2 SAMUEL 1:2 - Cho Bible Common Language 2016

² A ngawi ung Saul ah phung ung ka chang nong tumat gawk lawk ci. A thüi am dang nak ah, a sui gui cu shum ne, alu ung m’dek awn bu ci. Ani cu David ah hteit ne m’dek ung bop ne chang m’sui ci.

2 SAMUEL 1:2 Referans Kwoze

1 SAMUEL 4:12

Benjamin pakhui ung ka chang tumat cu ng’tuk nak ah hmun ung ka Shilon ah khüt ne dawng law ba ci, a cu hnüüp gawk law ba ci. A thüi aih am dang nak ah, a sui k’teek ne, a lu khan ah m’dek tha ci.

2 SAMUEL 4:10

Chang tumat cu Ziklag ka law ne, Saul ah sih ah mawng na m’thein law ne, ng’thu ni pyen lawk ciah ng’ngai ci. Kei naw ani cu kaih ne ka ngawn sak gui ci. Cun cu ani naw a nam thein law ah phäh ah kei naw m’cümhnah nak ka pek ah kyak ci!

1 SAMUEL 25:23

Abigail naw David cu hmu neta, ang ghit ah m’dek ung kyum ne,

JOSHUA 7:6

Joshua la Israel ng’vai gui cu ami sui k’teek ne thüi u ne, Bawipa ah Thukhän M’küm ah ma ah kawp u ne, ami thüi ami m’dang nak ah m’vut awn ami lu bu u ne, mühun güt acun ung ng’yän ci gui.

THU PHLAAN 3:9

Ngai vä! Keimi cu Jew chang nei cine hleei ci gui ah Satan ah chang gui cu na khaw kaa ah kawp ne ka ng’phah sak gui khai. Kei naw ka ning m’hni gui cu ami van naw hmat khai gui.

MATTHE 16:21

Cun ah akhin ung tün ne Bawipa Jesuh naw ang düihpüi gui am akdei angdang ah am thein gui cu, “Kei cu Jerusalem ah hteit ne, pum im ung ang vai gui, taigüpa gui la thukhän saya gui ah kut ung dukdeiu nak ka gah khai, cun kawn ah sih nak ung na gawksak khai gui, cun ung phi ak hnüüp thum hnüüp sih nak ung kaa ka tho ba khai,” ciah kyak ci.

MATTHE 12:40

Jonah cu nganu ah puk khui ah hnüüp thum la mü thum a om ah mäih ah, chang ah Htapacun phi m’dek khui ah hnüüp thum la mü thum om khai nei.

JOEL 2:13

Nami m’lung ah payak nak naw nami thüi nak cvu m’dang sä; nami sui nami k’teh düt cu kä bä khai nei.” Bawipa nami Khanpughi ah law ba vä. Ani cu m’hni nak la chim gein nak awn be ci nei; ani cu hnimgei ne a shaitak paang ci nei; ani naw angtäi sei ning geinsei gui ge ci, kä ning m’kyuk gui ci.

HOSEA 6:2

A hnüüp goi thum ung ani naw na dou ba sak gui khai. Ani ah ma ah mikmi cu ghing ne mi om khai.

SAM 66:3

Khanpughi-am, “Na bilawh gui cu cäicat vai ah kyak ci nei! Na huham cu däm ciah ci nei, Na gaa gui naw ning kyih u ne na ma ah kawp ci gui nei.

ESTA 5:1

Ei a hlawi nak ah a hnüüp thum hnüp ung Esther naw mangnu ah suinu sui neta, mang im ah akyong täng chagä ung hteit ne mang kyang ah kyong täng ah mang ne ng’düi ci. Ghangpughang cu kyong ah valuh nak täng ah mang ne mang kyang ung ngok ci.

ESTA 4:16

“Hteit ne Jew gui avan Susa ung k’bum gui ä. Ei hlawi ne kei ah phäh ah taigü vä. Hnüüp thum la mü thum ung ei kä nami ei, tui kä nami awk en vai nei. Kei la ka changshäm hnumi hta gui phi acun ah kami bik khai nei. Cun kawn ah shin cu thukhän awn a hnungtuk ung phi, kei cu ghangpughang ah ka hteit khai. Shin bi ah phäh ah sih vai a kyak ung phi ka sik khai nei” ciah kyak ci.

2 SAMUEL 15:32

David cu m’htung lai ah hang gawk khäta, a cu ah khawihnah nak hmun om ci, a cu ah ang ngaih u ah teih püi Archit chang Hushai cu, a sui shum ne, a lu khan ah m’dek khui tha ne, ani dou khai ah lawk ci.

2 SAMUEL 14:4

Hnumi cu ghangpughang ah hteit ne, m’dek ung m’khukdong ne, chang m’sui neta, “Na m’htei htang ä, ka Bawi mang!” cik ci.

1 SAMUEL 20:41

Ak hmaw a hteh ba kawn ah, David cu lung pum gui ah hnu ung ka tho law ba ne, m’khukdong ne, m’dek ung thum vei kawp ne khawihnah ci. Ani ni hnih cu kyap ni ne, ng’ui tuk ci goi; David ah thüi cu Jonathan ah ta tä pi ci.

1 SAMUEL 4:16

Cun ah chang naw, “Kei cu ng’tuk nak ung ka, ka phyawng lawk ci, acun ung ka alam pum tuhngawi ka dawng lawk ci” cik ci. Eli naw, “A i ah kyak ci ang, ka hta?” cine ng’shik ci.

ATÜNNAK 43:28

Ngami naw, “Na chang, kami pa cu ghing ci nei, gai ci nei” ci u neta kawp ne m’khukdawng ci gui.

ATÜNNAK 37:34

Jakob cu a sui suut ne, ng’yuu sui sui ne, a hta ah phäh ah thüi kyap ci.

ATÜNNAK 37:29

Reuben naw Joseph cu teng law ba sei khui ung kä om ba khäta, a sui shum ne azä ci.

ATÜNNAK 22:4

A hnüüp thum hnüüp cun ah hmun cu Abraham naw dan ne hmuk ci.

2 SAMUEL 1:3

David naw, “A hawi ka na lawk ci ang?” cine ng’shik ci. Ani naw, “Israel gui ah phung ungka, ka phyawng lawk ci ne” cik ci.

EZEKIEL 27:30

Ngami ami van cu nang ah phäh ah thüi kyap aih ci gui, ami lu khan ah m’vut khui bu u ne m’vut ung ng’tah ci gui.

2 SAMUEL 13:19

Tamar cu alu ung m’vut awn bu ne, a suinu k’teek ne, a hmai bawm ne, kyap ne dawng ba ci.

2 SAMUEL 24:20

Araunah naw yuk teng neta, ghangpughang la a bawi gui, ani ah ami law cu hmuk ci. Ani cu David ah ma ah m’dek ung va ng’phäi neta,