2 SAMUEL 1:10 - Cho Bible Common Language 2016

¹⁰ Cun ah kyasei kei naw hteit ne, ani cu ka ngawn ci, a i ah kyasei ci ung ani cu a kyuk nak ung sik khai ah kei naw ka hmat ci. Kei naw alu ungka a lukhu la akut ungka ak htau nak cu la ne, ka law püi ci nei bawi aw” cik ci.

2 SAMUEL 1:10 Referans Kwoze

MATTHE 7:2

Chang nami m’khoi chaa ah mäih ah Khanpughi naw ning m’khoi chaa gui khai. Chang nami m’khoi chaa nak ung nami bi ah mäih ah Khanpughi naw nami khan ah bi bik khai.

SUKI GUI 9:54

Ani naw ang ghit ah ani ah li-chim kawt ciah chang nong tumat cu khü neta, “Na khim yu phawng ne, na ngawn ä. Hnumi naw ana ngawn ah chang naw a pyen vai kä ka ng’ya hlük ci nei” cik ci. Cun ah kia khäta chang nong naw k’dauh sei ani cu sik ci.

2 GHANGPUGHANG GUI 11:12

Cun kawn ah Jehoada naw Joash cu luh law püi ne, a lu ung mang lukhu k’bün ne, ghangpughang ah kawh ah thukhän ca cu pek ci. Cun kawn ah Joash cu phyuh theh ne ghangpughang ah ng’shäu ci gui. Chang gui naw ami m’ya k’phyawk u ne, “Ghangpughang a ghin kho ng’shäi sä!” cine m’lau ci gui.

NG’ÄI KYAH 5:16

Keimi kami khähghah nak ungka, a i phi kä k’pawih ci nei. Keimi cu hmaka u ne tuhbäi kami ng’yiin ci.

2 SAMUEL 12:30

Ammonit gui ah khanpughi Molech ah a gup ah alu ungka, ghui lukhu cu David naw lak ci, cun cu ghui pit gha lawk ci, pyülung phi akyong ah om ci. David naw pyülung cu la ne amät ah lukhu kyong ah tha ci. Ani naw mang gaw ung ami guh gui ah khawh ak chün phi lak ci.

1 SAMUEL 22:18

Cun ah kyasei Saul naw Doeg am, “Nang naw ngawn gui ä! ci sei, Doeg naw ami van ngawn gui ci. Cun ah hnüüp ung ani naw shawiphaw kawt hning ciah taigüpa chei-kip-lei-hma cu ngawn gui ci.

SUKI GUI 1:7

Adonibezek naw, “ghangpughang chih kip, ami kutnu la ami khawnu ka m’chün gui cu, ka tawnglang ka ah ei k’bok kawk ne om ci gui nei. Ngami ah khan ah kei naw ka bi ah mäih ah kei ah khan ah khanpughi naw tuhbäi bik ci nei,” cik ci. Ani cu Jerusalem ah hteh püi u sei a cu ah sik ci.

2 SAMUEL 1:9

Cun kawn ah ani naw, “Law ne na ngawn law ä! Kei cu aktung ah ka leim ci, ka sik khai ah kyak ci” cik ci.

2 SAMUEL 1:16

David naw, Amalek chang am, “Shin ah na kyak vai cu na mät naw na law püi nei. Bawipa naw ghangpughang ah a ghü ah chang, na ngawn ciah pyen ne, na ng’kia cu na mät naw na mät na m’kyuk ah kyak ci nei” ci nak ci.