2 PETER 3:4 - Cho Bible Common Language 2016

⁴ “Ani lawk khai ah shaitak ci, kä law ne ma? A hawi ang ani? Kami pupa gui cu si yawp pyi ci gui, cun ung phi a päng avan cu, khomdek ang tüi law sang ungka ah mäih bä ah om ci gui nei,” ci ne ning kyak na gui khai gui.

2 PETER 3:4 Referans Kwoze

JEREMIAH 17:15

Chang gui naw na pyen nak cu gui, “Bawipa naw hnungtuk ne ana ng’li ng’pyaan nak gui cu a hawi ang? Tuhbäi cun gui cu bi law cang sä!”

MALAKHI 2:17

Nangmi cu ng’thu m’da ne Bawipa cu nami cümbawng sak ci. “A i hawkcha ah chang kami cümbawng sak?” cine phi nami ng’shik ci. “Hlüngtai ciah Khanpughi naw, ak she bik ci gui cu nik ciah ngai ne m’hni gui ci” cine phi nami kyak ci. M’khoichak ciah Khanpughi cu a hawi ang?” cine phi nami kyak ci.

LUKA 12:45

Cun ung phi cun changshäm khawngmang cicu ka bawipa kä law ba yäk khai cine ngai ne, abü bü ei-aw ne ak changshäm hnumi pami gui, m’ghuih teeuh gui ne a kyak ung,

THUSHÄUTU 8:11

A i ah kyasei chang gui naw ang ghit ah cawipang nak cu ami bi ang? Cawipang nak cu ang ghit ah kä ami m’kyuk ah phäh ah kyak ci.

MATTHE 24:48

Cun ung phi cun ah changshäm cu changshe ah a kyak ung, ka bawi kä law ba yäk khai shou ba cang khai ci ne,

1 THESSALONIAN 2:19

Bawipa Jesuh a kyum law ba hnüüp ung, Bawipa ah ma ah nangmi ah mawng näng nak bäng pyein ne keimi kami ng’düng nak vai om ci. Cun kawn ah nangmi cu chang a hei gui ah kä nami ng’neim pi ci, nangmi cu keimi ah ngaih u nak la längtang nak ah nami kyak ci.

ATÜNNAK 19:14

Lotah cu a hta hnumi gui ah cei gui vai ah om nak ah hteit neta, “Ang ghit ah ng’düi law vä, shin ah gawnu ungka mi dawng khai nei, Bawipa naw shin ah hmun cu m’di lawk khai nei” cik ci. Cun ung phi ngami naw a hleei ah ngai ci gui.

MAKUH 13:19

Khanpughi naw khomdek a tüi pyan ung tün ne, a i yah ung phi shin ah mäih yaica nak cu, a u naw kä awt man ci, ngawi ah phi a u naw kä bui awt ba khai.

THUSHÄUTU 1:9

A yan kya man cicu kya ba mä khai. A yan bi bi man cu bi ba mä vai kyak ci. Khomdek khan avan ung akthai a i kä om ci.

THU PHLAAN 3:14

“Laodicea Khrithabum ah khankho chang-am ca gu ne peit law nei: “Shin ah ca cu Khanpughi ah tüisho gui ung om-maa ah kya ne, bekhüt ne, saksi akcang ah kyak ciah Amen ah m’cäi nak ah kiak ci.

EZEKIEL 11:3

Ngami naw pyen ci gui, “kä shoupha sei im gui mi co ba khai. Shinah mang gaw cu ei-shon k’amawn täng ci, mik cicu akyong ah meh awn mi täng ci, ani naw mei ung na shungvong gui ci.

MAKUH 10:6

Cacim ung om ciah mäih ah ak htük ung Khanpughi naw pami la hnumi cu tüisho ci.

MATTHE 24:28

“Chang si gui ah om nak ah langta gui ng’bum khai gui nei.

MATTHE 16:27

Chang ah Htapa cu apa Khanpughi ah bämang nak awn ak khankho chang gui awn a täng ah kyum lawk khai. Cun kawn ah chang gui-am, ami mät ah om ih ah ciah, m’cümhnah nak cu pe gui khai.

MATTHE 16:28

Kei naw akcang ka pyein cu, shin ung om ciah chang avan kä a sih pha ung chang ah Htapa cu Ghangpughang ah kya ne law ba khai nei” cine m’cäi gui ci.

LAMKTU 7:60

Ani cu m’khuukdoong netah, “Khanpughi awi, shin ah chang gui ah ami katnak cu m’gein gui ä” ci neh ak’aw m’can neh m’lau netah kät lawk ci. Saul cu Stephen ngawn vai ah yum tuk ciah chang ah kyak ci.

2 PETER 3:12

Khankho cu mei naw m’khih sei dimaih ne, khankho pumsa a phiäp nak vai ah Khanpughi a hnüüp gawk lawk khai cine, k’tha nah ne nami ngäng yah ung, nami ghin nak cu theing cim sak ne Khanpughi ah nami ng’ap vai nei.