2 PETER 3:1 - Cho Bible Common Language 2016

¹ Teihpüi gui aw, shin ah ca cu ak hnih vei nak ka ning guk law gui ah kyak ci nei. Shin ah caguk ani nik hnih ung, shin ah mawng gui cu shüm ba ne, nami m’lung ngaih theing sei,

2 PETER 3:1 Referans Kwoze

2 TIMOTHI 1:6

Cun ah kyasei kei naw na khan ah kut taihnak ka ning peik yah ung Khanpughi naw a ning peit ah m’cümhnah nak cu ghing khai ah na shum vai ah ka ning m’shümthein ci nei.

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

1 TIMOTHI 5:22

Bawipa ah khuut bik ci am kut taih nak peit nak cu kä nami bi ghet ghet vai, chang ah shetkat nak ung kä nami ng’caw yah tu vai, nami mät theingcim ne nami om vai.

MATTHE 5:8

“Am lung kyong theingthap ci gui yeikyai vä; Nangmi naw Khanpughi nami hmuk khai!

SAM 73:1

Am lung theing ciah Israel gui ah khan ah Khanpughi cu akcang ah nik ci.

SAM 24:4

Cun ah chang gui cu, ami bi theing ne, ami ngaih ng’cim ci, a gup kä khawihnah ci gui, akshe ah shai kä tak ci gui ah kyak ci.

2 KORIN 13:2

Ak hinh vei nak ka law yah ung, katnak bik ci gui la chang a hei gui am,” cän kawn ah ka law ba ung kä ka ning m’düm gui khai nei”, cine, kam cäi gui ah mäih ah, tuhbäi phi a sho nak ah om netah khän ne ka ning m’cäi ba gui mä ci nei.

HEBRU 6:9

Cun ung phi teihpüi gui awi, cun ah thu pyein ung phi kami ning ngaih gep gui ci nei. Nangmi ung bä pi ciah m’shumphyuk nak om sei, hun nak nami khäm cu kami hmat ci nei.

1 PETER 2:11

Teihpüi gui aw, mikmi cu khomdek khan ung om k’tu ah mi kyak ci kyasei, angtäi sei ng’küükneet ne, nang tuk püi gui ciah pumsa ah ng’yak hlü ah kä m’lung k’si en ne, nami thamah vai ah ka ning m’cäi gui ci nei.

2 PETER 3:8

Cun ung phi teih püi gui aw, tumat kä nami m’hnih vai cu, Bawipa ung kho hnüüp ät la khokum phia-ghaa cu ang lak kä om ci, a täng ah kyak ci.

2 PETER 3:14

Cun ah kyasei teihpüi gui aw, cun ah hnüüp cu nami gin yah ung, Khanpughi ah ma ah, theing ne shetkat nak kä om sei, dimdeeih nak a om vai ah nami tha nak vai nei.

2 PETER 3:17

Cun ung phi teihpüi gui aw, shin ah mawng cu nami hmat pyi ah kiak ci. Chang shekha gui ah lam k’she ung kä nami läk en tu vai ah, khäng sei nami ng’düih nak ungka kä nami yung kyak en vai ah geing nah ne nami om vai nei.

JUDE 1:5

Bawipa naw Israel chang gui cu k’phyawn gui ne, Egypt khaw ung kaa k’plawk ba gui netah, kä yum ciah chang gui a dimaih sak gui cu, nami hmat pyi ah kya pang sei phi ka ning shüm ba sak gui hlük ci nei.