2 PETER 3:8 - Cho Bible Common Language 2016

⁸ Cun ung phi teih püi gui aw, tumat kä nami m’hnih vai cu, Bawipa ung kho hnüüp ät la khokum phia-ghaa cu ang lak kä om ci, a täng ah kyak ci.

2 PETER 3:8 Referans Kwoze

SAM 90:4

Kho kum phia gha cu nang ah ma ah hnüüp ät ah mäih ah kyak ci; cun cu ng’pyi pyi ciah zan ta ah mäih, Khomü ät ung nayi ät hta ah mäih ah kyak ci.

ROMAN 11:25

Phäi nau gui aw, nami mät naw nami mät kami hmuhmat tei pyi ci, ciah kä nami ngaih en vai ah thuuk ne ng’kau ciah a mawng cu ka ning m’thein gui hlük ci. Cun cu, Jew chang gui cu angtäi sei ang laam khai gui ah kä kyak ci, Khanpughi ah lawk khai ah khui hei chang gui ami ng’küm ung khüt khai ah kyak ci.

1 KORIN 12:1

Tuhbäi ca guh ne nami na ng’shi ah Mumcha Theing ah m’cümhnah nak ah mawng, ka ning m’thein gui khai. Phäinau gui aw, cun ah a mawng cu akcang ah nami hmat vai ah ka ng’ya hlük ci nei.

1 KORIN 10:1

Phäinau gui aw, Moses ng’vaipi ciah mi pupa gui ung dang ciah a mawng gui cu ka ning shüm ba sak gui hlük ci. Ngami cu khawmei naw kphiawn nak gui ah ka ung, Tuisen Tuinu cu ghing phyawng ne kat law ba ci gui.

2 PETER 3:1

Teihpüi gui aw, shin ah ca cu ak hnih vei nak ka ning guk law gui ah kyak ci nei. Shin ah caguk ani nik hnih ung, shin ah mawng gui cu shüm ba ne, nami m’lung ngaih theing sei,