2 PETER 3:11 - Cho Bible Common Language 2016

¹¹ Cun ah a päng avan a dimaih yawp ah a kyak ung, nangmi cu a i mäih ah chang ah kya ne nami om khai ang?

2 PETER 3:11 Referans Kwoze

1 PETER 1:15

Ning khü gui ciah Khanpughi cu theingcim ci kyasei, nami bilawh phung cu theingcim sä.

PHILIPPIAN 1:27

Tuk bäi ak küikyang pi cu Bawi Khrit ah Thu Ni awn ng’müi khai ah nami ghin om vai ah kyak ci. Cun ah kya sei kei ka law ba hlawt ung phi, kä ka law ba hlawt ung phi, Thu Ni yum nak ung, tumat ah khäng khai ah m’lung ngai u ne, ng’bü nak ung tumat ah htek khai ah ng’düi u ne, khüighaat ne nami kyak ah mawng cu ka ng’ya hlük ci nei.

1 PETER 2:12

Bawipa kä yum ci gui naw nangmi cu ak she nami bik ciah ami ning k’bün gui ung phi, kä yum ciah chang gui ah lung ah akni ah nami om vai. Bawipa a kyum law ba hnüüp ung nangmi ah nikiom nak cu hmu u ne, Khanpughi ami m’hlüngtai vai ah cun ah nami bi vai nei.

2 PETER 3:12

Khankho cu mei naw m’khih sei dimaih ne, khankho pumsa a phiäp nak vai ah Khanpughi a hnüüp gawk lawk khai cine, k’tha nah ne nami ngäng yah ung, nami ghin nak cu theing cim sak ne Khanpughi ah nami ng’ap vai nei.

1 TIMOTHI 6:11

Nang läi cu Khanpughi ah chang ah na kyak ci kya ne, shin ah shekha gui avan na hlawi vai nei. Düngdau nak, yum thei nak, yumnak, m’hni nak, hnimgei nak, ng’awigii nak gui awn kümbe vai ah nak tha nak vai nei.

JAMES 3:13

Nangmi ungka cüivai ne hmuhmat ciah chang tumatmat a om ah a kyak ung, akni ah aghin nak la akni ah a om ih nak cu m’lung neim nak la Lulang nak awn dang sak sä.

PHILIPPIAN 3:20

Mikmi cu khan im gaw chang ah mi kya u ne, khankho ah kaa mi Hunbawi Jesuh Khrit a kyum law vai cu mi ngäng ci.

ISAIAH 34:4

Hni la cha ni, aisi gui cu m’vut ah khai gui. Khan kho mik cu k’sho ah mäih ah ng’tho ne maih khai, aisi gui cu, thei sing, käcung sapyit ung ka a hnah gui a kiawi ah mäih ah kiawi khai gui.

ISAIAH 14:31

Philistin mang gaw gui avan, ning m’hteihtang gui khai, kyap ne khü vä! Nami van kyikyawk vä! Khameiah thawk ciah m’vut cu a siiptäng ah ka lawk ci nei — Cun cu chang kyi kä ng’caw ciah gakap ma ät ah kyak ci nei.

2 PETER 1:3

Khanpughi naw akcang ah yum nak awn mi ghin vai ah, khankho hlüngtai nak awn mi ng’yak hlü phung cu, na pe gui ci, cun cu Bawipa hmuhmat Lulang nak awn, amät ah bämang nak la nikiom nak mi gah vai ah na khü gui ciah Bawipa ung a na peit gui ah kiak ci.

1 TIMOTHI 6:3

Hngihnga ciah yum nak m’theithang ne, Bawipa Jesuh Krih ah thu düng la mi yum nak ah m’theithang nak,

1 TIMOTHI 4:12

Nang cu na hmaw ci kyasei a u naw kä a ning kahta nak-en vai ah na om vai nei, nang’thu, na om, m’hni nak yum nak la ciimvai nak ung, yum ciah chang gui ami thei tu vai ah na om vai nei.

MATTHE 8:27

Ang düihpüi gui cu cäicat u netah, “Shin ah chang cu a i chang leng leng ang, khokhi tui ng’hnawk naw phi ang thu ngai ci nei,” cine kyak ci gui.

SAM 75:3

Ak ghing gui avan ng’thüng u ne, khomdek amät thüng sei phi, a phung ang yung cu kei naw ka htek sak khai nei.

SAM 50:23

M’hlüngtai nak khawihnah ne bik ciah chang cu, kei na m’taam khah ciah kyak ci, kei na läk ciah chang phung cu akcang ah ka hun khai nei.

JAMES 1:24

Hman a teng yah ung amüi kyom ciah ngai ci, cun ung phi, a hei ah a hteh ba kawn ah amüi cu kä shüm ba ci.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

1 THESSALONIAN 1:5

Keimi naw ng’Thu Ni ka mi ning thak law gui cu, thu m’gawng bäng awn ah kä kyak ci, hlüngtai nak, Mumcha Theing la düng nak kümbe ciah yum nak awn ah kyak ci. Keimi cu nangmi awn atäng ah kami om yah ung a i ah kami om cu nami hmat ci; cun cu nang mi ah ni kyom nak vai ah kyak ci.

1 TIMOTHI 6:6

A mät ung om ci awn bä khai ah ngaih gep ciah chang cu, a yum nak naw bühmang nak pek ci.

ISAIAH 24:19

M’dek cu teek ne, ng’phiäk ne, ng’bou neaang khai.

2 PETER 1:6

nami Lulang nak cu htingling nak awn, htingling nak cu khüighaat nak awn, khüighaat nak cu Khanpughi ung bä nak awn,

HEBRU 13:5

Ngui ng’ya hlü aih ne kä nami ghin vai, nami mät ung om ci awn nami ng’büh vai. A i ah kyasei ci ung Khanpughi naw, “Kei naw nang cu kä ka ning hteh ta phung khai, kä ka ning nawng phung khai,” cine a pyein ah hmawk ah kyak ci.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

SAM 37:14

Changshe gui naw dukhaih ci la geinvai ci ami ngawn nak vai la düng ciah chang gui ami ah nak vai ah ami chim phawng ne, ami li koi ci gui.

ROMAN 13:11

Nang mi cu nami ih nak ungka nami thawh nak ba vai ah a khin gawk law ciah nami hmat pyi ci kya sei, ng’yumhni tu ne nami om vai. A i ah kya sei ci ung mikmi naw hun nak mi gah nak vai ah khaw hnüüp cu, mi yum law nak htük ah mä, ang et law pi k’täi ah hmawk ah kyak ci.

ROMAN 13:12

Khaw ah mü nak ng’pyi law ne, khaw cu thai law ghi ghi ci nei. Cun ah kya sei mikmi cu, hnüp khui ah ng’yak hlü ah om ih nak gui cu mi nawng shüt ne, akdei ung gaa tuk nak vai ah li khim cu mi pawng püi khai nei.

2 PETER 3:10

Bawipa ah hnüüp cu m’guk ei a law ah mäih ah gawk lawk khai nei. Cun ah hnüüp ung khanmawpi cu viik ne ng’pyaang ne maih khai, khankho pumsa avan mei naw m’khih sei dimaih yawp khai, m’dek la m’dek khan ung om ci avan kä om ba khai.