2 PETER 3:9 - Cho Bible Common Language 2016

⁹ Chang amshah ah ngaih ah mäih ah, Bawipa cu a shaitaak ah mäih ah bi abi vai ah kä shokshü ci, chang tumat hta phi kä dimaih ne, chang avan cu cheishoh nak ungka ami ng’hlah law ba vai ah ng’ya hlü ne, hnimgei ne om ci.

2 PETER 3:9 Referans Kwoze

1 TIMOTHI 2:4

Chang nüng cu hun nak gah ne thu düng ami hmat vai ah Khanpughi naw ng’ya hlük ci.

ROMAN 2:4

Kä cun ung Khanpughi ah chimgein nak, m’lung sau nak la hnimgei nak gui cu a i ah kä na sui ci maa! Khanpughi naw nang cu nang yu ba vai ah lam ning m’shüm ne, a ning m’gein ah mawng cu, nang naw akcang ah na hmat ci nei.

HABAKKUK 2:3

Gu ne na gim vai, aküm nak ah khin kä gawk law phak ci. Cun ung phi ka ning m’dang aküm nak vai ah akhin cu ang ghit ah gawk lawk khai. A law nak ung api ah a shokshü ung phi, na gin vai, akcang ah gawk lawk khai, kä hleei khai.

SAM 86:15

Cun ung phi, O Bawipa, nang cu chimgein ci la m’hni ciah Khanpughi ah na kyak ci, angtäi sei, na hnimgei ci, na k’dük ci, na bekhüt ci nei.

ISAIAH 30:18

Cun ung phi Bawipa naw nangmi ning chimgein gui khai ah ning ngäng gui ci nei. Ani cu nangmi ning m’gein gui khai ah om ge ci nei, a i ah kyasei ci ung, a ni cu angtäi sei düngnak bik ciah kyak ci nei. Bawipa ung ngaih gep ciah chang gui cu yeikyai nak om ci nei.

THU PHLAAN 2:21

Kei naw ani ang yu ba vai ah akhin ka pek ci, cun ung phi ani ashet katnak ung kä ng’yu ba hlük ci.

2 PETER 3:15

Kami nau Paul naw Khanpughi ah peit ah cüivai nak awn ca a ning guk law gui ah mäih ah Bawipa ah hnimgei nak cu, hun nak nami gah vai ah lam a ning m’awng peit gui ah mawng cu, nami hmat vai nei.

1 TIMOTHI 1:16

Cun ung phi Khanpughi naw kei cu nam gein ci, cun ah a nam gein ah mawng cu, ngawi ah Bawi Khrih yum ne ghin nak gah ci gui naw ami thei tu vai ah Bawi Khrih naw a hnimgei nak ah a mawng cu, shekak ciah kei awn am dang ah kyak ci.

HEBRU 10:37

Cacim theing ung; “Kä shou pha sei kium lawk khai ah Bawipa cu lawk khai nei; Ani cu kä shokshü khai nei.

PHYAWN NAK 34:6

Cun kawn ah Bawipa naw ama ung law neta am lau cu, Kei, Bawipa, Khanpughi, m’gein nak la m’hni nak awn ka be ci, kä ka m’lungshe yäi ci, dämduh ciah m’hni nak la bekhüt nak ka m’dang ci.

ROMAN 9:22

Khanpughi ah bi cu a shin ah mäih bä ah kyak ci. Khanpughi naw am lung k’she nak cu ng’dang sak ne, a hlüngtai nak cu ang thang vai ah ng’ya hlük ci. Cun ung phi am lung k’she nak ung di maih ci gui ah khan ah ang htei ah hnimgein nak om ci.

ISAIAH 46:13

Kei naw näng nak ah khohnüüp cu ng’et khai ah ka law püi ci nei Cun cu kä shou aih ci nei. Kei ah näng nak cu kä shou aih ci nei. Kei ah näng nak cu kä shou cang khai nei. Kei naw Jerusalem cu ka hun khai a cu ah Israel gui m’tamkhah nak cu ka law püi khai nei.”

PHYAWN NAK 18:23

Cun ah Khanpughi ah thumkhän ah mäih ah na bi ah a kyak ung, na mät phi kä na ng’yom khai, chang gui phi ami ng’cuhcan ng’pyi sei, ami im ah hteit ba khai gui nei” cine pyen nak ci.

1 PETER 3:20

Cun ah mümcha gui cu Noah naw hteinpaw im a cawh yah ung, hnimgein nak awn ngäng gui ciah Khanpughi ah ng’thu cu kä läk ci gui ah kyak ci. Cun ah tui ung hteinpaw kyong ah om ciah chang sing cheit htabäng cu hun nak gah ci gui.

PHYAWN NAK 32:32

Na bä ni, ami katnak m’geinsei gui ä; kä na m’gein gui vai ung, na chang gui ah ming na guk nak ah ca-uk ung kei ah ming cu na pheng vai nei” cik ci.

PHYAWN NAK 33:11

Chang naw ateihpüi ang htau püi ah mäih ah Bawipa naw Moses cu hmai ng’chum ne ng’htau püi ci. Cun kawn ah Moses cu hmun im ah law ba ci. Cung phi ani bawm tuk ciah chang nong Nun ah hta Joshua cu phung ah kyong ah om shüt ci.

SAM 77:8

A na m’hni nak gui ng’pyi sak khai ma? A shaitak cu kä om ba khai ma?

THUSHÄUTU 8:11

A i ah kyasei chang gui naw ang ghit ah cawipang nak cu ami bi ang? Cawipang nak cu ang ghit ah kä ami m’kyuk ah phäh ah kyak ci.

EZEKIEL 33:11

M’thein gui vä, akcang ah kei, uktu Bawipa, Ghing ciah Khanpughi cu, katnak bik ciah chang a sih ka hmuh ung kä ka yei ci nei. Katnak nawng ne ghing ci va kei naw ka hmu hlük ci nei. Israel gui, akshe gui nami bi cu m’düm vä. A i ah kyasei nami sih hlü ang?

DANIEL 4:29

Cha gha lei-goi lüng khäta, ani cu Babilon khaw mang-im khan ah a hteh hton yah ung,

ROMAN 13:11

Nang mi cu nami ih nak ungka nami thawh nak ba vai ah a khin gawk law ciah nami hmat pyi ci kya sei, ng’yumhni tu ne nami om vai. A i ah kya sei ci ung mikmi naw hun nak mi gah nak vai ah khaw hnüüp cu, mi yum law nak htük ah mä, ang et law pi k’täi ah hmawk ah kyak ci.

ROMAN 13:12

Khaw ah mü nak ng’pyi law ne, khaw cu thai law ghi ghi ci nei. Cun ah kya sei mikmi cu, hnüp khui ah ng’yak hlü ah om ih nak gui cu mi nawng shüt ne, akdei ung gaa tuk nak vai ah li khim cu mi pawng püi khai nei.

2 PETER 1:4

Acun ah ang htei ah hlüngtai ci la küikyang ciah m’shumphyuk shaitaak cu na pe gui ci. Cun ah m’shumphyuk nak awn nang mi cu, khomdek khan ah shetkat dimaih nak cu phiawn nah u ne, Khanpughi ung nami ng’yung tu ba ci.