho Bible Common Language 2016

²¹ Kilboa khaw m’htung gui ah khaw kä aa en sä, khlüitui kä baw en sä; ami lou ung angtäi ah khaw käu sä! A i ah kyasei ci ung chang m’gäi ah shawi gui cu acun ung thüi ne yung kyak ci; Saul ah shawi phih situi awn kä hluk ba nei.

2 SAMUEL 1:21 Referans Kwoze

1 SAMUEL 31:1

Kilboa M’htung ah Israel gui cu Philistin gui naw tu gui ci gui. Israel chang gui akda cu ami ngawn gui, k’pawih ba ci gui la ghangpughang Saul la a hta gui cu dawng ci gui.

ISAIAH 21:5

Ka muimang ung müei cu ami pyan pyi ah kyak ci; khin gui ami ngoh nak vai ah phla-phak gui cu phah pyi ah kyak ci. Ngami cu ei awk ci gui. Ang ghit ah thukbäi gaw lawk ci, “Bawi gui aw! Nami shawi gui m’shei ge vä!”

1 SAMUEL 10:1

Cun kawn ah Samuela naw, Olive situi um cu la ne, Saul ah alu shawi ne, ani cu ng’ui neta, “Bawipa naw nang cu ak chang Israel gui uktu ah ning phyuh theh ci nei. Nang naw ani ah chang gui cu uk gui ne, ami ga avan ung na shung vong gui vai. Shin cu Bawipa naw ak chang gui uktu ah a ning ghü ah mawng sak si m’dang nak ah kyak ci nei.

JOEL 2:14

Bawipa nami Khanpughi naw amlung thawng ei hman khai bämang ciah geit kaw awn hriham ning pe gui khai nei. Cun ung nangmi naw htang la sapyit tui nami douthak hning khai.

JOEL 1:9

Taigüim ah douthak vai htang la sapyit tui kä om ci nei, Bawipa am ami douthak vai kä om sei, taigü gui thüikyap ci gui.

EZEKIEL 31:15

Shin cu uktu Bawipa ah ng’thu pyen nei: “Sihnak ah khaw ah cun ah sing ghing a hteh hnüüp ung, thüisei nak m’hnüt nak ah khomdek ka ah tui gui cun cu küm khai ah kei naw ka cik khai. Kei naw tuinu gui cu ng’düm sak ne, tuihta gui cu kä ka lon ba sak khai. A i ah kyasei ci ung sing ghing cu si pyi ci, kei naw Lebanon khomhtung gui ah khan ah hmüp nak cu law püii ne, bung ah sing ghing avan cu ka ng’yai sak khai.

ISAIAH 5:6

Kei naw cun cu khumgho she gui awn kakdüi sak khai. Kai naw kä ka k’hteiuh pyang khai, m’dek kä ka k’seisan khai; ng’hling nu, ng’hling hta gui awn ka küm khai. Ani ah khan ah khaw kaa kä kya lawk khai ah khaw mei gui phi ka maa nak khai” cik ci.

1 SHONTÄP NAK 10:8

Ami ng’tuk ah a cituh hnüüp, Philistin gui naw sik ci gui ah khawh gui lak khai gui ah law u neta, Kilboa M’htung ah Saul la a hta gui ah gook cu hmuk ci gui.

1 SHONTÄP NAK 10:1

Philistin gui naw Israel gui cu Kilboa M’htung ung tu gui ci gui. Cun ung Israel chang akda ngawn gui ci gui, Ghangpughang Saul la a hta gui ni, k’pawih ba ci gui ni cu dawng ci gui.

SUKI GUI 5:23

Bawipa ah khanchang naw, “Meroz cu plah taam vä, plah taam vä, acun ung om ci gui cu plah taam gui vä. Ngami cu Bawipa bawm khai ah kä lawk ci gui, ani ah hmawk ah ng’tuk bik khai ah gakap ah kä kyak ci gui.

SOLOMON NG’Ä~ 4:4

Na hnügawn cu tänghän ah mäih ah kyak ci, äh awi gui cu shawiphaw phia khak veing ne bah ah mäih ah kyak ci gui, cun gui cu ng’veing ne ng’mi ci gui.

1 SAMUEL 31:8

Ami ng’tuk nak ah a cituh hnüüp, Philistin gui naw gook ung ka ami khawh lak khai gui ah law u neta, Saul la a hta gui thum ah pumsa gui cu Kilboa M’htung ah hmuk ci gui.